2014年1月9日星期四

聖誕新年食乜鬼? (特長!)

掛住攪個blog,最近無煮野食.....
講返吓我 + Mr.T 聖誕 + 新年時食過乜啦!

剛過去既聖誕 + 新年,
我 + Mr.T 先忙後hea~

聖誕前夕...即係平安夜啦...
難得Mr.T 全日唔洗返工,
我地出咗街作最後Christmas shopping 兼食lunch,
今次去咗一間我地未試既意大利餐廳 - Prezzo~
中午時間大部份人仲未放工,
餐廳無乜客人........


把握時間shopping,所以skip 咗頭盆,
改為share side order~


幾乎去街食親意大利野,Mr.T 都係點pizza......
我對pizza 麻麻地 - 我自己整既pizza 除外!
不過佢地用石爐來焗,餅底好好食~
(唔記得依個係咩pizza......)


其實我都係咁...食親意大利野多數都係點pasta...哈!
我既龍蝦意粉~ 點時以為無咩龍蝦肉.....
點知龍蝦肉大大舊之餘,
份量仲好鬼多,非常足料! 讚~


兩份分既蟹肉餅...真材實料,蟹味濃烈~
不過我覺得就咁空口食仲好味,
點蛋黃醬有少少漏.......

依餐每樣菜份量都好大,
唔點頭盆係正確既決定~
味道唔錯,價錢又唔貴,一定有回頭!

食完lunch 去咗shopping,
順便買埋dinner 返屋企.......

依餐就係我地平安夜晚餐嘞!


依舊野叫做"Four Bird Roast"~
顧名思義有4隻雀仔 - 4隻唔同既雀仔!
唔係我自己整架! 超市現成野來架咋,
睇到電視賣廣告,好想試吓~


烤咗接近3粒鐘...用新買既電刀來切......


果然切得好靚,唔會散哂! 


係邊4種雀仔呢?
先有無論你鍾唔鍾意食,聖誕應該應應節火雞;
後有有細隻過火雞,但貴過火雞好多既鵝;
之後係同鵝差唔多,但價錢相差好遠既鴨;
最後係英國最多人食,價錢又最平既雞~


 
肉好juicy 完全唔乾,不過都準備咗gravy 淋喺上面~
依舊野好好食! 不過......
坦白講...如果就咁切放入口,
味道撈埋哂一齊,我完全分唔到火雞鵝鴨雞.......
每樣肉分開來食就分得出嘞!


兩丁友食咁大舊肉,當然要食返d菜 - 應節既brussels sprouts~


買咗一大棵,只整咗一半...因為好難搣落來......


接住聖誕正日...今年我無煮大餐!
因為今年62餐館人手短缺.......

所以我 + Mr.T 臨時拉夫,
聖誕 + 扑星day 連續2日去坐陣! 
(我地做水吧 + pick up order 啫...
大廚未輪到我地! 嘻嘻~~) 
兩日都好忙做到無停手,
雖然好忙,不過好好玩啊! 

62餐館雖然係一間中式餐館兼外賣店, 
不過同時供應西餐, 
網上reviews 好多好評,集中讚份鐵板T骨扒好正~
難怪做咗40幾年,依然客似雲來!

依2日都係喺62餐館食飯,
聖誕日忙到食飯時唔記得影相
不過其實我地2日都係食一樣既餐......

我62餐館有2樣野特別受歡迎......
就係秘製既gravy + Diane sauce~
咁我地緊係食依兩樣架啦!


我食既西冷扒配gravy
T骨扒聖誕日一早已經賣鬼哂,
有後來既客人食唔到T骨扒發脾四...
可想而知依份扒幾咁巴閉! 哈哈~~~~


Mr.T 既duck with Diane sauce
(我聖誕日就係食依個嘞! )
好味到不得了~~~~

雖然今年幫手忙到無時間自己煮聖誕餐, 
不過一樣有好野食! 
我仲順便偷師gravy + Diane sauce 既秘方
還多了點銀彈幫補新年大減價shopping!! 
衣嘻嘻~~~
 

過咗聖誕 + 扑星day,
就到咗重大日子 - 阿V牛一! 哈哈~~~
適逢阿V牛一係星期日,
Mr.T 訂定一間法國餐廳既枱食晚飯,
不過是日天氣惡劣,
我只想留喺屋企hea 完全唔想出街,
更加唔想化妝換衫扮靚靚,
Mr.T 無癮唯有取消訂枱......
咩啫...生日大哂嘛!

Lunch Mr.T 問我想食乜,
我既答案係"叉燒飯"! XDDDD
Mr.T 渣車出去買,一來一回45分鐘~
Dinner Mr.T 再問我想食乜.......

一大盆2至3人份既伏特加三文魚意粉! (意大利餐廳外賣)


Mr.T 另點咗雞翼 + pizza~
(都話咗佢食親意大利野都係叫pizza 架啦.......)

咁法國餐廳呢? 唔慶祝生日呀??
慶! 咩唔慶呀!!!!
來緊既星期日補慶~ ;-)


相片一轉...到除夕嘞!
人年紀越大,就越唔願郁動,
尤其夜晚打大風凍冰冰......
除夕依d日子都唔例外!
尤其出去蒲不外乎又係煙煙酒酒既地方~

所以我地除夕節目係...係屋企暖笠笠打邊爐!
睇電視直播人山人海企喺街吹西北風等睇煙花倒數~ XD

幾多個人打邊爐?
咪我地兩丁友囉! 
As usual我地眼大過肚,
準備咗太多食物.......




依兜野緊係我架啦! Mr.T 唔食豬潤~




是日買到唐蒿菜啊! 估唔到Mr.T 會鍾意食呢~


咁鬼多野我地兩個緊係食唔哂!
2014年1月1日新年日係初一...我食齋,
打邊爐食剩既豆腐、金菇、蠔菇 + 紹菜炒埋一鑊;
Mr.T 就用其他肉食材料煮烏冬麵~


不過都係食唔哂,
第二日加多隻龍蝦再打過!! 
(終於都食哂嘞........)


回顧整個假期...我完全無煮過飯!
其實我既2013年真係好hea 好懶......
新一年我要加油啊~~~~






26 則留言:

  1. 阿V生日快樂喔!! 祝你今年敗家本領更勝舊年(講笑)... 祝你今年廚藝更進一步, 同埋吾好成日病喇~~ 病魔遠離你!!!

    我地衣度(非洲)都有four birds賣, 但係我地supermarket偷工減料, 只有3 birds... 所以叫turducken... 不過因為我嫌電費太貴所以吾會買來整, 所以christmas我都只系整咗個cranberry glazed gammon.

    見到你果D邊爐料....我捻吾止兩個人, 6個人食都夠啊!!

    回覆刪除
    回覆
    1. Thank you Jacqueline!
      我地依度另一間超市都有turducken,不過佢地好老實叫做3 bird roast~
      係啦...樣樣都想食...結果樣樣買dd就變一大堆.....

      刪除
  2. 再祝你生日快樂! 2014年繼續精彩! 煮多D好餸! ::mm2255
    "brussels sprouts" 我一直叫佢做椰菜仔, 未見過佢成棵原來係咁架? 好得意呀!

    回覆刪除
    回覆
    1. Thank you Carman!
      香港應該係叫做椰菜仔? 我多數買一碌,感覺新鮮d,另外仲有一隻紫色唔係綠色架~

      刪除
  3. Belated Happy Birthday to Mrs T! 祝你今年健健康康, 事事順心, 煮多d食多d敗多d好野, 總之開開心心!

    回覆刪除
  4. 咁一次過祝晒你, Merry Christmas, Happy New Year, Happy Birthday!!!hehe..::rr8025

    回覆刪除
  5. Four Bird Roast果個好正呀。
    另補祝你生日快樂加新年快樂^3^

    回覆刪除
    回覆
    1. Thank you 芝!
      個Four Bird Roast 又好食又好抵食! 平過自己煮......

      刪除
  6. Mrs T,

    生日快樂 身體健康

    回覆刪除
  7. 阿V, 祝您生日快樂! 身體健康!

    回覆刪除
  8. V, 祝生日快樂,越來越美 !!

    回覆刪除
  9. V, happy new year & happy birthday
    Prezzo 的食物不错喔, 有机会要去试试 from 月儿

    回覆刪除
    回覆
    1. Thank you 月兒!
      不妨去試吓吖! 水準唔錯份量又大份,價錢仲唔太貴~

      刪除
  10. 祝您:生日快樂! 身體健康!新年進步!

    回覆刪除
  11. Belated Happy Birthday and Happy New Year
    L

    回覆刪除

Related Posts Plugin for WordPress, Blogger...