2012年10月31日星期三

故鄉風味台灣情小吃節2012 (2012年10月21日)

終於都揀好哂上星期倫敦台灣小吃節既相........


9月尾收到FB一個台灣文化交流group 邀請,
通知我10月21日倫敦會舉行台灣小吃節~

舊年愛丁堡都舉行過台灣小吃節,
我 + Mr.T都有去,仲食得好開心! (網誌)
之後一直希望佢地會再
舉行同類型活動......

雖然今次地點山長水遠喺倫敦,
不過我 + Mr.T鍾意台灣既程度直情想入籍做埋台灣人,
當然唔可以錯過啦! 隨口問埋朋友有無興趣.......
於是約埋朋友一齊去擦餐勁!


一早網上訂定第一輪11am - 12noon 入場既票,
10.30am 同朋友們喺地鐵站會合,
一齊搭的士直接去會場 - London Irish Centre......


會場外大大隻醒目紅底白字"TAIWAN",
Luckily 我地到達時門口未有算有太多人排隊.......


咗隊大約30分鐘後,人龍越來越長!

場內所有食物攤檔付款方式同上次愛丁堡台灣美食節一樣,
都係以餐券形式
付款找贖,餐券單位為£10一張~
排緊隊時有職員先前來售賣餐券,
我地 + 朋友各人先買一張,唔夠的話場內可以再買!
終於入得場嘞~~~~~~~




入場後好似去冚咁要"了"隻龜喎~
幫自己個blog 宣傳吓先! (用錯咗幼筆!! 失策.......)



每人手上要打印......4件豬血糕! 哈哈~~~~~~



Ready......steady......EAT!


我唸去過台灣既人都會去過夜市,
小吃節所售賣既就係台灣夜市既特色小食!

一入門口先有非常有代表性既珍珠奶茶!

台式珍珠奶茶喺英國越來越普遍,
Glasgow 都開咗2間!
之前我一直都係走珍珠......
因為我好少飲凍飲,
買親
珍珠奶茶都係因為我真係好好好頸渴,
有珍珠即係少咗
奶茶!
而且我之前以為珍珠似涼粉之類既物體,
我唔鍾意涼粉......

不過今次小吃節既珍珠奶茶全部現成沖好哂,
第一次食珍珠........
原來珍珠煙煙韌韌咁好食果喎!!!!!!!!!
結果飲咗2杯.......

(以後我都唔走珍珠咯! )


見到依檔美食廚房有大鍋滷得香香既五花腩......
原來係其中一樣我至愛既掛包!
見隔離檔有台灣炒米粉,即時又整一兜........



米粉炒得香香又入味;
今次掛包比上次愛丁堡美食節既掛包大隻好多 + 好味好多!



我右手肥美掛包左手美味炒米粉,大滿足!



依檔台式麻辣滷味好好好好好好味道!!!!!!!!!


我地要咗麻辣牛肉、麻辣鴨舌、麻辣百頁結,
滷得非常入味,真係又香又麻又辣......回味中~~~~~~~
(可惜後來太飽無食到佢地既餃子! 遺憾中.......)

Mr.T被穿著熱褲既辣妹sell 佢買咗兜魯肉飯......



之後向我投訴......咁少肉既!!!!!!!!
肉確係少咗d,不過幾好味~



發現鐵蛋蹤影........



一兜仔有2隻......


睇我同Mr.T個樣都知道好味啦!


雖然依個係小吃節,不過除咗野食之外,
仲有一d食得又玩得既
推廣文化小遊戲......

依個"漢字巧克力",先抽一張咭,咭上有條簡單問題,
玩者要喺餅乾上用朱古力寫上答案~


我自己無玩到......

朋友寫既有型"火"字.......


其實場內仲有好多野食......蚵仔煎、鹽酥雞、蔥花麵包......
豬油拌飯、炸熱狗、茶葉蛋、紅燒牛肉飯........
不過有部份食物好快已經賣哂!
我食唔到蚵仔煎啊~~~~~~~~



場內有豬血糕,本來我都好想試下,不過發現有糯米........
反而朋友買咗來試,食後感 - 完全無豬血味!
(我喺度唸: 喺英國佢地去邊度搵豬血呢?
)

雖然有好多食物都無食到,
不過由我地一入場就開始一輪狂風掃落葉不停食食食.......
(後來我仲買多咗一張餐券,
只係場內人迫迫唔方便一路食一路影相!)
我地點零兩點鐘離開時已經食到好飽!

值得一提既係 - 我自己整既鹽酥雞好味好多啊!

(大概係場內人流多,佢地炸唔切炸得唔夠透影響味道吧?)

場內越來越多人......


不過V又被依位眼利既Blog友眾裡尋V點相了!
Blog友仲大讚Mr.T真人靚仔又好fit,攪到Mr.T面紅喎!!
(我而家先知原來Mr.T仲曉面紅......哈哈~~~~~ )



飽住個肚滿足地離場shopping去~~~~~


一輪shopping 後腳好攰,
去返上次我同Mr.T去過既
Caffe Concerto 抖一抖~

本來我好想試吓佢地既Afternoon tea set,
不過我唸地4個食台灣小吃食得真係太飽......
喉頭不停嗝出麻辣既味道!



每人一塊蛋糕~






不過食完塊蛋糕就真係飽到乜野都再食唔落咯......
所以連晚飯都無食就一齊搭車返Glasgow~
滿足地結束依個買飽食醉既行程!





Photobucket

11 則留言:

  1. 以前係澳洲我都好鐘意去美食節架! 好懷念有次去泰式小食節食咗小食....勁好味
    [版主回覆11/01/2012 18:54:30]英國依邊亞洲人比澳洲少,所以大部份美食節都係歐洲美食節e.g. 法國、德國、意大利...居多,亞洲既美食節非常少

    回覆刪除
  2. 明星呀!
    [版主回覆11/01/2012 18:51:58]咪笑我啦Mrs Leung!
    我唸我喺blog友心目中一定係一個好為食既人.....因為依位blog友同我講,佢買票時唸過我會唔會去....

    回覆刪除
  3. 緊張大師-小女人2012年11月1日 上午1:49

    我一家勁愛台灣,台食簡直無得彈,你們可以有此機會,好開心又有口福更可以一次品嚐咁多不同款式,或許不是款款稱心或好味但機會難得又何妨.
    食咁多你們還可以外出再吃,服了你
    [版主回覆11/01/2012 18:49:49]其實居英台灣人成日攪依類活動,只係英國地方大,無可能每次喺唔同地方攪都去得到,不過要食台灣野其實唔一定要去美食節,蘇格蘭有台灣餐廳

    回覆刪除
  4. 我都勁中意食台灣地道小食﹗除左你相裏面嗰啲,仲有胡椒餅、蚵仔麪線(我只中意食龍山寺附近既陳記蚵仔麪線)都好正﹗
    [版主回覆11/02/2012 19:24:58]其實果日我仲食咗好多野,不過攞住野又人迫迫....影相好唔方便呢!

    回覆刪除
  5. Cool! Mouth watering! Does it hold every year around this time? Any organizer's link or site? Thanks!
    [版主回覆11/02/2012 19:37:20]im not sure whether they hold the event every year. however if youbhave a fb, you can like the following page, they keeps updating uk taiwanese community news: https://www.facebook.com/TWfestival?ref=stream

    回覆刪除
  6. 「喉頭不停嗝出麻辣既味道! 」?!但仲可以一人一件蛋糕?好勁!
    [版主回覆11/02/2012 19:20:09]哈哈~~~~~ d台灣麻辣好鬼勁!
    如果唔係之前飽成咁,我真係想試吓佢地個afternoon tea set!

    回覆刪除
  7. Glasgow同london 都好遠吓, 平時多唔多/ 願唔願出london 嫁?? haha...
    [版主回覆11/03/2012 06:32:42]無話多唔多或願唔願去,有野做或想去咪去囉! 今年已經去咗倫敦3次~

    回覆刪除
  8. 台灣野食真係super yummy..
    但冇大腸面線? heehee
    [版主回覆11/05/2012 21:13:19]我無話過無大腸麵線,我只係話有好多野我無食到或無影到

    回覆刪除
  9. 今次輪到響倫敦都比blog友認出,我諗起自己上次叫妳的情形啊,hehe

    [版主回覆11/08/2012 22:23:27]係呀~ V媽媽咁啱打電話來! 其實如果V媽媽無打來,妳可能聽唔到我講廣東話...咁妳可能唔會留意到我....咁我地就擦身而過嘞!
    [海迪回覆11/06/2012 00:14:37]我都係果日由倫敦剛到曼城,從酒店安頓好就準備去manchester united行下,行緊去車站身邊有個講廣東話的女仔講緊電話,響外國聽到廣東話喎,仲唔望下咩,哎呀...咁熟口面...再望到妳最愛品牌的o急同手袋,仲唔係妳
    [版主回覆11/05/2012 20:58:14]哈哈~~~~ 我都唸起上次我地相遇既情景呢!
    今次依位blog友佢正喺倫敦讀書,大家都喺英國,相遇機會始終較大;
    我覺得同你地相遇真係好特別! 你地來渡蜜月,咁啱果日喺曼城,我又咁啱果日去曼城...咁啱我班車早咗30分鐘到站,咁啱我落咗車你地又行緊返酒店......早一分鐘或少一分鐘都撞唔到,真係好多巧合先相遇呢!

    回覆刪除
  10. 台灣美食真係好正
    [版主回覆11/08/2012 22:20:54]慶幸台灣美食飄洋過海來到英國都無失水準~

    回覆刪除
  11. 我都好鍾意台灣小吃
    [版主回覆01/23/2013 03:46:03]台灣既食物真係好吸引!

    回覆刪除

Related Posts Plugin for WordPress, Blogger...