日本 - 秋葵納豆生雞蛋拌飯

高木直子最新既圖文書"一個人好想吃"裡面有講納豆飯，睇完之後口水大流忍唔住整返個!

納豆係經枯草桿菌發酵過既黃豆，最初知道納豆依樣日本食品係因為"蠟筆小新" XDDD
後來見Glasgow 既中超有得賣，好奇買來試吓，一食就愛上咗! ❤

好多人覺得納豆黏黏滑滑好核突，有d人仲話好臭......
不過阿V覺得納豆好香，而且我就係鍾意佢微鹹滑滑既味道 + 口感! ^^

另一樣阿V好鍾意既滑滑就係秋葵 ❤ (原來香港多叫毛茄!)


高木直子既納豆飯版本除咗納豆、秋葵生雞蛋之外，仲有魚生、山藥等材料，
不過我依個簡化版已經夠料夠哂好味嘞! ^^

日本人正宗既做法係最後喺飯 + 材料上打上一個生雞蛋......
不過之前都講過依度買唔到日本人專用來拌飯既雞蛋(網誌)，
為安全計我既做法會先將蛋焗至半熟~


1. 秋葵適量洗淨後，放入一鍋滾水中灼煮2分鐘，將秋葵撈起放入一盆冰水中浸著備用。


2. 大碗中先盛入一半已煮好的熱辣辣白飯，打入一隻已放室溫的新鮮雞蛋，另一半白飯放面完全蓋過雞蛋，蓋著大碗待約3分鐘。


3. 撈起(1)的秋葵切成粒備用。


4. 納豆放入另一碗中，加入盒內附有的調味料，用筷子充份拌勻。

5. 3分鐘後打開大碗的蓋，將秋葵和拌好的納豆放在飯面，灑上蔥花再淋上少許醬油，吃前將所有材料拌勻即成。

我用萬字既溜醬油~ 用過佢之後唔想再用返普通萬字 =P

納豆就似臭豆腐，鍾意既人會好鍾意; 相反討厭既人就超憎! XDDD
賣相滑滑黏黏的確唔多吸引，不過我覺得好好食，尤其好啱夏天做quick lunch! ^^