2014年8月31日星期日

烤龍蝦薯條@Lobster Shack North Berwick (2014年8月23日)

La Cuisine De Veronica Lobster Shack

英國國食 - 炸魚薯條我就食得多, 烤龍蝦 + 炸薯條......
前者奢侈,後者大眾化,咁既組合都係第一次! 估唔到兩者會咁夾果喎~

2014年8月30日星期六

精緻的蘇格蘭早餐 - Toasted Potato Scones with Smoked Salmon & Creamy Scrambled Egg

La Cuisine De Veronica Potato Scones with Smoked Salmon & Creamy Scrambled Egg

英式 + 蘇格蘭式早餐雖然item 上些少分別,
但基本上都係大大份,煎煎炸炸甚油膩...不過其實亦有比較清淡健康既選擇架~
依份簡單好味又健康既早餐,仲令曾經喺Glasgow 住過一段短時間既Jamie Oliver 一試難忘呢! ^^

2014年8月27日星期三

滬江大飯店...全日食唔厭! (2014年6月25日)


返香港前後一直都有應不同扑友約食飯,不過我並非"約者不拒",
基本上我只會應已認識咗一段較長日子,平日多溝通,
仲要啱咀形 + 知道對方個樣既扑友約!

返香港一頭半個月,要逐個扑友約食飯,喺安排時間上有d難度......
但我一早已應承咗部份扑友見面,只係未落實時間,
眼見回英日期越來越近,留港日子越來越短,我想留多點時間陪屋企人~
於是我提議 - 不如一次過約一齊食飯!
是日約咗3位美女扑友: Clara, Joey + Gloria 一齊食lunch,
雖然佢地本身互不相識,不過大家都係大方不拘小節又健談既人,
4個女人好快就雞啄唔斷變咗一個extra large 大墟!

2014年8月26日星期二

長腳蟹@將軍澳海王漁港 (2014年6月21日)

La Cuisine De Veronica 海王漁港

是晚有位auntie 生日,喺將軍澳海王漁港訂咗隻阿拉斯加長腳蟹食飯慶祝~

2014年8月25日星期一

Piccoli Piatti@The Italian Caffe Merchant City Glasgow (2014年7月20日)

La Cuisine De Veronica The Italian Caffe

西班牙tapas 應該好多人都食過,不過意大利菜tapas 你又食過未呢?
意菜tapas 叫做"Piccoli Piatti",意即"small plates",係意菜既新興食法~
傳統意菜賣相粗豪兼大大份; 而"Piccoli Piatti"就係精緻袖珍版 - 即係細份d! 
所以其實都唔算好特別...不過portion 細咗,可以一次過點多幾款不同菜式!

2014年8月23日星期六

和靚太Angel 撐枱腳@尖沙咀鼎泰豐 (2014年6月21日)

La Cuisine De Veronica 鼎泰豐

各位美女扑友實在太清楚阿V口味! 寫緊依篇既時候,
我發現今次返香港同第一次見面既靚太聚會,一律都係去食上海菜!
依篇唔係最後一篇......

是日同另一位第一次見面既靚太扑友Angel 食lunch,地點係尖沙咀鼎泰豐~
阿V喺台灣食過鼎泰豐,好鍾意! 
我知道香港開咗分店好耐,不過一直都無試過; 知道尖沙咀有分店,不過唔知確實位置......

我終於要承認...我的確係一個地址白痴!
尖沙咀鼎泰豐喺廣東道,我搭巴士喺清真寺落車...係啱既!
不過...我唔記得點解我落車後會懶醒一枝箭咁行去中港城!!?!?!
到咗中港城仲要上埋樓梯去搵鼎泰豐...搵唔到就去睇水牌......
終於發現 - 鼎泰豐根本唔喺中港城!!!!!!!!

2014年8月22日星期五

Milano Steakhouse@Cumbernauld (2014年7月17日)

是日Mr.T 放工後要去附近做少少野,
所以先返屋企接我,等佢整完野一齊去食飯~
唔熟附近正煩惱食乜野好......

離遠見到有間意大利餐廳,原本興趣不大,
但唔熟地頭又太肚餓,係咁二兜去門口唸住睇吓個餐牌,
車兜到去門口,未落車睇個餐牌...我已經決定食依間!
因為喺car park 已經聞到好鬼香~~~~~

2014年8月21日星期四

和貓小玲撐枱腳@奧海城金滿庭京川滬菜館 (2014年6月19日)

La Cuisine De Veronica 金滿庭

今次返香港,同幾位blog 友第一次見面,靚太貓小玲就係其中一位嘞! ^^

是晚貓小玲約我喺一個我從未踏足既商場見面 - 奧海城~
唔知點解我個腦自動波將奧海城變做"奧港城",
仲喺FB周圍問人: 由太子點去"奧港城"?
得到既回覆都係: 奧海城就知,奧港城唔知喎......

最後我懵盛盛走去搭小巴...落大雨狼狽情況下,
根本無攪清楚架小巴究竟去奧咩城就上咗車.......
直至司機停車...我見到大大隻字"奧海城"!
有dd"劣"走去問司機: 請問奧港城係咪依個站落車?
司機: 奧港城唔係依樹喎! 奧港城喺佐敦果頭喎!!
吓??????????????????????????????????????

2014年8月20日星期三

價廉物美缸瓦佬

La Cuisine De Veronica 缸瓦佬

我相信鍾意煮野食既人,對"缸瓦佬"唔會陌生!
佢地既店一直都好近阿V娘家屋企,
我初次幫襯"缸瓦佬"係2009年,當時店位於太子道西;
對上一次返香港,店搬咗去花墟;
剛剛今次返去,喺洗衣街開咗總店~
日日必經,所以我有事沒事得閒就入去打個白鴿轉!

2014年8月18日星期一

和V媽媽撐枱腳@八月花 (2014年6月17日)

八月花

雖然我喺香港土生土長,但喺英國生活咗咁多年,
我發現自己真係頂唔順香港既夏天!
以前讀緊大學時,聖誕 + 暑假都會返香港,
聖誕多數會平安渡過,不過暑假幾乎10次著咗9次半都會腸胃炎要去浸會醫院啪針!!
自從結咗婚之後,我都未試過盛夏之時返香港,
今次偶一為之......即時瀨野!!!
早一晚(6月16日)本來訂咗位食自助餐.......

二人世界三餸一湯 - 2014年8月13日 (附食譜)

La Cuisine De Veronica 三餸一湯

夜香花豬潤瘦肉湯; 南乳炆牛腩; 煎荷包蛋; 蒜蓉炒芥蘭

Weekend 喺愛丁堡中式超市買到夜香花,
上一餐想用來滾豬潤瘦肉啦...點知去勻兩間超市都無豬潤賣!
第二晚唔得閒煮飯......

新鮮夜香花就算放雪櫃都唔擺得太耐...咁不如用來炒蛋啦!
點知隔咗一日去超市有大量豬潤!!

2014年8月16日星期六

和V爸爸撐枱腳@素食一家 (2014年6月13日)

La Cuisine De Veronica 素食一家

是晚V媽媽同雀友有局,過兩日就係父親節,
V媽媽話唔想正日出街同人迫食飯(無錯~ 係V媽媽話唔想.....)
趁V媽媽去咗打麻雀,是晚我請V爸爸食飯,提早同佢慶祝父親節!

2014年8月15日星期五

Mr.T 臨別encore 大排檔 (2014年6月11日)


今次香港之行Mr.T 只留9日,佢返英前一日要求要encore 大排檔!

5隻可愛小魔怪

倉鼠 Hamster
返香港前我留意到McHamHam 身體開始慢慢瘦下來,
毛色慢慢變得暗啞,食量比以前減少,瞓覺時間長咗......
之前養過廿隻倉鼠既經驗話我知 - McHamHam 開始老嘞~

2014年8月14日星期四

隆姐泰國美食館@九龍城 (2014年6月8日)

隆姐泰國美食館

上一次同Mr.T 一齊返香港時,
帶過佢去正宗泰菜餐廳雲集既九龍城食泰國野!
今次Mr.T 主動要求舊地重遊~ Mr.T 話想去返黃珍珍(網誌),
不過是日落狗屎! 到咗九龍城落車後,我唔記得黃珍珍喺邊個方向......
同時發現身處果條街都有好多泰菜餐廳,
喺Mr.T 唔反對既情況下,拿拿淋快手揀一間避雨兼開餐!

揀中"隆姐",因為當日時間尚早,
隔離左右有d餐廳啱啱先開門準備中,有d甚至未開門.......
有d已開咗門,但裡面一個客人都無,反而"隆姐"已八成客滿!
簡單邏輯話我知 - 食物水準應該唔錯~

夜香花豬潤瘦肉湯 (滾湯)

夜香花豬潤瘦肉湯

夜香花又叫夜來香,性平味微辛,有明目清肝,健脾去翳,止痛、除口臭、舒鬱結等功效~

2014年8月13日星期三

二人世界三餸無湯 - 2014年8月11日 (附食譜)


北菇棉花雞; 蒜蓉蒸蝦; 蒜蓉炒油麥菜

原本依餐打算滾個豬潤湯,不過依度d超市就係咁衰格,
你唔需要果樣野既時候一定有好多貨;
但當你需要果樣野既時候,好多時行勻幾間超市一塊都搵唔到!

2014年8月12日星期二

Miele 食譜: 北菇棉花雞

棉花雞

2014年8月11日星期一

粉色控


從小受V媽媽影響,大學時代自己一個人住開始,一直偏愛用純白色碗碟~
由冚崩咗都唔心痛既IKEA,到既輕且薄又通透既Wedgewood 骨瓷碟,
我廚房裡面既碗碟95%都係純白色兼無花紋!
近年開始接受其他顏色既碗碟廚具,不過不能太過鮮艷~ 
最近我突然變咗粉色控!

2014年8月9日星期六

天生燒烤狂 (附食譜)


大家...有無見過人咁樣燒野食呢?
英國夏天日光時間好長,晚上9點幾10點先齊黑,
天氣好時藍天白雲陽光和熙...最啱必必焦~
大癮Mr.T 一見果日天氣大好,放工就嗌住要即興焦!
似乎買咗個燒烤爐要用返夠本用盡佢!! 
(佢就話因為仲有好多炭喎......)

Miele 食譜: XO醬蒸翠玉瓜

XO醬蒸翠玉瓜

原食譜來自肥媽~
網上見到肥媽教整依個餸,超簡單賣相又靚!

2014年8月8日星期五

ZOKU Slush & Shake Maker

ZOKU 冰沙杯

其實究竟係"沙冰"...定係"冰沙"? 困惑咗一段時間,
終於記得上網查一查...原來兩個叫法都得果喎!

知道依隻冰沙杯既存在已經好耐,
雖然就算夏天我都好少飲凍野食雪糕 / 雪條,
不過依隻杯神奇又好玩(我覺得!),一直都想買,但係........

佐敦太平館 (2014年6月10日)

 
Mr.T 先行返來英國,V媽媽一直都想煮餐好既比Mr.T 食,
不過香港既夏天咁鬼熱,喺廚房煮一餐九大簋好辛苦架!
倒不如出街舒舒服歎住冷氣等吓就有得食!! 
是晚地點係佐敦太平館~

2014年8月7日星期四

The Lobby Afternoon Tea@The Peninsula (2014年6月10日)


是日我同Mr.T 都Earl Grey 癮起! 雖然香港天氣酷熱,
但好想好想飲一杯熱辣辣清香濃郁既Earl Grey~~~~
於是我地去咗半島酒店afternoon tea......

2014年8月6日星期三

開箱文: Miele DG6010 獨立式蒸爐

Miele DG6010

知道Miele 依個蒸爐已經好耐......
但之前一直無見過實物,無乜興趣所以無特別留意,
當時我只係覺得: 用來蒸野...咁既價錢係咪太誇張呀?

朋友用緊台灣名產大同電鍋讚不絕口! 
據聞每個台灣煮婦都有一隻大同,
我知道香港有三腳插頭既大同電鍋賣,
所以本來打算喺香港時抬一隻大同過來~

殊不知有日我同Mr.T 入去油麻地永安避雨,
無聊逛逛家電部,見到DG6010 做緊demonstration.......
睇完之後雖未算驚為天人,不過足以引起我既興趣,連Mr.T 都覺得唔錯!

UK Summer Sale 2014: 靚靚篇 Part 2

尋晚終於收到早前網上訂既衫.......


中獎

我一向都好鍾意美國品牌Fred & Friends 既產品(e.g. Mr. Tea, Teatanic)
好佩服佢地產品集sense of humour、趣味性 + 實用性既無限創意,
我好留意佢地每一季將會推出既新產品~

(Photo Source: Fred and Friends FB)
個多星期前一個星期五(7月25日)佢地FB 專頁有個遊戲,
留言估下相中有幾多隻膠雞,第一個估中既人會收到獎品一份~ 3日後公佈結果......

2014年8月5日星期二

UK Summer Sale 2014: 靚靚篇 Part 1

續上回"家居篇"敗家文......


靚靚篇Part 1~ From top to toe...GO~~~~~~~~~~

2014年8月4日星期一

開箱文: Bella Casa Digital Food Dehydrator (風乾水果乾)


其實好多年前我已經想買食物風乾機!
當年依種機仲未好似而家咁流行,
我喺一個歐洲家電網第一次見,先知道有部咁既機,
牌子已經唔記得,只記得當時賣得好平,
大約£25左右,因為平,當時真係打算即買......
不過因為部機係2腳歐洲插頭,最終無買到!
加上普通焗爐只要調到最低溫50C,
都一樣可以風乾食物,於是買風乾機既念頭擱置咗~

近年開始流行自己風乾食物,風乾機越出越多,
唔同牌子、價錢、款式、大小、功能......花多眼亂~
除此之外,另一樣令我買風乾機念頭重生 - 就係我d鼠鼠嘞!

2014年8月2日星期六

UK Summer Sale 2014: 家居篇


(好多戰利品,相自然好多,要分兩篇來寫,否則load 相都有排load!)
我返得來真係合時...因為英國周圍正值summer sale!
7月4日早機返到Glasgow,下午我已經出動.......

2014年8月1日星期五

Miele 食譜: 原盅蟲草花北菇滑雞蒸飯

北菇滑雞蒸飯

一直都有個疑問- 明明味道同冬菇一模一樣,點解一用來蒸雞就叫做"北菇呢?
根據唯靈所講: "北菇原出粵北地區所產的香菇,以冬天收成者為佳,故亦也稱冬菇"~
咁.......即係一樣啦!

Mr.T 的第一次...大排檔 - 陳根記 (2014年6月9日)


事緣有一日我地搭一架平時唔會搭既巴士由沙田去九龍城,
巴士途經沙田博康村,我見到有未開檔既大排檔,
問Mr.T 佢有無試過...答案係無! 因為佢唔識.......

其實阿V都唔識! 阿V係九龍人來,對沙田完全唔熟悉,
記憶中未食過沙田既大排檔,上網做咗一輪research,
發現除咗博康村有大排檔之外,禾輋都有喎!

和民宵夜 + 夜蒲誠品 (2014年6月6日)

返香港前知道香港開咗誠品,書蟲V興奮到不得了!
去親台北,幾乎每晚都去蒲24小時誠品,
香港誠品雖然唔係24小時,
但星期五、六 + 公眾假期前一日都會開到2am,
是晚我 + Mr.T 特登過海食宵夜兼去誠品朝聖~

先去和民食咗個豐富宵夜~

Related Posts Plugin for WordPress, Blogger...