My Colourful World - My 1st Secret Garden (2015年8月16日)

我終於完成咗第一幅Secret Garden 嘞! ^^
阿V慢手慢腳，懶係慢工出細貨，一幅圖油咗4日先完成 =P
咁我當然唔係廢寢忘餐由朝到晚咁油足4日啦，
只係今日得閒時油吓...聽日得閒時又油吓...每日油少少，
我有4本填色本，我又油得咁鬼慢，真係好襟玩呢! XDDDD

第一日好晏先開始油，油咗一陣就天黑，但我屋企燈光太黃，好快就要收檔......

第二日接近完成一半......

第三日油剩少少太眼瞓.......

Ta-Da~~~~~~ 第四日終於完成嘞! ^^


第一幅完成品無論係用色或技巧上都係實驗性質，太多地方有待改進......

成幅我最滿意係依朵紫色小花 ^^

除咗Secret Garden 作者推薦既木顏色 + 彩色細字筆之外，
我仲用咗閃粉啫喱筆 + 金屬啫喱筆，好鍾意完成後既bling bling 效果~ ❤


開始玩填色後發現不同顏料有不同用法，配合埋不同上色技巧，出來既效果千變萬化!

越知得多就越想樣樣都試吓...我體內潛伏已久既文具控就如一隻失控既野獸.......

36色乾粉彩

好柔和既粉彩色啊~~ ❤ 可直接上色，或上色後再用水調開做成不同效果

固體水彩

本來無打算買依個，不過英國正值開學文具大減價，依盒24色有半價...... =P


原來木顏色分水溶性 + 油溶性，水溶性可以用水混和調開造成水彩效果;
而油溶性可以用酒精或baby oil 來調開混和........

除此之外，仲有一種木顏色可以乾混! 依盒乾混24色好平，又買來試吓~

之前買咗一盒36色水溶性，網上訂咗依盒馬可72色油溶性，終於送到來! ^^

72個顏色...佢個包裝紙盒唔方便揀色，屋企搵到個透明膠罐，咁揀顏色就方便好多~

高度good fit，若果d顏色筆再長少少就冚唔到蓋....... ^^


啫喱筆真係好好油，而且顏色又靚，買到上哂癮.......

8色套裝珠光金屬啫喱筆

單枝紅綠金屬啫喱筆


大牌子Uniball 既閃粉 + 金屬啫喱筆喺英國賣得好貴，
當台灣 + 香港賣緊6-9蚊港紙一枝既時候，英國要£2.XX一枝，
見過最平都要£1.79，實在太貴唔捨得買，所以我一直都只買平價雜嘜貨仔，
e.g. £1店一set 8至10色，一樣順滑好寫又閃閃........

早幾日喺一間文具店見到Uniball 大減價喎!

雖然只係得4個色，不過減到50p一枝，每個色買咗一枝! ^^

見朋友買咗粉色啫喱筆好靚，我又柴娃娃買咗一pack....... =P

跟住喺£1店又見到...£1喎!!!!!!!


除咗狂買顏色筆之外，仲有其他上色既工具用品.......

依種美術專用既擦膠，質地如泥膠，可以擦走乾粉彩或作混色之用

£1店買既枝裝擦膠，有時填色填出界，範圍細既地方用佢就最好!

可用來擦開乾粉彩既紙捲擦筆

有整大中小筆頭 + 墨水既西洋美術書法筆套裝

最後依個....完全唔關填色事! XDDD
依個係刺繍時用來拉緊塊布既刺繍圈......
係呀~ 我想學刺繍呀! 喺美術用品店見到順便買埋 ^^