Summer 大割引!

最近少咗行街，有時行街亦未必有收穫......
因為我發現我最大既購物樂趣 - 廚具，
好似已經比我買到已經無咩好再買!
我最近行街見到既.......

一係我已經擁有; 一係我由始至終都無興趣擁有!!
咁點算好呢?
唔洗同我擔心!
I will always find my way!! 嘻嘻~~~~~

依枝野叫做Multi-Quirl Whisk~
號稱係"世界最快"既手動打蛋器，
全人手唔用電，但打野速度快到媲美電動打蛋器!
係大陸製造但德國牌子既新產品，
喺英國暫時只可網購~ (P.S. 不過淘寶已經有得賣嘞! )

2星期前我喺Merchant City Festival 檔攤第一次見到，承惠£10~ 睇完現場示範後我已經好鍾意， 不過當時好肚餓，所以唸住食完野先返轉頭買......
點知食飽後飯氣攻心無咗件事!
事後我揼足2星期心口!!

不過塞翁失馬.......尋日(8月13日)行街，
竟然無意中比我喺TK Maxx 搵到一千零一枝!
當時開心到差d叫咗出來!!
因為TK Maxx 依枝只售£5.99! 哇哈哈~~~~~

依枝野有幾掂?
自己睇demo video啦 - www.pitch.tv/nova-whisk.aspx
我睇過現場示範，個video 珍珠都無咁真!!

想買一個依種可以摺埋既不鏽鋼蒸架已經好耐......
不過去親IKEA一係唔記得買，
到我記得時佢又賣哂無貨!
雖然超市都有得賣，
不過超市賣得貴過IKEA，我覺得唔抵!!

總算皇天不負有心人(鍾意煮野食既人~)
又係比我無意中喺pound shop 撞見!
依隻仲要只售£1 - 從未見過咁鬼平!! 哇卡卡卡卡~~~

依本野生菇菌圖鑑我又係想買咗好耐!

有時去郊外見到d野菇，
求知慾旺盛既我好奇想知佢地咩料........
不過依類圖鑑好多都係畫出來，我覺得好失真~
依本就唔同嘞 - 100%實物相!
而且又係一千零一本!!

個價錢仲好靚 - 原價£9.99; 特價£1.99~
哇哈哈哈哈~~~~~~~

早兩日喺愛丁堡一間小店見到既心心"home made"曲奇模~ ♥

Smart phone 真係好方便，不過好鬼快就無電，
有舊portable battery 就好嘞!
不過英國唔似得香港咁平咁多款式選擇......

依個時候竟然比我搵到依舊清貨大減價~
原價£39.99; 現價£14.99 - 仲平過半價!
哇哈哈哈哈哈哈~~~~~~

同我部手機差不多大細，不過輕過我部手機好多!

只有70g~ 放喺手袋裡面完全感覺唔到佢既存在! ♥

附大咋不同插頭，配合不同品牌手機或不同devices 需要;

附有小燈泡，可當電筒使用!
依個對我依種專用大手袋既人來講非常有用~

本身仲附有一個黑色絲絨布袋，不過我唔鍾意......

依個買高木直子"一個人暖呼呼"既贈品布袋啱啱好!

早2星期買咗依對靚靚Melissa.....(網誌)
平時我著Melissa 著慣4號，
買鞋果日鞋舖好多人，我廢事等廢事同人逼，
見依對係4號，試都無試就拿拿淋走去比錢鬆人......
點知返屋企一試就甩鞋! 原來依個款我要著3號!!
於是上星期一攞返去鞋舖換對3號~
已經好耐無幫襯過依間連鎖鞋店 - schuh~完全唔知佢地而家既服務竟然好到令人難以置信......

首先貨物出門後，只要無著過出街 + 保持完整，
1年內都可以更換或退回全款! ♥

當日我去換對3號，不過寶藍色3號無哂存貨，
佢地竟然可以幫我訂對3號，免費速遞去我屋企!! ♥


星期一晏晝去換鞋; 星期三中午已經收到對3號!
好高效率!!! ♥

3號good fit 好舒服~



我唸好多人對"深夜食堂"依本漫畫一d都唔陌生~

聖誕返香港時喺書店無意中見到1至3集，一睇即時愛上咗! ♥

第4集出版時我仲喺香港，趕得切買埋第4集~


我返咗英國後漫畫越來越紅，中文版出得好快，
唸住等佢出多幾集先一次過去金石堂訂，
咁啱上月有朋友返咗香港問我有無野要買~

於是託朋友幫我買5至8再搭本高木直子"一個人去跑步2"，
朋友唔收我錢送比我! Thank you mate~
(朋友返英時第8集未有貨!)