佢地養咗一隻好可愛既貓貓Phoebe~
Phil 既女朋友係波蘭人，
佢同我地講Phoebe 只識聽波蘭文!
記得第一晚Phoebe 好似平時咁走入去我地暫住房間，
本來佢已經遞起咗前右腳準備踏出第二步，
但電光火石間佢突然發現有兩條佢唔識既友仔喺度，
佢即時嚇到郁都唔敢郁，遞起咗果隻腳仲凌空定格，
成隻定哂型實行敵不動，我不動!
Phoebe 依個完全唔郁既pose 維持咗好耐，
甚至我同Mr.T 喺度狂笑佢都無郁過~
直至我走去攞相機唸住影佢個定格樣......
佢見我一郁，即時走夾唔抖!
Phoebe 係名副其實既"夜貓子" - 日頭瞓覺，晚間活動!
因為主人夜晚放工返來先陪佢玩~
往後幾日我一見到Phoebe 就攔住佢，強行地搏佢懵 + 影佢相!
雖然我影佢相時個樣唔多順超......
摸佢時佢都係眼倔倔唔多老黎......
不過至少佢見到我地時，唔會再即時調頭走!
最終佢完全投降任摸唔嬲!
仲一副好享受好舒服既樣!
仲model 上身擺出各種pose 任我影......
誘惑look;
頭痕look;
沉思chok look;
無厘頭超傻look (咁既姿勢瞓得舒服既咩?)
本來唔多鍾意貓既我，都覺得Phoebe 好可愛呢~ ♥
Phil 佢地除咗養咗可愛貓貓Phoebe 之外......
仲竟然有養雞! 朝朝有新鮮餓姦力走地雞蛋做早餐~
其中一隻係竹絲雞來~我咁大個女第一次咁近距離見到生猛竹絲雞......
我先至發現原來竹絲雞既毛係好似狗毛咁一條條......
唔係一般雞毛來喎! 嘻嘻~~~
其中一隻係竹絲雞來~我咁大個女第一次咁近距離見到生猛竹絲雞......
我先至發現原來竹絲雞既毛係好似狗毛咁一條條......
唔係一般雞毛來喎! 嘻嘻~~~
AIYA....外國生活真係好...可以養雞.....我細個買個雞仔鴨仔當寵物架...不過未大就去左天父到......到我大左又養貓....白毛藍脈....又養狗...史納莎.....又養過龍貓....烏龜....白兔....金魚.......到依家養自己個仔....
回覆刪除[版主回覆06/14/2012 10:21:19]笑死~~~
[小車回覆06/14/2012 10:18:48]哈哈.....我地既童年都係殺手一名...
[版主回覆06/14/2012 10:14:22]我細個時跟V婆婆住喺長洲，果時佢都時時有養雞，朝朝都有新鮮雞蛋架!
細個時養得最多係兔仔 + 葵鼠，又養過雀仔...不過又係好快釘蓋! 未來英國前養過西施; 來咗英國後養過倉鼠，而家就養緊金魚....
我以前只鍾意狗好唔鍾意貓架! 不過鄰居有隻貓貓勁得意，改變咗我既睇法~
唔知點解我細到大都唔鍾意貓~~好驚摸佢地
回覆刪除[版主回覆06/14/2012 19:51:24]佢地其實好好玩架!
好cute呢
回覆刪除[版主回覆06/15/2012 02:51:25]我都覺得佢好可愛!
phoebe 好可愛呀 ! 咁快可以比你地抽水..你地係咪利誘過佢呢...
回覆刪除[版主回覆06/16/2012 09:48:46]我無利誘佢喎! 可能佢覺得我地按摩手勢好正啩!
睇唔到佢的定格照..真係可惜!!
回覆刪除[ok回覆06/20/2012 11:55:19]如果係我我都會
[版主回覆06/20/2012 01:34:38]所以我走時好唔捨得佢呢.....
[ok回覆06/18/2012 11:10:24]咁又係...佢真係好攪笑同可愛呀..
[版主回覆06/16/2012 09:45:59]哈哈~~~ 佢第一次見到我地時咁鬼驚，我一郁佢走硬啦!
Oh the cat is so lovely!
回覆刪除Peggy
[版主回覆06/16/2012 18:03:20]yes it is!
貓兒懶洋洋又帶點高傲,但又好鬼可愛
回覆刪除[版主回覆06/20/2012 01:15:40]話時話佢個樣又真係幾高竇! 不過佢既高竇已經被我 + Mr.T 對按摩手征服咗!!
貓貓好可愛呀!!!
回覆刪除[版主回覆06/20/2012 01:14:07]佢真係好可愛~ 果幾晚我地一返去，佢就走埋來我地腳邊揩我地! 我走時都好唔捨得佢.....