2012年7月5日星期四

無知 (2012年7月5日)

尋日(7月5日)一起身就見到FB瘋傳一張香港報紙相......


我第一個反應係 - What the.......!!?!?!


第二個反應係 - 係咪有人PhotoShop 玩惡搞相呀?

(之但係依個可能性好快就比我否定咗! 因為我相信唔會有人無聊到咁無恥去惡搞一篇咁傷感既報導~)

第三個反應係 - 啱啱瞓醒未定神開始亂唸野......會唔會唔係信徒既我孤陋寡聞...可能真係有一首聖詩叫做"A May Sing Grace"?


我真係覺得好震驚 + 難以置信! 
我唔相信依個咁無知既錯誤會發生喺2012年既香港,
離譜程度直逼果咋睇到人搲哂頭既強國英文餐牌!!

來英咁多年我一直
每日上網睇報紙既習慣,
好老實講...香港有質素既報紙真係無幾多份~
多年來我一直喺網上睇明報,
至少明報唔算tabloid,
歷年來多項報章公信力調查當中都名列前茅......
所以我更加難相信依個咁
離譜既錯誤係出自明報!!

唔係馬後炮,其實咁多年一直keep 住網上睇香港報紙,
睇住報紙寫作水平不斷越降越低,一蟹不如一蟹!
錯別字依個家常便飯唔在講;
近一兩年更驚見白話文混合廣東口語既寫作手法!

e.g. 他的名字係.......
我唔係講緊娛樂版喎!
我係講緊正正經經既新聞版!!

今次依個咁無知既錯誤,
就好似見證咗香港報紙係由一班無common sense,
中不成,英不就既傳媒"自由創作"出來! (至少有一份係咁......)

雖則話人誰無過,
不過作為一份叫做有公信力既報章,
有個咁既錯誤的確好難令人接受喎!
寫果個人無知啫,咁唔通連校對 + 編輯全部都咁無知發緊夢?
錯成咁都出到街真係匪夷所思......
好多人覺得好好笑,
不過我真係完全笑唔出,
只覺得香港報紙變成咁真係好恐怖!




Photobucket

11 則留言:

  1. Can't agree more. The issue is not just the language skill but common sense. I always think (believe) those working in journalism / newspaper are knowledgeable and well educated but seems they are不知所謂. It s shameful !!
    [版主回覆07/06/2012 19:42:31]not necessarily! it is a hard job and people with high qulaifications usually wont choose to be journalists nowaday. HK's newspapers are getting more and more unreliable, it is a shame.

    回覆刪除
  2. 我的反應同你一樣,起初以為有人惡搞,然後就係以為係咪真係有首A MAY SING GRACE(,我仲去YOUTUBE SEARCH吓。實在難以相信會錯得如此離譜!!無理由出得街!
    [版主回覆07/06/2012 19:34:46]記者無知都算,無理由會過到校對員 + 編輯果關吓化? 全部都發緊夢咁請校對 + 編輯返來做乜? 其實佢地責任仲大過寫果個!

    回覆刪除
  3. there is nobody in the company who checks?
    [版主回覆07/06/2012 19:32:16]should have been! after the reporter finish the article, the proof reader and the editors should ensure there is error free before publishing.

    回覆刪除
  4. :+:+:涼粉子:+:+:2012年7月6日 上午2:51

    咁都錯得..真係離唒譜~
    [版主回覆07/06/2012 19:29:01]我相信依首聖詩好多唔係信徒既人都識,佢寫得出依個疑似發音既名,好明顯寫既人都知道依首聖詩其實叫做乜名! 所以講到底佢真係好無知!! 報紙校對員 + 編輯就仲加離譜,根本係嚴重失職!

    回覆刪除
  5. 真係難以置信, 我D英文咁水皮, 當年第一次聴人講呢隻歌, 都知唔會係 亞May Sing 啦, 最多唔識個Grace之馬! 家下的報人真係......十足我地係Facebook度玩亂寫一通咁! 又唔上網check吓.....超離譜呀!
    [版主回覆07/11/2012 18:43:59]姐姐妹妹都無所謂,至緊要唔係姨姨嬸嬸就得嘞!

    粗度無得揀果部係咪紅色架? 果部好細又好靚仔,如果我唔係一早買咗而家依部我可能都會忍唔到手! 你買果部係咪Imperia? (因為我最近見到果兩部就係紅色 + Imperia!) 如果係Imperia 的話你執到好野嘞! 好野來架~

    其實TK Maxx 係賣貨尾斷貨野,貨源唔穩定,好多野可能只入一水就無 (我鍾意依種尋寶feel! ) 唔係時時都有意粉機賣架! 所以見到有野啱就好快手買咗先!!
    [WING回覆07/11/2012 10:28:36]o既然妳用 "可能", 咁我都係叫妳妹妹好D. 我係兩極之中, 差D係60後嗰邊. 不過我都唔介意叫妳一聲姐姐o既, 不過我比較鍾意叫人姐姐仔多D.
    諗日(星期一)去左TK Maxx, 買左部壓麵機啦. 不過我去嗰間冇得簡, 得兩部, 買左同妳嗰部好似一樣, 另外嗰部麵o既粗度冇得簡, 實在買唔過.
    TK Maxx 真係好多嘢賣, 我家姐相信已經上癮, 佢話揾日再去. 我都應該會再去(有平嘢"汁").
    [版主回覆07/11/2012 02:01:45]咁.......其實.......你可能要叫聲我姐姐喎!
    [WING回覆07/11/2012 01:43:16]小妹妹,我呢D抆邊70後,一定大過妳啦!hohoho!
    [版主回覆07/10/2012 18:51:48]緊係唔係啦Wing兄! 死人Yahoo 個回應回覆電郵通知功能壞咗超過2星期嘞,一部份收到一部份收唔到,真係好唔方便! 填咗表投訴,但個個星期回我話問題比較複雜仲未整好......嬲到想講粗口!

    Mr.T 唔識睇中文架! 而且其實我年紀可能仲大過你~
    [WING回覆07/08/2012 05:11:50]我個BT Yahoo account, 叫唔到妳回覆o既email, 重以為Mr. T見我叫左妳一句V妹妹, 就唔俾妳覆我D留言添, 嚇死我.
    [版主回覆07/06/2012 20:24:10]咪係...如果係爛生果我反而無咁震驚! (其實都係唔可以原諒架嘞,身為大眾傳媒根本就唔應該有個咁既錯誤!)

    你講得無錯Wing 兄...我同朋友FB時有時懶轉中英字體,好多時都會"些些妳"、"噢賣葛"、"噢艾屍"、"艾笠乎"......依條友真係異曲同工!

    回覆刪除
  6. 我都係FB睇到俾佢嚇親....以為係蘋果點知竟然係明報!
    [版主回覆07/07/2012 21:30:43]我完全無唸過會係明報,直至我到上面果句"明報記者林祖傑新加坡直擊".....

    回覆刪除
  7. :( 我諗左陣先知個記者想講咩
    估歌仔嗎?
    [版主回覆07/07/2012 21:29:05]其實佢寫成咁大家都知佢講乜都已經好勁......

    回覆刪除
  8. 我諗而家個記者真係俾人笑到冇窿捐喇已經~
    真係慘,咁大嘅錯誤都錯得~
    唔係啲稿會俾編輯對過先出街嘅咩?
    [版主回覆07/11/2012 18:29:39]明白做傳媒係要快 + 最好第一手果隻,不過佢地好似忘記咗最重要既其實係準確性! 做野要快又要做得啱先叫做有效率,做大眾傳媒亦然,做其他行業亦然!!

    我唔覺得個記者完全無責任喎! 既然篇article 假手於人但會出自己個名,佢絕對有責任自己跟進! 唔通佢寫得好就比人讚,出咗事就搵個寫手揹鑊呀?
    [Miss Jubie回覆07/11/2012 17:27:25]咁即係assistant(寫手)嘅錯,編輯嘅錯啦?
    但係身為記者都要負啲責任,下次真係要自己過一過目先得喇,唔係又有笑料爆~
    [版主回覆07/10/2012 19:15:30]既然係咁...篇報導唔係親手出自佢自己,但刋登時又要雞乸咁大隻字出佢自己個名,係要負起依d風險架嘞!
    [Lau回覆07/10/2012 10:25:03]記者如果要坐低寫稿再揾地方傳稿,未必夠快,而且坐係報館既寫手,會知道有幾多位,要寫幾多字,所以好多時會係記者報料由寫手寫,就算在香港的採訪也很普遍,特別是在截稿期近。總之咁既錯誤,編輯難辭其疚。
    [版主回覆07/07/2012 21:22:22]我尋日睇到另一篇報導...話個記者喺新加坡打電話返香港報館,佢本身係講Amazing Grace,係香港接電話果條友寫做A May Sing Grace 喎.....

    妳信唔信呢可? 越洋交稿唔用email 唔用fax,渣住個電話成篇稿讀出來咁原始??!!?!?

    妳講得無錯 - 我當佢真係接電話條友寫錯嘞,校對 + 編輯呢? 所以點講都講唔通!

    回覆刪除
  9. 真是,連少少資料確認都懶去做(即是,GOOGLE一下,大約用一分鐘左右的時間)
    [版主回覆07/10/2012 03:44:39]咪係! 唔好話明唔明報嘞,我覺得就算幾爛既報紙都唔可能會出個咁既錯誤囉! 白痴到令人反哂白眼!!

    回覆刪除
  10. 真係攪到香港好瘀!!
    [版主回覆07/12/2012 23:21:18]真係一個好白痴既錯誤!

    回覆刪除
  11. 你唔講都唔知有篇咁既報導!!!
    [版主回覆07/13/2012 16:50:55]我初時都以為係惡搞相來架.......

    回覆刪除

Related Posts Plugin for WordPress, Blogger...