2016年8月17日星期三

台灣有大S小S,蘇格蘭有大A小A!


大小A仲有幾日就2個月大嘞! 佢地出世後我除咗坐月 + 忙住照顧佢地之外,
屋企經常好多visitors 來探BB,所以我而家先有時間入來掃蜘蛛網 XDDDD


由入醫院生佢地到出院既過程真係一波又三折!
先講返生BB前一個月.......生BB前一個月產檢,
我 + Mr.T 睇住產檢醫生喺我地面前打電話去c section 預留6月21日開刀,
6月14日35w 最後一次產檢,midwife 仲提我20號晚過咗午夜就唔准食野飲水,
第二朝準時7am 入院,佢話20號會有人打電話比我confirm 時間~

不過20號等到4pm 醫院都無打過電話來!
Mr.T 打去醫院問,clinic 已收工,電話一個部門接去另一個部門,
等完又等...每個來接電話既人都只係道歉 + 話唔知咩事!!
於是Mr.T 親自去醫院問,終於發現...產檢醫生的確有幫我留位,
不過負責編排開刀次序果個scheduling coordinator 無加到我個名,
即係話21號無手術室比我生BB.......

Mr.T 話後來有個個樣高級d既醫生同佢講,叫我地第二日9.30am 入院...等!
長話短說,我21號準時入院,抽咗2次血 + monitor BB心跳,
再瞓醒一覺...差不多接近中午時,高級樣醫生又走同我地道歉,
是日我無得開刀! 不過佢叫我夜晚返來醫院住一晚過夜,
保證第二朝安排到我開刀,又承諾會徹查咩事,
成家人包括Mr.T 都黑哂口面,62又話要投訴又盛,但我就餓到無力嬲......


可能醫院知衰,安排咗間超大單人房比我住! LOL


就係因為咁,原本應該係雙子座既大小A,遲咗一日出世變咗巨蟹座......


開刀整過過程好快好快! 雖然半身麻醉唔痛,不過可能我太緊張,
雙手一直不停震,半途仲要聞笑氣,幸好Mr.T 一直喺旁邊拖住我手陪住我,
否則我好可能已經暈咗 =P

依個係大A (Angelica),出世時5磅11安士重,
不過佢一出世有輕微羊水入肺,所以我只望咗佢一眼,佢就要去瞓箱仔~


依隻蕃薯仔係小A (Aurora),出世時4磅4安士,雖然佢比大A細粒好多,
不過喊得仲大聲過大A! Mr.T 抱住小A等醫生幫我縫返個肚,
佢一直眼仔碌碌,好奇地望吓我...望吓Mr.T...又望吓個麻醉師 XDDD


縫完肚後護士比我抱住小A推我出手術室返房~


小A一直都同我 + Mr.T 同房,但大A要留喺NICU 瞓箱仔,
我第二日先勉強地有限度郁動,Mr.T 推我去睇大A......


大A喺NICU 瞓咗5日之後,終於可以返來同我地同房嘞! ^^
不過佢地始終屬於早產嬰,所以佢地兩個每日都要比護士推去NICU 檢查幾次~


我面青口唇白,因為醫生就話我開刀時流咗好多血,差少少就要輸血,
要快手用釘幫我埋傷口 + 食鐵丸補血~

開完刀即晚我又發燒又肚脹排唔到氣,醫生話我d腸郁得好慢,
唔准我食野飲水,齋吊鹽水 + 消炎藥水吊咗2日,
照完X光再照CT scan...期間不停比人抽血,
仲要插鼻喉插到流哂鼻血胃減壓......
攪完一大輪已得返半條人命,6日後仲要分2日拆釘......
就係咁我地一家人喺醫院住咗足足16日! @@


第一個星期我行動唔方便,幾乎瞓足全日床,多得Mr.T 日夜照顧小A~ ^^


住院期間見到義賣婆婆們,佢地親手織咗2套衫仔帽仔送比大小A,
我感動到差d喊出來...... =P


7月8日終於可以返屋企嘞! ^^


大小A係Non identical twins 來,2個完全唔同樣.......

大A單眼皮~


小A雙眼皮~


佢地除咗size + 樣完全唔同之外,連個性都好唔同......

大A個性較文靜,有點怕醜~


影相時佢大部份時間都係咁樣無表情呆呆直望住鏡頭! XDDD


小A個性巴渣,成個八婆仔咁 (似媽媽 LOL)


表情多多既佢經常整好多笑死人既古靈精怪樣 XDDDD


佢地瞓著覺時好似小天使咁可愛~ 有時連瞓著咗都會甜笑!






不過佢地一喊就唔係人咁品! 尤其兩個約埋一齊爆喊時.......

大A喊時陰聲細氣,一喊即時眼淚汪汪,一副楚楚可憐令人心庝既樣......


小A喊時屬發爛咋型! 一開波就撐到個口大一大得把聲,但又無乜眼淚 LOL


湊大小A雖然好忙,但佢地算係乖babies,所以忙得好開心 + 唔辛苦~ ^^
就算好攰,一見到佢地對住我甜笑,就覺得好值得.......




V媽媽之前來咗Glasgow 一個月陪我坐月,不過佢已經返咗香港嘞~


仲有幾日大小A就兩個月大嘞! Time flies.......


沒有忘記,從未忘記,不會忘記~
You will always have a special place in my heart.








95 則留言:

  1. BB超可爱, 好开心终于可以看到BB啦! 小A的表情好搞笑, 可以透露中文名吗??from 月儿

    回覆刪除
    回覆
    1. 多謝月兒 ^^
      中文名比較私人, 恕我唔可以透露全名, 不過我可以講最尾個字, 大A係詹X昕, 小A係詹x晞

      刪除
  2. Thank you for undating your blog. It's very delightful to hear from you. Your daughters are gorgeous. You must have a lot of fun! Take care.

    回覆刪除
  3. 好可愛兩位小A公主;一動一靜超開心。祝福她們開開心心健康成長

    回覆刪除
  4. 睇左你個BLOG咁多年 見到你平安生左2個咁可愛既BB女 一家咁幸福開心 真係好感動>< ..恭喜你呀V女 祝福2位BB快高長大 永遠都開開心心 健健康康^^


    LEE.

    回覆刪除
  5. I have been worrying a lot, a lot; clicking to search for any update. Now super glad to learn that you & family are well. Relieve... A mother of 2 monsters.

    回覆刪除
  6. Congrats!!! They are adorable! Both of my daughters' names also start with "A"
    The recovery from C-section is tough and I hope you are getting better now!! Take Care.

    回覆刪除
  7. I been following your page quite a LONG time, so glad to heard ur daughters finally arrived safely!!!! I been checking your blog constantly for the last few weeks!!! Big A and Small A are adorable, enjoy motherhood and don't forget to have some rest yourself too. All the best from Ireland :)

    回覆刪除
  8. 恭喜恭喜晒呀!終於見到大小A, 大小平安健康就好啦~
    湊初生好攰好辛苦, 你仲要湊孖既~辛苦雙倍, 但滿足幸福感都係雙倍

    回覆刪除
    回覆
    1. 多謝Sylvia ^^
      大小A 係乖BB來,湊佢地完全唔辛苦~ 其實BB而家依個時間先好湊呀,食飽就瞓,瞓飽就痾,第日識行識走就要看牛,到時先辛苦

      刪除
  9. 好可愛既大A 小A 呀..恭喜哂你地, 祝你一家平平安安,身體健康,BB快高長大.

    回覆刪除
  10. 恭喜曬!

    祝大小A快高長大,身體健康,人見人愛,車見車載!

    fairy

    回覆刪除
  11. 恭喜哂你地呀!睇左呢個BLOG好多年,而家見你地一家好開心,都幾感動!加油揍BB啊!

    回覆刪除
  12. 真係辛苦晒呀V,所以大小A各有不同,各有各好,越來越可愛!

    回覆刪除
    回覆
    1. 多謝小車 ^^ 大小A係乖BB來,湊佢地唔辛苦啊~ 我好enjoy

      刪除
  13. 喺父母心目中,自己嘅仔女幾時都係咁可愛,養子方知父母恩,遲啲你更覺母愛偉大.

    回覆刪除
  14. 祝孖妹身體健康 !! 快高長大 !! 越大越靚 !!
    你好好保重身體 !! Take care ^^

    回覆刪除
  15. 祝孖妹身體健康 !! 快高長大 !! 越大越靚 !!
    你好好保重身體 !! Take care ^^
    CSL

    回覆刪除
  16. 終於見到大小A啦,好可愛呢,快高長大,聽聽話話,V女,加油啊,由yahoo blog睇到你依家做咗媽咪,好感動啊!

    回覆刪除
  17. Your two babies are very cute!!!

    回覆刪除
  18. Your two babies are very cute!!!

    回覆刪除
  19. 由yahoo blog睇到而家,好替阿V開心��
    祝可愛嘅大A小A永遠健健康康,日日開開心心!
    Angela

    回覆刪除
  20. Congrats! So happy to hear from you and babies are adorable and lovely!
    Peggy

    回覆刪除
  21. Congrats :-)
    I'm so happy for you :-)
    祝大A小A身體健康, 快高長大, 越大越靚 :-)

    回覆刪除
  22. 我睇到你醫院咁既安排都好嬲! 比我會好擔心醫生個手勢, 之後就見到你話佢用釘來縫? OMG! 香港做C Section唔會咁樣架...

    回覆刪除
    回覆
    1. 似乎妳對醫院基本運作一無所知.....@@
      "醫院咁既安排" 完全係個scheduling coordinator 既失誤,醫生唔係一腳踢做哂成間醫院所有野,關個醫生咩野事?
      我估如果妳遇到我既情況,妳一定會投訴,不過投訴前係咪要先攪清楚邊個fuck things up

      c section 唔用釘 - 唔係香唔香港既問題,而係個別情況既問題,開刀後醫生有同我講解,因為我開刀時要攞3個B出來,所需時間較長,所以失血較多,但因為我陀BB時一直打薄血針止血慢,加上我開刀傷口大要用釘快手縫傷口,所以c section 只係喺一般情況下唔會用釘,而我係其中一個特別case,所以妳唔洗OMG

      刪除
    2. 因為有人同我講過英國做剖腹麻麻地, 再見到你發生小小唔愉快事件所以敏感地對號入座了.
      你說得對, 每個人CASE唔同, 而你的情況更特別, 交比醫生就好

      刪除
    3. 英國由蘇格蘭, 英格蘭, 威爾斯組成,雖然合拼成為一個國家,但3地教育、醫療等好多政策都唔同,各地有各地自己一套,其他地方我無試過我唔敢一概而論,但我知道NHS Scotland 好多設施福利南下英格蘭都無既/無咁好
      由我去NHS 登記,一直產檢到我入手術室生BB都係同一個醫生幫我開刀,佢好專業,我敢講香港私家醫院都未必有咁既質素

      刪除
  23. 不過大小A平安就好! 祝佢地健康精靈, 開心快樂, 第日快個D都唔好咁naughty~

    回覆刪除
  24. 恭喜你地呀!!雖然係一波三折但好彩最後都順順利利!孖A真係完全唔同樣, 但兩個都係表情B好可愛!肯定冧屎係兩個!第時兩個一齊學講嘢行路時屋企一定更熱鬧, 一定好攪笑!ENJOY!

    回覆刪除
    回覆
    1. 多謝Mary ^^
      佢地而家未識講野未識行,但一喊已經好熱鬧 LOL

      刪除
  25. 恭喜你和Mr. T!

    好好享受兩個天使的成長過程(=^^=)

    回覆刪除
  26. 寶寶們好健康可愛啊!謝謝你百忙中也抽空分享,讓像我這素未謀面的也能感受到你們的喜悅。從此以後是開心四人組,好好享受孩子們成長的㸃滴,祝福你們!

    回覆刪除
  27. 好鄧你高興,我喺倫敦生嘅經歷都好驚,呢度嘅nhs真係好睇彩數。。。希望你兩個女健健康康成長,唔洗要你擔心! 🌷🌷🌷送俾你3個A

    回覆刪除
    回覆
    1. Thank you Wing ^^
      Glasgow NHS 好好呀! 由登記開始到產檢,直到開刀生BB果一刻佢地都好專業,始終人手做野總會有出錯機會,有時失誤在所難免~ 只係一個人做錯野攪到我遲一日生BB啫 =)

      刪除
  28. 恭喜晒,睇左你個BLOG好多年啦,平時是潛水客 ^O^.
    今日終於見到你對超可愛BB真係好開心.
    首先希望BB們快高長大,身體健康,飲(奶)得,訓得,柯得,玩得先.
    我今年4月底都生左BB,仲係無心裡準備下早產開刀生B.真係好明白及認同你話"忙得好開心 + 唔辛苦",因為就算日日無覺好訓,忙到傻,但望住個囡對你笑時,真係咩都會唔記得晒GA.加上你又打孖來,係相見到你咁精神,真的替你感到開心及感恩.
    希望你們一家四口,日日都開開心心.



    回覆刪除
    回覆
    1. Thank you Edna ^^
      大小A遺傳哂我 + Mr.T 大食既因子,佢地兩個而家都食緊比佢地體重需要更多既份量,每星期NHS health visitor 上來check 佢地體重,都話佢地增重得好好,仲讚我doing a good job,做媽媽想要既就係咁簡單 ^^

      刪除
  29. 幸福的V,見到妳同Mr.T 抱著大小A為妳高興。生產過程雖然辛苦但一切直得💪💪💪

    回覆刪除
  30. 終於等到你 update 喇, 一邊睇一邊回心微笑!
    登你地好開心 ! 我就咁睇住2個bb表情多多,已經感覺到好窩心
    我覺得小A有d似你,而你原來同V媽咁似樣 ! :)

    媽媽們加油呀!我都要加油!

    回覆刪除
    回覆
    1. Thank you May ^^
      個個都話小A似我,但其實小A最似既係V爸爸呢 LOL
      不過大A就唔知似邊個嘞,我同Mr.T 都係雙眼皮 XDDD

      妳預產期幾時呀? 加油 + 預祝妳順順利利啊 ^^

      刪除
  31. 阿V, 恭喜晒, 好高興看到兩位BB女樣子.,好可愛啊. 祝兩位B B 女,快高長大, 健康快樂.!

    回覆刪除
  32. 恭喜恭喜! 兩位小公主好可愛呀, 祝她們身體健康, 快高長大! 阿V你都要多d休息, 因開完刀身體比較虛弱, 要食返多d嘢補身。

    回覆刪除
    回覆
    1. 多謝小雲 ^^
      我身體大致上已經好返哂嘞,只係傷口間中仲有少少針拮既感覺,之前V媽媽陪我坐月時日日整野比我食,餐餐都係冬蟲草湯 -_- 而家想食d香口惹味無益既食物 XDDD

      刪除
  33. 好開心見到大小A,BBs精靈可愛..相加上媽媽嘅描述,兩個BB嘅唔同性格好立體咁出跳嚟..
    媽媽同BBs好叻!!

    回覆刪除
  34. 恭喜晒!好開心見到佢地!祝大小A身體健康,快高長大!
    P.s.睇左你blog7年,第一次留言

    回覆刪除
  35. BBs 好精靈可愛喔!祝大A細A健康成長,平安愉快!

    回覆刪除
  36. 恭喜哂呀,終於見到大小A啦!

    回覆刪除
  37. Congratulations!終於睇到你們的update好感動。祝你們一家幸福快樂!

    回覆刪除
  38. 恭喜晒啊V,睇你个blog甘耐,好似朋友仔甘亲切,bb女们好得意啊,祝距地健康成长!

    回覆刪除
  39. Mrs T 終於搵到你個blog,又見到你有孖B,恭喜你哋! so happy for you both! 祝BB快高長大!

    回覆刪除
  40. 等左甘耐終於見到兩位精靈BB,恭喜你們!

    回覆刪除
  41. 現在可留言啦!BB好可愛,你还有時間煮飯寫blog嗎?

    回覆刪除
    回覆
    1. Thank you Stella ^^
      其實時間係有既, 不過問題係我而家胃口比以前差咗好多, 煮都只係煮d好簡單既野, 希望遲d胃家會好d啦! 我仲有好多野想試煮

      刪除
  42. 好感動呀, 恭喜哂, 祝2A身體健康, 快高長大, 你都休息多D, ENJOY!!

    回覆刪除
  43. 恭喜你呀
    之前見你一直冇update
    真系有的擔心呢
    祝你們一家四口幸福快樂!

    回覆刪除
  44. 恭喜你呀
    之前見你一直冇update
    真系有的擔心呢
    祝你們一家四口幸福快樂!

    回覆刪除

Related Posts Plugin for WordPress, Blogger...