2015年9月12日星期六

蘇太柑桔滿堂醬荷蘭豆炒蝦球

荷蘭豆炒蝦球

英國既中國超市並非只賣中式食品調味料,日韓星馬泰越印既產品...都有!
所以每次見到有來自香港既新貨品,阿V就會特別覺得有親切感,
仲會仆到去買來試...事關唔知件貨只係one off 定長期都有得賣.......


蘇太柑桔滿堂醬
返香港前發現泗和行入咗咋蘇太名醬,記得上年返香港時喺City Super 見過,
即時買咗一樽柑桔滿堂醬 + 一樽秘製川椒醬~ 今次用咗柑桔滿堂醬.......
所謂"柑桔滿堂"...材料有欖角、蒜頭、乾蔥、柑桔、指天椒 + 陳皮,
真係齋睇材料都覺得惹味~~~ ^^


1. 大蝦開背挑出沙線,抹乾水份,用胡椒粉、紹興酒、少許鹽和粟粉抓勻備用。


2. 荷蘭豆撕去筋,洗淨瀝乾備用。


3. 燒熱油鑊爆香拍扁蒜頭,下大蝦快炒至開始變色。


4. 加入荷蘭豆炒勻,灒少許紹興酒,下少許糖調味。


5. 最後下適量蘇太柑桔滿堂醬兜勻上碟即成。








2 則留言:

  1. 材料有欖角、蒜頭、乾蔥、柑桔、指天椒 + 陳皮,
    果然齋睇材料都覺得惹味~~~~

    澳門呢邊唔覺眼,下次個妹過香港,叫佢買手信比我至得~~哈哈

    回覆刪除
    回覆
    1. 澳門有無City Super 架?

      so far 我食過蘇太3款唔同醬料都好好味! 啱啱買咗素香XO醬但仲未試

      刪除

Related Posts Plugin for WordPress, Blogger...