禮物s繼續keep coming! (2013年3月14日)

(原來hea 咗差不多2星期無update 喎! )

林家歐巴桑Gaile伉儷近日sweet sweet 歐遊兼來英探親，
本想趁此大家相約見個面飲個茶，
可惜我有事未能南下，
佢地行程緊密未必有時間來蘇格蘭，
睇怕今趟都係緣慳一面........
不過Gaile上星期到英後寄我一箱台中手信，
雖然近排蘇格蘭天氣又變返好鬼凍，
但我覺得好warm好warm啊!

台中日出太陽餅

我好鍾意食太陽餅~
久聞"日出"係太陽餅中極品，不過一直未有機會試......試過後果然名不虛傳!

皮極酥，一路食一路跌到阿媽唔認得;
餡香軟，入口蜂蜜奶味香濃唔太甜
的確係我食過最好食既太陽餅!

包裝可愛~ 之前只聞過其大名，未見過其真身，
所以初時唔知依盒係乜東東，直至見到盒側印住"太陽餅"三字~

真係未見過包裝得咁精緻既太陽餅! so cute~~~

日出東方美人茶"東方美人"係一種台灣獨有既茶，為台灣十大名茶之一!

今日蜜麻花

另一台中名產~之前喺蘇格蘭某中超買過另一個牌子台灣入口既"脆麻花"，
完全唔脆但硬到我差d變咗"崩牙V"!

不過依隻今日蜜麻花口感似馬仔，
但又無馬仔咁甜，好鬆化好好食!
據聞每日限售200包，每人只限買10包~

一心辣豆干

再來台中名產，我見網路好多人讚依隻豆干好味呢!

小麥胚芽粉

波霸粉圓

有次同Gaile喺FB吹水，講開想自己試吓沖珍珠奶茶，
不過我喺蘇格蘭搵唔到台灣入口既珍珠!

蘇格蘭既中超其實係有珍珠賣，
不過吹脹既係 - 包裝袋左上角印住"源自台灣"，
但中間有行日文，右下角又有句韓文........
咁騎呢一睇就知咩事啦!
偉大強國製......我真係唔敢買!!

今次Gaile寄咗2包真真正正"源自台灣"既珍珠比我，
我終於可以試吓自己沖珍珠奶茶嘞~


多謝哂Gaile既禮物!
令好恨做台灣人既我喺蘇格蘭家中都可以享受台灣美食~
雖然今次錯失咗見面機會，
不過依份來自台灣既心意100%收到哂~~