2013年7月30日星期二

愉快weekend繼續敗! - 2013年7月27 + 28日 (特長)


因為最近天氣好,所以成日躝街,
躝街就難免會巡舖,巡舖當然難免會買野,
尤其一d比較少去既店,耐唔耐先去一次實會有新貨到,
實在難免會有收穫!


每年7月尾又到Merchant City Festival~
剛過去既星期五至日一連三天舉行.........


不過年年來來去去都係大同小異.......(舊年網誌click here~)



年年都有幾個高腳七喺market度行來行去比人影相,
不過今年睇卡通睇到上哂腦既Mr.T,
叫我試吓一野劈落佢地後頸,
睇吓佢地會唔會好似"進擊的巨人"咁慢慢蒸發!




今年多咗個vintage market......即係賣二手野囉!



年年Merchant City Festival我最鍾意行既Italian Market!



前年喺Italian Market買到粒新鮮黑松露;
今年特別一眼關七睇吓有無........可惜今次搵唔到!



不過喺依檔賣芝士香腸意粉既攤檔有收穫..........



£10買到2大包墨汁長麵 + 一條黑松露salami~ 

黑松露salami未切開已經聞到好香呢!


由於market年年來來去去都係食果d野,
熱狗漢堡西班牙飯........
又無位坐要企喺條街度食,
周圍人迫迫熱辣辣好翳焗.........

我地寧願去Rumours坐得舒舒服服食碟海南雞飯飲碗冬蔭湯!

我既海南雞飯~
雖然個豉油只係普通豉油而唔係正宗雞飯老抽,
不過雞肉嫩滑; 酸辣汁味道啱啱好; 雞油飯又香又夠味,
已經好高分!
我幾乎去親Rumours都係點海南雞飯~



Mr.T話熱到無咩胃口,只想飲個冬蔭海鮮湯........




不過又叫咗碟炸雞翼...........



再加多碟炒飯! 無胃口既Mr.T胃口都有返咁上下喎........



上星期喺Poundland買果套蛋糕fondant印
我拆包裝後先發現其中2個印係相同!

我懷疑自己買咗套"錯體",於是再去返果間Poundland........

不出我所料,係應該8個印都唔相同既!
我有OCD,所以買咗套新既,錯體果套搵咗blog友收留佢~


依盒Stila粉底實在太抵,
而且我肯定依批貨唔會長期有得賣,忍唔住手又入咗5盒!


去完Poundland去行家品店.........


Mr.T成日話我用電腦姿勢唔好,
依個豆豆袋TV dinner tray係佢話要買比我既 - 買比我來用電腦!
(個公仔係我揀的! 嘻嘻~~~~ )



個底係豆豆袋來,放喺大肶好舒服~


依枝喜瑪拉雅山粉紅岩鹽好平好抵買,入定無蝕底!



同之前買既士多啤梨野餐墊一樣係絨面 + 黑色尼龍防水底~
不過依張
發花癲野餐墊價錢double士多啤梨,又無減價,
野餐墊又唔常用,買多張好似好浪費........
攪到賢妻內心好掙扎!


不過愛妻號Mr.T見到賢妻口水猛流,
而且架上得返一千零一張,
於是好man咁將
發花癲野餐墊放入購物籃!
佢同賢妻講: 買啦~ 依張用來坐囉! 張士多啤梨妳用來放袋既~
(佢話我去燒野食時張野餐墊放哂野,攪到佢無位坐........ photo _1282.gif)

同我張花癲枱布 + 碗碟同系列既圍裙~



之前都見過,不過而家半價先捨得買!


早排天氣熱少煮飯,少煮飯就少咗去中式超市;
最近涼返少少,係時候去中超逛逛..........

耐無去行中超,收穫好好啊!




Mr.T好似想搬哂d出前一丁返屋企咁款~
來咗英國咁多年,真係味覺幾遲鈍都食得出分別.........
出前一丁一定要買"香港製造"既!!
歐洲製果咋......算吧啦~




我齋期常食既友白髮素麵~
日本製既太貴; 祖國製既唔敢買; 依隻台灣製既啱啱好!



之前喺南下一間好細泰超買過好好食既肝派蛋麵(好奇怪既名!),
後來發現Glasgow都有得賣,不過之後又無再入貨........
終於等到返貨嘞!




乾既玫瑰花就見過,但乾既茉莉花就係第一次見!




我一直話英國買唔到純低筋麵粉,
有朋友話我知最近佢喺某中超見到,
價真棧賣到斷哂貨既韓國低粉 + 依隻台灣低粉~
不過韓國低粉曇花一現後又無貨,但台灣低粉仲有喎!



我屋企低粉存貨足,不過未試過依隻牌子,
少少地買住一
包試吓先! 希望佢地會繼續入貨啦~  photo 63.gif




就快又到中秋節! 又要準備材料開工整月餅咯~


喺Buchanan Galleries泊車準備入場睇Monsters University.......


經過鞋店見到依對cute cute半跟果凍鞋減到半價,
黑色得返一千零一對4號,
Mr.T大讚好靚,立即買下送比賢妻! 大愛~  photo _106.gif



不過暫時我對腳有曬痕、蚊癩,仲有大撻撞瘀......好樣衰!
有網友話我對腳似耕完田......... photo _1284.gif



Mr.T送我靚鞋; 99就送我一件靚靚喱士公主風~



星期五終於收到5月時網上預訂,
Maksim Mrvica 9月倫敦鋼琴演奏會既票!



同一時間99搵朋友幫手,
幫我地訂到超平員工價來回倫敦火車票!

What a happy lovely weekend~  photo Smiling-Small.gif






Photobucket

19 則留言:

  1. 一路逐張相碌落黎睇,呢個post好好睇,因為好豐富,衣食住行扮靚齊晒
    [版主回覆07/31/2013 18:55:34]其實唔需要為shopping而shopping架,無事都可以出街行吓收穫可能仲豐富啦!

    回覆刪除
  2. 你真係買咗好多嘢喎
    Mr. T & 你99 真係好 sweet 呀!!!
    [版主回覆07/31/2013 18:52:31]我地係為食人...好多都係野食來!
    有其母必有其子嘛! 哈哈~~~

    回覆刪除
  3. Mr .T 送比你對鞋同條裙望落好襯喎!
    [版主回覆07/31/2013 18:49:53]係喎~ 好襯喎!

    回覆刪除
  4. 枱布好靚
    [版主回覆07/31/2013 18:49:26]枱布之前買咗好耐,今次依條係圍裙

    回覆刪除
  5. shopping blog真係令人睇得好開心
    [版主回覆07/31/2013 18:49:08]我買得開心,妳睇得開心...good!

    回覆刪除
  6. 對鞋真係好靚呀~~~~
    Mr.T都係"賢夫", 送左咁多禮物比賢妻
    查一查OCD先知道點解, 學多左樣野啦我^^ thanks~~
    [版主回覆07/31/2013 18:48:10]依對鞋仲好舒服呢! 不過等我對腳變返白滑見得人先著...
    Mr.T當然係賢夫! 佢永遠都係最好既!! (我話~)

    回覆刪除
  7. 枝喜瑪拉雅山粉紅岩鹽在那里买的???
    [版主回覆07/31/2013 18:45:45]B&M store

    回覆刪除
  8. 行街買野真系超開心!
    [版主回覆07/31/2013 18:45:24]尤其係女人!

    回覆刪除
  9. 超級開心
    [版主回覆07/31/2013 18:44:13]

    回覆刪除
  10. I saw Himalayan salt at one of my local market before. Is the anything special about that salt?
    [版主回覆07/31/2013 18:43:39]http://blog.yahoo.com/_CGP6UH62KANBDKVGXW7MOFHWQQ/articles/81793

    why dont you try it yourself and see if there's anything special abt it?

    回覆刪除
  11. Mr T碟炒飯好似流左D喎, 你炒得靚過佢好多啦!!
    我都有對類似既果凍鞋, 多數落雨天先著, 但一出汗就啜住好痛...同埋返到公司會行到吱吱聲, 哈哈!
    條蕾絲裙好靚呀!!!
    [版主回覆07/31/2013 18:39:22]佢碟炒飯係side order來,無唸過會咁大碟! 不過我炒果d緊係正過佢多多聲啦!!

    計埋依對,我總共有5對果凍鞋,不過可能我無腳汗問題唔會啜腳,新著時都著得好舒服完全唔刮腳,尤其係果兩對Melissa~
    我都好鍾意99送比我條裙,不過露背好sexy啊!

    回覆刪除
  12. 由食到著都有, 好豐富呀!! 搞到好耐無shopping既我睇睇下都有份滿足感tim haha.
    [版主回覆07/31/2013 18:34:11]嘻嘻~~~ 我shopping不在乎shop既係咪貴野,最重要係自己鍾意或自己有用既野,咁就無論平貴都好開心好有滿足感!

    回覆刪除
  13. 我都係咁話! 不過...我鐘意既野10樣有7樣都無咩用hahaha. 而且我有個嗜好, 幾鐘意去d二手鋪尋寶, 有d新淨又平, 搵到自己心頭好就會諗點解上一手唔要呢, 覺得自己執到寶
    [版主回覆08/01/2013 19:22:42]我鍾意既野,唔一定係我有用既野; 我有用既野 - 未必係我鍾意既野.....
    我有嚴重潔癖,所以二手店我極少去,去親都只係捐野! 咁耐以來只有一次例外地買咗一條vintage長裙~

    回覆刪除
  14. haha, 我見你呢篇d野都好實用呀:p

    我反而未試過買二手衣物, 唔敢放上身=_= 二手既我多數係擺設, 而且洗得好切底...記得有次諗住放個陶瓷落焗爐殺下菌, 點知不堪一擊咁碎哂. 唯一吸引我既地方, 二手鋪好多有外面停產既野.
    [版主回覆08/01/2013 20:12:05]實用......如果你知道我有幾多對鞋 + 幾多條圍裙.....你或者會覺得我至少可以買少依2樣!

    果條裙我本身真係無打算買,因為就咁望落好似太大,不過試咗上身似係度身訂造,而且質地手工好靚,所以破例買咗~ 暫時未著過,因為我打算改短!

    http://blog.yahoo.com/_CGP6UH62KANBDKVGXW7MOFHWQQ/articles/653073

    講開擺設其實我都試過喺Sunday Market用£1買到隻Wedgwood Jasperware碟仔!

    回覆刪除
  15. 睇妳買嘢 我都睇到好開心呀 哈 ~
    Mr.T 話自己無胃口 笑屎禾呀 一飯一湯呀大佬 ~~~~
    [版主回覆08/06/2013 06:11:23]佢初時同我講話飲碗湯架咋! 點知佢點完湯又點飯又點雞翼.....

    回覆刪除
  16. Mr.T 咁都算無胃口?
    玫瑰花野餐墊好靚呀!
    [版主回覆08/06/2013 06:09:50]Mr.T傻傻地架嘛!
    我勁鍾意張玫瑰花野餐墊~~~

    回覆刪除
  17. 我都好鐘意行呢類形既Market,香港每年有一個美食節同美洒節,都會有幾個賣意大利食品既攤位,不過我唔係年年都去的,因為實在太迫人啦!對上一次去係前年呢!喜瑪啦亞山粉紅岩盬我都有用呀!不過我係響啲大型既英式超市買架!最近買既係之前響臺灣買既玫瑰粉紅岩盬
    咦〜咩原來歐洲出既出前一丁唔好食架?英國冇純低筋粉,咁佢地啲低筋麵粉溝左啲咩響裏面架?
    [版主回覆08/11/2013 16:00:56]其實用自發粉來做蛋糕問題都不大(自發粉 = 低粉 + 泡打粉), 不過有時有d食譜e. g. 中式點心要用純低粉就比較麻煩~ 我屋企人 + 朋友好好, 佢地經常寄包裹比我都有低粉, 所以我低粉存貨好足!
    我會小心架嘞! tks~
    [joey回覆08/11/2013 13:30:52]不過我都係覺得整蛋糕的話用低筋比中筋會好 咁你真係唯有等返香港時至帶番過來啦!
    Aiya~點解你對腳咁多災多難架!唔係拗柴就係比門夾腳趾
    小心一點啦!!
    [版主回覆08/06/2013 06:08:41]我都鍾意行market...不過依度既market年年如出一轍,好悶啊! 我去過香港聖誕會展果個Food Festival,真係好多人好鬼迫!
    喜山粉紅鹽而家越來越普遍,越來越多地方有得賣 + 越來越平呢~ 我好鍾意用喜山鹽!
    歐洲既出前一丁係德國造,味道 + 麵質同香港版好大分別! 就好似日本版出前一丁同香港版味道都唔一樣~ 不過歐洲出前一丁有燒鴨味,香港無架~
    洋人用自發粉或中筋粉來做蛋糕架! 超市只有自發粉、中筋粉 + 高筋粉賣,低筋粉間中先喺中超發現~ 所以我咁多年來都係返香港時帶低筋麵粉過來架!
    我都好鍾意對新鞋,不過我拗咗柴,要等好返先著得......

    回覆刪除
  18. 果條裙ge cutting真係幾好! 唔洗任何飾物, 望落去純樸得黎又帶點氣質. 不過我係小矮人, 長裙同連身裙多數同我無緣(一係太長要改, 一係就腰位太低)
    [版主回覆08/06/2013 05:53:42]果條裙初時係質地吸引我,我見到對袖咁闊仲以為會太大! 不過檔主 + Mr.T都叫我去試....點知試咗出來訂造都無咁啱身!
    其實我好細粒,我都係小矮人來架~

    回覆刪除
  19. Maksim ar!!!
    [版主回覆08/13/2013 20:50:43]yes it's Maksim~

    回覆刪除

Related Posts Plugin for WordPress, Blogger...