人參果紅蘿蔔粟米煲紅螺頭

人參果之前聽就聽過，但完全唔知咩野樣 + 咩味 + 食法......

早前喺Morrisons 第一次見到依種叫做Pepino 既水果，
上網一查原來依個就係人參果! (好鬼貴...£2一個啊......)

人參果又名長壽果或香瓜茄，熟透後切開有一陣清甜香氣，
低糖低脂，且含豐富蛋白質、維他命C、氨基酸 + 礦物質~


1. 紅螺頭乾浸水過夜後瀝乾; 瘦肉汆水後沖洗乾淨備用。


2. 人參果洗淨抹乾，不用去皮切大塊。


3.  紅蘿蔔批皮切件; 粟米洗淨斬半。


4. 水大滾先放入瘦肉和紅螺頭，再放入其他材料，加入薑片和蜜棗，煲至回大滾，繼續以大火煲約20分鐘待出味。


5. 轉小火續煲3小時，以海鹽調味即成。