一個美味滿分既weekend Part 2 - Squid & Whale (2013年8月18日)

Squid & Whale位於Glasgow 一條大馬路Great Western Road，餐廳都幾大，足足佔咗2個打通咗既舖位，
我 + Mr.T渣車經過無數次Great Western Road，
門面咁大我地當然知道依間野既存在，不過佢咁既門面裝修，
我地多年來一直只當Squid & Whale係一間普通既pub，
根本從來無唸過要入去食飯!

直至Mr.T喺FB見到一位朋友成日去Squid & Whale，
我地被佢post上FB既食物相所吸引，決定去一試!
當我地照地址搵到Squid & Whale既時候，
不約而同........原來係依間!!!!?!?!?!?!

其實無錯都係一間酒吧，不過內裡裝潢比門面trendy，
而且裡面分開一半 - 右邊係酒吧，左邊係餐廳~


餐廳serve既係Mexican-American food.........

先來頭盆，份量頗大!

Mr.T既Mexican Cheese and Beer Soup
無睇錯~ 的確係芝士加啤酒湯! (蕃茄湯底~ )
其實見到咁唔尋常既組合，無期望過會好味，
Mr.T只係貪得意點來試吓~
意想不到.......竟然出奇地好味! 我都忍唔住"不"咗好多羹啊........

我既Chimichurri Fish Tacos
好大份! 食哂已經飽咗1/3~
依份野由廚房捧出來，離遠已聞到香噴噴~~~~~

料多到根本包唔到個taco，
咪以為呃秤菜多過魚喎，查實勁多魚肉!
要食緊d料先包得到~
食完依個後，我好有興趣老翻!!

頭盆大份，主菜更加巨型!

Mr.T既主菜Pulled Pork and Trimmings
一大pat Pulled Pork (我唸可以譯做"手撕豬"!?!!! )，
配上coleslaw、celeriac remoulade (西芹根沙律)、
jalapeno cornbread、scallion mash + cola baked beans~

配合辣辣地既red eye gravy非常惹味!
可樂焗豆、西芹根沙律 + 辣椒cornbread都非常特別!!

我既Tequila & Lime Chicken Thighs
當上菜時我見到4大塊都係雞胸，而非餐牌上所指既雞上肶，
我有點不滿 ，不過我無出聲，加上我好肚餓，無謂換來換去.......
當我切下一小塊雞放入口時，我之前果少少不滿即時蕩然無存，
香、軟、juicy、十個好味向味蕾擴散!
依份雞擁有一份神秘力量，
可以令唔鍾意食雞胸既人突然愛上雞胸!!

除咗4大塊雞胸，仲有一大pat薯蓉~
本來食哂果4塊雞胸已經好飽，
不過佢地既薯蓉實在太香太好食!
忍唔住"不"多啖後又"不"多一啖.......最後都係清哂!!

我地點菜時唔知主菜會咁巨型，
所以另外點咗一份青檸荽茜飯兩份分........

唔相信咁好彩依個weekend出街食咗2餐都好味得咁緊要!
本來pat pat痕想唸d雞毛蒜皮既野彈吓個飯，
e.g. 荽茜或青檸味不足 / 飯太軟或太硬.......
不過我做唔到! 因為連一咁簡單既飯，
都可以做到荽茜味或青檸味恰到好處，
兩種味道都食得到.........真係連碗飯都好好食!!
難怪Mr.T個friend三日唔埋兩日就去幫襯~

果度仲坐得好鬼舒服，食飽飽後舒服到想瞓覺~~~~~

Squid & Whale Bar & Cantina: http://www.squidwhale.com