二人世界一人前 - 2012年7月14日 (附食譜)

其實已經係上星期既事來，
點解二人世界都仲要一人前呢?
是咁的......

早前整咗葡萄牙燒雞，用剩peri peri 醃汁，
唔想擺咁耐，想快手d用埋佢，所以上星期五(7月13日)打算整葡萄牙燒雞pizza~

plus 都好耐無食過芝士餅，所以整咗隻做飯後甜品~


殊不知當晚Mr.T 放工返來話肚痛無胃口!
雖然已經預備哂材料整pizza，
不過我一個人點食得哂一個pizza 呀?
所以最後星期五晚都係無整到，
唸住Mr.T 休息一晚會無事，星期六晚先整啦......


殊不知星期六Mr.T 朝早仍然好肚痛，而且嘔吐大作!
叫佢去睇醫生，佢屎都話唔洗，
捱到晏晝佢只肯去藥房配肚痛藥......
Mr.T 病咗食唔到pizza + 芝士餅啫，
我無病嘛! 佢唔食我都要食架!!
而且一早預備咗材料唔想浪費啊..........

星期四晚已用peri peri sauce 醃好2個雞胸，
雞胸醃咗2晚好入味，grill 熟佢後切片......

青 + 黃燈籠椒、洋蔥 + 蘑菇......

芝士......

搓好pizza 底.......

今次用依隻Sundried Tomato Paste 搽pizza 面......

放埋將燒雞 + 其他配料放哂上去......

20分鐘後就有得食!

Pizza 香噴噴~~~~
Mr.T病咗，我仲喺佢面前食佢最鍾意既pizza......
雖然我都覺得自己好衰!
不過鬼叫佢肚痛得唔合時咩~
Mr.T一路望住我食pizza 一路苦苦哀求我比佢食一啖，
我見佢食咗藥後情況確係好咗......
於是我衰心軟比佢咬咗兩啖~點知到咗夜晚10點幾佢又開始再嘔過! 


當佢嘔到第5次既時候，
我喊哂發哂脾氣聲淚俱下之下，
Mr.T 終於肯去睇急症!

去急症室前屎吓屎吓咁款; 去到急症室要驗血又照X光......

醫生幫佢抽完血，順便喺抽血位幫佢靜脈注射咗止痛藥，
止痛藥一打咗落去，佢個肚就再無痛過 + 即時生猛哂!
照完X光後仲瞓到成隻豬咁扯哂鼻鼾!!
難為死我一個人戇居居坐喺佢隔離，
一路等驗血 + X光報告，一路擔心佢!


咁Mr.T 究竟咩事呢?
醫生話驗血 + X光報告一切正常，
所以佢係........急性腸胃炎!Apparently 星期五當日Mr.T 除咗食咗我整比佢既三文治之外，
晏晝佢仲食咗一隻星期四佢已經見到放咗喺office pantry 枱面，
但無放入雪櫃 + 唔知邊個買既sausage roll!

明明快手打枝針就即時無事，
唔明點解要死忍足一日!!?!?
等埋驗血 + X光報告兼攞埋藥......
足足搞咗4粒鐘，半夜3點先返到屋企!


星期六晚個pizza 我只食咗一半，
另一半成為咗我星期日既lunch，
一個pizza 總算食得哂~
不過芝士餅就只食咗大半......


咁Mr.T病咗依2日食乜?

病人可以食得d乜吖? 火腿湯通粉是也!
紐約芝士餅食譜click here~
V記巨無霸薄餅食譜click here~