Mr.T's 電腦魔術手朋友T

T家有3部不同折舊程度既laptop，擺埋咗一邊封塵良久......

(1) 跌壞咗完全開唔到機;
(2) 用用吓經常突然自動熄機;
(3) 速度慢到同壞咗完全無分別......

 
3星期前我整壞咗部平板......

我仲有一張唔知咩事load 唔到，
所以曾經比我撓開嘗試修理既32GB SD card......

老公有一個電腦天才朋友"T"~
T由南下過來visit 蘇格蘭，上星期日來我地屋企，
用咗短短幾粒鐘時間，將上述所有壞咗既野，
全部幫我地整返好哂!


T真係好犀利!
親眼睇住佢對魔術手每樣野篤幾吓，
有d複雜少少既就拆開攪吓再冚返埋......
而家3部封塵已久既laptop 好似新買一樣;
我部平板回復正常運作;
果張甩皮甩骨既SD card 原來中咗毒所以load 唔到，T幫我攞返哂卡裡面既相兼消埋毒，
張咭仲可以繼續用呢~


早前我本來打算買一部新laptop，
不過而家T幫我地整返好哂3部封塵laptop...加埋老公幾個月前原本買比我但我嫌太重唔要既Thinkpad......
我而家用緊既netbook.........

仲有我 + 老公一人一部平板......

我地2個人4隻手......
總共有4部laptop、1部netbook、2部平板!
有點太誇張啊~

其實我 + 老公只認識咗T短短幾個月時間，
He is a really good guy~
真係好感謝佢抽空幫我地修理好所有野!
不過T7月尾就會返印度生活，
唔知將來我地仲有無機會再見呢?
無論如何祝T前程似錦，生活愉快 + 事事順利啊~