The Meeting Room@Hanley (Caribbean) - 2012年6月2日 + 6月6日

上星期去咗南下，
南下前Mr.T 話我知佢office 附近有間食加勒比海菜既餐廳，
佢睇過個餐牌好吸引!
等我過到去時陪佢試吓~
 
6月2日
是日搭咗成朝長途巴士 + 火車終於到咗Stoke，
老公去火車站接咗我後已經餓到扁咗!
即時向Meeting Room 進發..........

店面唔算細，係一間home cook 既小型餐廳~

簡潔既裝修坐得好舒服! 

2人份頭盆 - Caribbean Mixed Platter
(Saltfish fritters, fried dumplings, curry patties, hot n spicy chicken wings, with reggae reggae dipping sauce & salad)


Platter 每樣野都好好食!
尤其係saltfish fritters!! ♥
有少少唔夠喉......

於是再另外點多個saltfish fritters 頭盆! 

我既主菜 - Curry Goat & Rice
依個山羊咖喱一d都唔辣，味道好特別但係好好味!
但份量太少，我唸我要食2碟先夠飽~


餐廳除咗有加勒比海菜之外，仲有供應普通英式菜......

Mr.T是日想食好多肉...竟然叫咗個英式mixed grill! 
好食係好食，不過間間pub 都有得食啦.......

依餐所有食物都好好味，而且價錢唔貴，
我 + Mr.T非常滿意! 



6月6日
是日心思思又想食The Meeting Room，
咁就去The Meeting Room 食lunch 啦!

同上次一樣既頭盆 - Caribbean Mixed Platter

唔同既主菜.........

我既Jerk Chicken with Rice
雞胸肉juicy，jerk sauce 香辣惹味......awesome! 

Mr.T既Jerk Pork with Fried Dumplings
一樣既Jerk Sauce，換咗豬扒一樣好好味!
Fried dumplings 雖然只係炸麵糰，
外面香脆，裡面香軟，正!


我同Mr.T食過2餐已經完全愛上依間小餐廳!
我唸我地將會成為熟客仔呢~