2012年10月5日星期五

二人世界晚餐週記 (附食譜)

上星期有少少懶,只煮咗2餐咁大把......


2012年9月26日: 荷葉飯 & 炒菜心苗



開咗包乾荷葉之後,發現原來有好鬼多塊!
怕佢會走香味,所以想整多d唔同菜式快d用哂佢~



早排見林家歐巴桑整荷葉飯,我又試吓整!



煮飯煮得多,
發現其實炒飯唔一定要用隔夜飯都可以炒到一粒粒好分明!
飯煲好咗由佢焗15分鐘左右,等佢無哂蒸氣噴出來,
將飯放大碗 + 抓鬆d飯,由佢攤涼就得架嘞~


本來我想自己整埋燒鴨胸來切粒,
因為最近Asda 有鴨胸 + 鴨腿賣........
不過我發現Asda 2隻鴨胸竟然要£7!!!!!!!!!!
發神經! 我去中超買隻急凍全鴨都唔洗£7啦!!
於是我唸住去斬料斬隻現成燒鴨啦......

點知又比我喺中超搵到依隻急凍燒鴨喎!


一pack 2大塊無骨燒鴨扒啖啖肉,都只係£4.99,
我整既荷葉飯,用咗一半鴨胸都唔洗呢!




朋友尋晚whatsapp 我......
我個荷葉飯又引到朋友整埋一份呢!




2012年9月27日二餸晚餐: 芹菜炒燒鴨胸 & 辣子雞丁



荷葉飯只用咗一小半燒鴨胸,
因為已經溶咗雪唔可以再雪返,
用芹菜來炒埋剩低果一大半,啖啖肉方便又好味,
£4.99真係好抵食呢!
已買定一pack 放喺冰格以備不時之需~

依味辣子雞子快手易整又惹味好送飯!

依餐多肉少菜,因為本身一早準備好辣子雞丁依味,
無唸過之前一晚會有咁多鴨胸剩低嘛.......



眨吓眼個夏天已經過咗,秋天已經到咗蘇格蘭.......
天氣涼咗會有意欲多d煮飯~


荷葉飯食譜click here~

辣子雞丁食譜click here~





Photobucket

3 則留言:

  1. 香港天氣都有少少凉! 無骨燒鴨扒啖啖肉正呀!
    [版主回覆10/07/2012 22:40:43]來咗咁多年習慣哂! 依度十幾度好舒服,唔似得香港咁乾燥凍到刺骨~
    我會小心身體,多謝關心!
    [chumama回覆10/07/2012 16:52:51]天氣相差這麽大,你要小心身體。
    [版主回覆10/06/2012 06:10:53]蘇格蘭已經得返十幾度嘞,夜晚仲會降到得返幾度,不過習慣咗,所以唔算太凍!
    依度無骨鴨扒真係好正! 不過如果焗一焗香佢應該會仲好味~

    回覆刪除
  2. 急凍燒鴨真係未見過, 等我去中式超市睇下有冇先
    [版主回覆10/07/2012 22:42:20]依隻急凍燒鴨真係好方便,買定放喺冰格隨時有得用~

    回覆刪除
  3. 《Ka MaN 日記》2012年10月15日 下午3:51

    荷葉飯正...
    急凍鴨胸方便....
    [版主回覆10/16/2012 19:52:42]依隻急凍鴨胸真係好正,抵過買全鴨好多!

    回覆刪除

Related Posts Plugin for WordPress, Blogger...