Easter bunny is coming to town!

仲有一個月又話到復活節嘞.......
之前我話過聖誕前見到網友們整聖誕糖霜曲奇好鬼靚，
攪到我都想整埋一份!
不過果時我無聖誕曲奇模，而且已經太遲趕唔到水尾，
於是農曆新年我整咗咋賀年曲奇，但只整咗果幾塊唔夠喉果喎...
既然又就快到復活節，正好比我一個明確動機整復活節糖霜曲奇!
我最信奉既金句: 工欲善其事，必先利其器......
正好成為我shopping 既藉口! 嘻嘻~~~~

我發現市售既復活節曲奇模大多係組合套裝，
即係一套裡面有幾隻唔同款e.g. 蛋形、雞形、兔仔形.......
或者再加d我完全唔想要既無厘頭唔知咩形!
套裝除咗貴d之外，最衰既係多數除咗個簡單既蛋形，
其餘形狀我大都覺得唔靚!
加上我覺得齋復活蛋曲奇已經可以有好多造型有排玩，
所以我一直只想要一個單丁蛋形曲奇模......

終於比我搵到Wilton 有單丁蛋形模賣~


世事總係咁既......當妳好恨好想要一樣野，
費盡心思特登去搵既時候未必會搵到;
但當妳千辛萬苦搵到之後，
妳又會發現果樣野突然周圍都有得賣!

買完個Wilton 後行去隔離Poundland (真係隔離果隻喎!)，
即時比我見到依套一set 4個!
而且依套其他形狀都靚喎!! 承惠£1.......

條氣少少chok chok 地，
於是買埋個復活蛋矽膠模，都係£1~

依盒cupcake cases 都係£1，
下次試吓用來整彩虹cupcakes!

買咗依本教整糖霜曲奇既書，裡面教授既技巧清楚又易明!
整復活節曲奇就靠佢嘞~

連超市麵包都要焗成兔仔形來提醒大家就快復活節!

拆開包裝見到兔仔個樣真係有d嚇親!
眼仔位置實在太怪異.......


依期多入烘焙用具! 以下依咋唔關復活節事.......

一個彩虹蛋糕消耗咗我唔少食用色素，補補倉!
依盒一盒3色我用過唔錯，易溝色又易上色~

15cm 蛋糕模 - 其實我已經有一個一模一樣......
我就係用佢來整彩虹蛋糕架嘞!

我本身果個已經買咗N年，見而家仲有得賣即時買多個，
咁下次再整彩虹蛋糕可以一水焗兩片快手d嘞!!

最近發現依種超市有售既忌廉粉原來可以用來整蛋糕!

紅陶迷你花盆仔 - 唔係用來種野，係用來整野食!
遲吓整比大家睇~


Lakeland 收穫........

早前買來整賀年曲奇既翻糖花花模;

好老實我對媽卡窿完全無好感!
但見好多人都話好難整，挑起咗我"神農氏嚐百草"既精神，
所以我要親身試吓究竟有幾咁難整~
(一個懶有充份理由，振振有詞既買野藉口!! )

Lakeland 新產品cake stencils，睇過demo 好似幾好玩，
遲吓玩比大家睇!


再以下依咋唔關復活節事，亦唔關烘焙既事.......

Dish rack - 我覺得白色包膠好靚!
雖然屋企用緊果個全黑色膠仲好地地.......拔堆bu池嘞~

Tiger 出既即食麵~ 貪得意買來試吓好唔好食，
不過仲未試.......

蜜糖食得多，係未食過有埋honeycomb......

我估其實應該無咩分別，不過好想試吓裡面塊comb!

依個野......細細隻的的式式........不過我真係覺得把鬼! 好多餘!!
我用手齋用包埋既forming pads，仲好過用部機........