大年初七人人生日6人盆滿砵滿盆菜開年飯 - 2015年2月25日 (附做法)

前年農曆新年為食整咗個盆菜同Mr.T 2人開年，
早前同Mr.T 阿姨 + 佢幾個都鍾意煮野既朋友傾計，
佢地睇到張盆菜相都話好想食......

上星期約好Mr.T 阿姨尋日人日過來一齊食開年飯，
阿姨話會帶一位朋友來，咁就整盆菜啦!
到咗人日前一日，阿姨通知會帶多一位朋友......
到尋日開飯前30分鐘，來到屋企先知阿姨臨時再帶多咗一位朋友來......
就係咁...依餐原本4人既開年飯，變咗6個人!
不過唔緊要，咁大盆盆菜一定夠食~
(但我原先只準備咗每人2隻大蝦...... =P )

羊年第一篇慳家文 (長篇)

踏入羊年阿V有個Chinese New Year's Resolution.......
就係...我 ‧ 唔 ‧ 再 ‧ 敗 ‧ 家! 
我唔再敗家...但會繼續慳家!! 嘻嘻~~~~

誠實環保袋 XDDDDD

孖T情人節2015

今年情人節之後幾日就係農曆新年，一直忙大掃除、忙蒸糕、忙煮飯......
而家先有時間寫返情人節~
今年情人節過得特別開心! 佳因Mr.T 全日唔洗返工陪足我超過24小時~ ❤

馬年最後一份禮物 (2015年2月18日)

馬年最後一日年三十同Mr.T 去完街，返到屋企收到郵差叔叔送包裹通知，
即時叫Mr.T 車我去郵局攞包裹.......

羊年發財樹花開富貴

有句俗語有云: "鐵樹千年難開花，玉樹萬年不開花"~
上星期無意中發現62多年前送比我地，種咗未夠10年既玉樹竟然開咗花喎!
(玉樹又名發財樹、翡翠木、吸財樹或燕子掌)

二人世界年夜飯 - 2015年2月18日 (附食譜)

簡易花膠海參素翅羹; 髮菜花菇蠔豉炆鮑魚; 冰糖炆鹹豬手; 西蘭花炒帶子

往年比較少煮團年飯，多數農曆新年過後先煮開年飯~
今年有點唔同，Mr.T 接手咗62餐館，餐館年三十 + 大年初一都唔開門，
Mr.T 可以真真正正陪我過農曆年，可以好好煮返餐年夜飯! ^^

簡易花膠海參素翅羹

阿V由細到大都只好鮑參肚，唔多吼魚翅~
而家d仿翅口感越仿越真，用仿翅都一樣整到美味翅羹! ^^

收爐了! (2015年2月17日)

今年個蒸糕bell 響到年廿九先停! 蒸咗2輪糕.......

第一輪兩底都係蘿蔔糕 - 一素一葷~

V記自製臘鴨腿

英國買到既臘鴨又貴又唔好食，太鹹太油膩又唔香...於是我決定自家製! ^^
市售臘味喺製作時會加入"硝"作防腐劑，延長保存期之餘，
又會令臘味成品色澤紅潤，賣相靚d，不過硝對人體健康有不良影響!
自家製就唔會用硝，100%無添加安全衛生~
由開始製作至完成唔洗兩星期，why not?

越洋農曆新年禮物 (2015年2月9日)

上星期收到Joey 從香港寄來一份好有新年氣氛既禮物! ❤

二人世界食乜鬼 - 2015年2月上旬 (附食譜)

眨吓眼2015年2月話咁快又過咗一半，仲有幾日就係農曆新年，
有好多野仲未準備好，1日24小時根本唔夠用.........

今年打算整4種賀年糕點，但暫時只整咗桂花馬蹄糕! >_<
舊年第一次整馬蹄糕，成底比哂Mr.T 阿姨，阿姨話好正，但我自己無試過~
今次特登留返細細兜比自己試吓...阿姨仍然話好正，不過我真係唔鍾意馬蹄呢!! =P

晶瑩桂花馬蹄糕食譜click here~

淮山杞子花膠粟米煲鵪鶉 (先蒸後浸發花膠方法)

鵪鶉素有"動物人參"之稱; 花膠滋陰養顏; 杞子養肝明目; 淮山健脾補肺; 再加埋清熱袪濕既粟米，一個營養豐富滋補靚湯! ^^

韓國 - 涼拌茄子 Gaji-namul

依個其實正宗應該用幼長既紫長茄，不過紫長茄要中國超市先買得到......

韓國 - 泡菜炒飯 Kimchi Bokkeumbap

日本 - 自製手工味噌

米麴除咗可以用來自製鹽麴 + 醬油麴之外，仲可以用來自製手工味噌! ^^
上面依樽只係"半成品"，顏色同一般喺街買既味噌比較，明顯淺色好多，
至於最後完成品...要1年之後先有得睇啊! =P
而家先記低材料份量 + 做法，1年之後再睇成果~

孜然炒羊肉

金蠔臘味煲仔飯 (Fontignac 20cm Self Cooking French Oven)

阿V唔算叫做好鍾意食臘味...正確來講其實只鍾意臘鴨、膶腸 + 金銀膶，
臘腸非常麻麻地，臘肉...最憎!!

以前未買cast iron 煲時都整過一次臘味飯，不過用偷雞蒸飯既方法 (網誌);
而家用咗cast iron 煲已多年，煲仔飯都整過好多次，但今次先係第一次整臘味煲仔飯!

雲耳秋葵白味噌炒茄子

我有一個情意結...炒茄子一定要先走油~
"炒時加d水..."..."蒸軟佢..."..."茄子吸油太肥..."......
我通通都唔care! 總之就係要走油!!

韓國 - 韓式蔘雞湯 Samgyetang

多年前聖誕同V媽媽、V阿姨 + V表妹去首爾旅行，第一次食到蔘雞湯，當時我心裡面既反應係...吓!!?!?!? 依兜無色無味無香味，雞肉鞋霎霎既野竟然係韓國名菜!!?!?! 大受打擊!!

後來喺香港既韓國菜館聞到隔離枱果兜蔘雞湯好鬼香，我又忍唔住點一兜...終於扭轉咗我對依道經典韓國菜既印象! 同時我得出一個結論 - 跟旅行團，食得最好果幾餐，總係要自費!!

韓國人鍾意夏天時會食用蔘雞湯，佢地認為食完出一身汗，身體裡面唔好既野會隨汗水排出; 不過中國人就認為冬天先係進補季節......

阿V唔理夏天冬天 / 進唔進補...我只係知道冬天凍冰冰，蔘雞湯熱辣辣，有肉有湯又有飯，食完成身暖笠笠好舒服! ^^