Silent Hill: Revelation 3D (鬼魅山房2) - 2012年11月1日

我 + Mr.T都係Silent Hill fans!
Game + 戲我地都鍾意~ ♥

6年前Silent Hill 將game 拍成第一套戲，
睇完後知道佢地開拍第二集，已經好期待!
不過戲原本既writer Roger Avary 因醉駕誤殺被判坐監，
原本已經開始寫緊第二集既故事，突然一下停落來，
直至2010年秋天先改由Michael J Bassett 繼續寫落去........
好彩最終戲都拍得成，一眾Silent Hill fans 真係要謝天謝地!

等足6年先有得睇，英國萬聖節果日上畫，
我 + Mr.T已經好想即時去睇，
不過果日Mr.T太忙行唔開，
於是第二日(11月1日)晏晝Mr.T特登抽時間同我拍拖去睇3D!

Weekday 睇晏晝2.35.......

入到場成間戲院竟然全空!

直至開場，除咗我 + Mr.T 2個無其他觀眾!
第一次包場睇戲啊! 哈哈~~~~~




同平時一樣 - 唔多講劇情，只講睇後感.......
雖然等足6年，不過我 + Mr.T都覺得係值得既!

一開場我 + Mr.T都意外驚喜3D效果做得好好~
並非馬馬虎虎既後期電腦加上去既3D效果，
雖然話哂戲改篇自出名電腦遊戲，
喺graphic 上應該唔會差得去邊，
不過先前被Clash of the Titans + Wrath of the Titans 既掛羊頭3D連環昆咗2次，加上觀乎卡士，除咗Sean Bean + Carrie-Anne Moss 之外，
重要主角完全唔知係乜水......
所以睇戲前已做好心理準備3D效果未必會好，但睇完戲後覺得，貴少少睇3D係值既!

今集劇情大部份based on Silent Hill 3 video game，
連主角既名都係跟返video game~
其實Silent Hill 各集video game 既故事獨立，無乜大關連;
但電影版今集為承接上一集既故事，
加插咗video game 裡面無既情節去串連故事，
依點我覺得改編得唔錯，一來令故事更make sense，
唔會令人睇到一頭霧水...
e.g. 上集老豆叫Christopher，阿女叫做Sharon;
今集老豆變咗Harry，阿女係Heather......

Video game 裡面既Heather 個樣好細路女.......

但電影版既Heather 外表好老成，
睇完成套戲我都說服唔到自己Heather 只有18歲.......
(幸好佢演Heather 演得不差~)

Sean Bean 比6年前老咗 + 發福咗好多......
不過我仍然覺得佢好索好正~


打機時最鍾意既2大"怪物"........戲中依然最搶鏡最好睇~

身材勁好既護士;

Pyramid Head

另外亦好鍾意戲中場景幾乎同video game 一模一樣，
戲中又加插好多玩過Silent Hill video game 既人先會察覺到既小細節.....
e.g. 酒店房床頭既紅色高跟鞋; fair 場兔仔; 公仔人型......
戲完場時又有Silent Hill: Origins 既貨車司機Travis，
同埋Silent Hill: Downpour 既監獄巴士........
好似我地依d鍾意玩Silent Hill 系列video game既人，
真係睇得好過癮!

Overall 我 + Mr.T都覺得電影版比第一集更好睇!
美中不足反而係覺得戲太短唔夠喉~
今集結局Harry 留低喺Silent Hill 搵第一集既老婆Rose，
似係為下一集留低伏線......
我地緊係希望仲會繼續拍第3集啦!
如果真係拍的話，應該有幾條線都可以拍呢~

不過真係要彈吓張海報!
設計真係好差，
完全呈現唔到Silent Hill 果種氣氛!!
(係咩氣氛? 唔知既人睇吓套戲咪知囉~ )


P.S. 以我所知香港版cut過，不過唔知cut咗幾多?


----------------------------------------------

等緊入場時，
見Ben & Jerry's 送限量版泥鏟雪糕羹!
初時睇張廣告海報以為好細隻，
亦無留意到係夜光~
不過覺得好可愛，於是叫老公食杯雪糕......
因為我想要隻羹!

買完雪糕先知道原來隻"泥鏟"咁大隻果喎!

而且真係會夜光既呢!