佐敦太平館 (2014年6月10日)

 
Mr.T 先行返來英國，V媽媽一直都想煮餐好既比Mr.T 食，
不過香港既夏天咁鬼熱，喺廚房煮一餐九大簋好辛苦架!
倒不如出街舒舒服服歎住冷氣等吓就有得食!! 
是晚地點係佐敦太平館~


6個人食飯，其實天氣熱到都唔係好有胃口! 
點既都係平時去太平館既例牌菜........

瑞士汁乾炒牛河 
阿V必食其一! ❤ 唔好同我講"依碟野太油淋淋!" 我就係鍾意佢夠油水!!

芝士焗肉醬意粉
V媽媽心水必食~ 不過今次焗得唔夠乾，所以唔夠香......

燒豬肶
依個一定要配白飯一齊食!

岑味牛脷
阿V必食其二! ❤ 炆至軟熟牛脷淋上香濃岑味汁...唸返起都流哂口水~~~
(岑味汁 = 牛油 + 雞肝煮成既汁)

鹹牛脷
依個點來換換口味.......

炸乳鴿
比較啱鍾意食香口野既人!

瑞士乳鴿
阿V必食其三! ❤ 去親太平館，無論邊一間分店，
我都一定唔會點佢地招牌菜瑞士雞翼，但就一定會點依個瑞士乳鴿!
雖然要等耐少少，不過絕對值得~~~~

太平館出名既巨型梳乎厘~ 對我來講依個唔係必食，
廿四孝外母V媽媽點比佢個甜品怪女婿食既啫!
話時話...縮咗水細隻咗喎!!

明明兩母女根本完全唔好甜品! 但梳乎厘一上枱硬係要扮哂渴望爭住影相抽水......

XDDDDD