但我由尋晚到依家都好嬲!
通常我發火頂多2粒鐘就熄火，
今次last 得咁耐，因為我真係覺得好委屈!!
而且依件事亦牵涉到Mr.T!!!
我有一位住喺荷蘭既網友S，S本身係我朋友既親戚來，
因為S鍾意煮野食，於是朋友介紹S睇我既blog 而認識~
早前Mr.T 喺FB 整咗個page 閒時接order 幫人畫公仔T shirt，
(網誌)
S好鍾意 + 訂咗好多件送比朋友。
一直以來都相安無事，
直至一次S訂來送比朋友做生日禮物既T shirt 寄失咗~
由英國空郵去荷蘭頂多5日，
佢個幾月都未收到幾乎可以肯定凶多吉少
其實每次Mr.T 接order 時，都一定會問客人要寄普通定掛號，
S選擇用普通空郵寄去荷蘭，
所以寄失咗都無得track! (好正常~)
包裹寄失後S喺FB 不停pm 我，
不停問我"點解會唔見?"，"係英國郵局定荷蘭郵局出問題?"
(我點知啫? 我又唔係做郵局!!)
係佢自己選擇用普通空郵，其實我同Mr.T 都知寄失咗無得追，
不過見S咁唔開心，Mr.T 去郵局幫佢投訴;
而我就offer email 郵局單據比佢，等佢自己喺荷蘭果邊追，
但佢話唔要張單，因為佢知道無得追!
不過佢照繼續一直pm 我話好唔開心，話對郵局好失望云云......
我根本唔知佢想點! 我 + Mr.T 可以幫佢做既已經做哂，
佢自己乜都唔做 / 唔想做，只係不停對住我疲勞轟炸!
我回佢唔係，唔回佢又唔係!!
我唔想得失S，始終佢係我朋友既親戚來......
不過我當時真係覺得佢好煩，於是推咗個波比Mr.T 叫佢搞掂S，
Mr.T 向S提議各自付一半衫價 + 郵費，再寄過一件T shirt 比佢~
P.S. 售價 = 設計公仔費用 + T shirt 價錢 + 郵費
設計公仔費用喺寄失咗果件T shirt 時S已經比咗，
所以今次我地只收T shirt 一半價錢 + 一半空郵郵費 - 只係£3~
真係一毫子都無賺佢!
不過當我將offer 轉告S時，S斬釘截鐵回我 - 唔會再order 新一件!
我同S解釋只係向佢提議，唔一定要佢接受依個方案，
S既態度令我好反感 - 咁又唔得，咁又唔好，只係不停對住我話失望失望失望......
我唔知佢係咪想我地免費寄過件衫比佢?
但免費一定無可能囉!
好老實，我地肯幫佢比一半價錢再寄過件新衫 - 我地根本唔需要咁做!
有網上交易過既人都知道 - 風險係買家承擔既，
而且係佢自己選擇用普通空郵!!
我地既提議佢唔接受罷就，我但求佢唔好再疲勞轟炸我就得嘞!
不過一星期後S 再pm 我話接受我地建議比一半衫價郵費，
今次佢仍然選擇用普通空郵......
結果S預期中又收唔到包裹!!
重寄當日我另外仲寄咗2件包裹 - 1件去台灣 + 1件英國境內，
台灣 + 英國既朋友都已收到包裹，
但S仍然未收到寄去荷蘭既包裹，佢當然又係pm 我追啦!
我第一時間話連同上一次寄失 + 今次2張單據email 哂比佢，
佢就回我"it's not i don't believe you...if you can show me the receipt...blah blah blah!"
我根本從來無話過妳唔信我，
而且我同Mr.T 行得正企得正，洗咩怕妳don't believe us?
if I can show you the receipt?
我當然can 啦!
我一早已經話email 比妳，係妳自己話唔要!!
於是我一次過將2張郵局單據email 比S，
我仲留言叫S收到email 無問題就通知我一聲~
不過S無回覆我收到email 未，但期間我見佢有FB update 囉!
於是我pm 追問S有無收到單據email，
佢回pm 話已收到，但就唔該都無聲!!
之後S一直無事夏迎春，完全無聯絡過我或Mr.T，
直至10日後S終於收到件衫，
佢又突然好客氣pm 我thank you 前thank you 後......
依件係前事~
S依種人一有事發生完全唔會承擔責任，
一方面要依賴別人旨意人地幫佢搞掂哂，
但另一方面又小人之心覺得人地搵佢笨想搵佢著數，
我對S依個人已好有保留!
不過我比面我朋友~
(Part 1 End)
------------------------------------------------------------
Cont. Part 1......
(唔想為依個人開2個post!)
並非馬後炮，自從Part 1 既事之後，
我對佢既印象真係麻麻!
今次我返香港，佢咁啱亦係果段時間返咗去，
佢約我出去，終於見到面覺得佢個人又唔算特別衰格，
但就不停同我講佢果日shopping 用咗幾多幾多錢，
買咗乜野乜野乜野......
同佢去食日本放題，問佢依樣食唔食...果樣食唔食?
佢樣樣都話好，樣樣都話要食，
但餸菜來咗就樣樣只食dd，其他要我包辦.......
貫徹佢一向依賴別人去收拾殘局既性格!
S有一位就快結婚既朋友L，
之前S訂過公仔T shirt 送比L，
L好鍾意Mr.T 既公仔，
L想 Mr.T 幫佢畫一中一西既漫畫公仔來印帖~
不過L無親自聯絡Mr.T，只透過S傳來以下一個簡短email......
以我 + Mr.T 既理解，
L既要求只係要長頭髮 + 中西公仔各一個......that's it!
大家都知道Mr.T 舊年10月開始去咗Birmingham 出trip，
自從佢 升職後工作超級忙，加上我又返咗香港個幾月，
依段時間我見佢真係好少!
不過我唔會好似d怨婦咁埋怨自己老公太忙無時間陪自己，
我地反而更加珍惜相處既時間~
Mr.T 百中之中為L畫咗依個公仔......
Mr.T 將公仔email 比S再由佢傳比L，
2月13日L親自回覆Mr.T......
大意係個公仔唔啱佢心水，佢要求要更浪漫恩愛甜蜜feel~
佢想Mr.T 2至3星期內幫佢重新畫過一個公仔!
既然有要求點解唔早響?
點解當初S既email 只係話要長頭髮 + 中西禮服??
既然L識英文，點解要透過S隔重山來傳話???
再講，長頭髮 + 西式禮服，依個公仔已符合哂所有條件!
Mr.T 收到L email 當日(2月13日)即時回覆L 再仔細問清楚佢要求既細節，
不過直至尋日2月20日仍然無收到L回覆!
我覺得而家即係點先?
妳要求Mr.T 畫公仔，貨妳收咗但話唔滿意想重畫，
唔啱心水唔緊要，重畫都唔緊要，
但我地想問清楚妳要求，妳要答人先得架!
妳比2至3星期時間人地重畫，
但竟然可以過咗成個星期都唔回email，
根本就唔知妳重想唔想要! 就算想開工亦無從下手!!
一陣重畫公主陛下妳又唔滿意咁點算?
妳以為我老公好得閒淨係服侍妳一個呀??
於是我尋日通知S，L無回覆Mr.T，我唔知佢仲想唔想要公仔，
但時間已經越來越少，我唔想Mr.T 咁辛苦咁趕，
咁樣對Mr.T 對L都唔公平，請S告知L叫佢另請高明!!
不過S就以為我發悔氣嬲佢，不停游說我L仍然想要Mr.T 既公仔，
請Mr.T 繼續幫L畫......
我亦只係同S講: 總之一日L唔親自回email，我地就當佢唔要!
S話知道Mr.T 好忙，於是將我email address 比咗 L叫L直接聯絡我，
但我一整日都無收到L既email~
稍後我發現L唔聯絡我係因為佢已經回咗Mr.T email 話唔要個公仔!
(無錯~ 我有Mr.T email 既password! 因為我係佢"私人秘書"~)
於是我再通知S，L已經決定唔要個公仔，我認為係對大家都最好既option!
雖然L唔鍾意舊公仔又唔要新公仔，
不過Mr.T 確確實實係花咗時間心機幫L畫咗個舊公仔，
我認為問吓佢比唔比錢都好正常!
同時我亦表明咗我其實唔知Mr.T 洗唔洗L比錢，
我認為自己問得真係好正常，根本完全無冒犯或撩交嗌既意思~
但S一見到我提及比錢就即時反轉豬肚......
首先S而家將責任推哂喺Mr.T 身上，賴Mr.T 無睇清楚L要求!
依樣就係我最嬲最火滾既地方!!
明明S比Mr.T 既email 只簡單地話要長頭髮 + 中西禮服;
公仔唔啱L心水，就話我地對L唔公平!!
(S另外email 咗我話我唔應該收L錢，不過我廢事print screen!)
妳無野吓哇?
妳去餐廳食完野覺得好難食，可唔可以因為難食唔比錢呀?
食完霸皇餐仲要屈返餐廳轉頭，話餐廳對客人唔公平??
咁惡既人我真係無見過囉!
見我發火，S突然化身終極受害者，
唔睇上文下理真係以為比人搵笨果個係佢!
由始至終我火滾根本唔係因為比錢既問題，
我嬲係因為S突然將所有責任推哂喺我 + Mr.T 身上!
覺得我地搵佢朋友著數!!
屈我，睇情況我或者可以吞咗佢; (其實多數都係吞唔到.....)
但屈Mr.T，我老公就唔得!!
今日有人突然留言凶我，叫我有guts 夠膽既就去叫佢朋友比錢，
仲叫我唔好做烏龜!
事實妳朋友已經收咗個公仔，我點解無guts 唔夠膽呀?
Mr.T 畫一個公仔只收幾英鎊，我地仲豪 / 施捨得起比妳地!
相反妳一凶完我就block 咗我去龜縮，唔知係邊個無guts 唔夠膽?
邊個先係烏龜呢??
这个世界什么人都有！！
回覆刪除[版主回覆02/22/2012 04:42:32]今次係我第3次問妳...妳有無收到我寄比妳盒野?
[版主回覆02/22/2012 04:42:24]今次係我第3次問妳...妳有無收到我寄比妳盒野?
Long time no see, hong kong trip 好玩嗎？
回覆刪除妳呢個人好奇怪，都係少接觸為妙
[版主回覆02/22/2012 04:41:06]我成日喺FB見到妳呀! 點會long time no see? XDDDD
香港當然好玩，將會出返香港既blog 文~ ^^
[版主回覆02/22/2012 04:40:57]我成日喺FB見到妳呀! 點會long time no see? XDDDD
香港當然好玩，將會出返香港既blog 文~ ^^
嚇?雖然我唔係有錢...不過3蚊啫...駛唔駛咁?哇~仲有part2?如果係朋友應該會明白我...我會直接同我朋友講唔會再理佢個親戚囉
回覆刪除[版主回覆02/22/2012 04:38:49]唔係3蚊，係3英鎊;
S本身唔係我朋友，佢係我朋友既親戚; 訂衫既亦係S，而唔係我朋友訂!
LOL, i mean long time no see in your blog.
回覆刪除[版主回覆02/22/2012 07:19:11]OIC! ^^
您的做法系honest system, 大家讲过信字, 其实好多人系回收槁费,如 OK or order 才免收槁费, 好老实讲无理由免费做野, 又无理由吴like 都要,所以d公司系收一个槁费的, 再吴钟意收第二个槁费的,所以应清楚写明要物, fair to u and customs right, but 有d人会人品有问题,想罗牺全部着数,有时吴比钱仲要空人, 不知所谓, 我想你嬲都因为mr t, 比着我都会, i think they 吴会比钱la, because they have 100,000 个理由, 无谓为d人嬲la, 正所谓经一事长一智la.
回覆刪除[版主回覆02/22/2012 23:19:32]其實Mr.T 一個公仔係收£8架~ L結婚相2個人應該係£16! £8係齋畫公仔，如果要衫就再加衫既價錢 + 郵費，Part 1果£3只係衫 + 郵費總數既一半，無再收公仔錢
不過老友我當禮物送比佢地[就完全免費(通常係我d老友!
[kamay回覆02/22/2012 09:17:58]您当然吴系为钱la, otherwise 吴收这个price 啦, 有时 d完全吴讲道理,有事就些,叔骨功一lau的人, 实有天收的, 这个世界好公平的, I trust you if you like 送比您都德, 屈你honey 实找死呀!! right
[版主回覆02/22/2012 07:16:14]我根本就唔係嬲佢地唔比錢! 我回佢其中一個pm 都有講過我覺得老公唔會收佢錢，當時我真係唔知，收唔收錢係我老公決定既! 我只係覺得佢洗唔洗咁大反應即時將所有責任入哂我地數呀? 仲要講到我地蝦佢朋友咁!!?!
講真，我地都不知免費送咗幾多件T shirt + 免費幫d熟blog 友畫咗幾多個公仔啦! 我地洗為咗佢大過天果幾鎊銀搲爛塊面咁核突?
我地唔係咩大公司，畫公仔只係Mr.T 業餘嗜好，而佢既FB 專頁已經列明齋畫公仔或要做T shirt 既價錢，一直咁既做法都無問題，真係第一次見咁唔講道理既人!
呢 ｄ 人少 ｃｏｎｔａｃｔ 好 ｄ 啦．．．＝＿＝．．．
回覆刪除好憎 ｄ 人有咩事只會推卸責任．．．
呢 ｄ 人實在太 ｃｈｅａｐ 啦．．．
要完 ｄ ｓｅｒｖｉｃｅ 又唔想比 ＄＄．．．
如果係咁 ｃｈｅａｐ 就唔好搵人 ｄｅｓｉｇｎ 一個特別的公仔．．．
ｏｎｌｉｎｅ ｃｏｐｙ 人地 ｄ 公仔就算啦．．！
[版主回覆02/22/2012 07:18:26]唔比錢都算嘞，我最嬲係佢將所有責任入哂我地數! 仲話我地對佢朋友唔公平!!
我真係唔知我地做錯咗乜野喎?
咩烏龜呀, 佢知唔知自己講咩呀, 呢d人咪理佢啦, 等佢自言自話把啦, 話不投機半句多呀(親戚又點呀, 仲要只係朋友個親戚咋), 費事為呢3英磅勞氣呀!
回覆刪除[版主回覆02/22/2012 23:15:48]唔係3英鎊呀，3英鎊係上一次既事，Mr.T d 公仔未至於cheap 成咁 ，我地收8英鎊一個公仔架!
而且我根本唔係為咗錢勞氣，我都話咗我唸老公無打算收佢錢~ 我火滾係錢佢已經無比，仲要話我老公無睇清楚要求，我地對佢朋友唔公平!!?!?!?
妳話佢個腦係咪有問題吖? 我而家已經唔洗再比面我朋友，因為S依個人衰到連我朋友都同佢割咗蓆!
這個世界真係乜人都有...推卸責任...實在太過低等...唔好再理佢地啦...絶交啦...少少錢都俾唔起就唔好要人DESIGN啦...
回覆刪除[版主回覆02/22/2012 23:11:24]錢佢已經無比，無理由再來屈我老公無睇清楚佢地要求，我地對佢朋友唔公平? 係咪要我地掉返轉頭比錢佢朋友先叫公平??
依個人都唔正常，緊係絕交啦!
我好鐘意幅圖喎!好sweet好幸福啊!有陣時唔一定要kiss或點先叫sweet...
回覆刪除我之前係想講...如果今日呢個S係我好朋友嘅親戚都係咁話...我會同好友講呢位唔啱channel...我同你做朋友...但唔想理你個親戚...
3蚊英鎊又好...3蚊港幣又好...唔係一個大到需要煩嘅數目...點解可以咁drama...究竟係咩心態...你哋都未話煩...omg
其實Mr.T好好脾氣...換轉係我...見到個挑剔E-mail就已經會叫佢另請高明
[版主回覆02/22/2012 23:08:32]雖然畫公仔以人頭計錢，不過我知老公無打算收佢£16~ 因為我老公一向對熟客好闊佬! 佢應該只收一個公仔既錢即係£8.
[版主回覆02/22/2012 23:06:40]其實佢唔鍾意幅圖唔緊要，人人口味唔同! 錢佢唔比都無所謂，我都有同佢講我唸我老公無打算收佢錢，我唔知點解佢仲要發癲話我老公無睇清楚L要求，話我地對佢朋友唔公平?? 洗唔洗我地賠錢比佢朋友先叫公平呀??
其實Mr.T 一個公仔係收£8，L結婚相2個人應該係£16~ £8係齋畫公仔，要衫就再加衫既價錢 + 郵費，Part 1果£3只係衫 + 郵費總數既一半，無再收公仔錢
我果日pm S咪就係叫佢請L另請高明囉! 係S自己扮哂蟹扮哂可以代L渣主意先搞成咁之嘛!
其實我一早已經唔洗比面我朋友而忍S，因為S依個人衰到都同我朋友反咗面! 大家親戚都反面，可想而知邊個人有問題!
幅圖冇問題呀, 完全附合佢講ge 需求, 係佢地打橫黎講先, 仲好意思講到自己好委屈咁!!!我支持你唔好再理佢~~~d 錢當買左個教訓!!!
回覆刪除近期我都同朋友間發生左一d 問題, 激氣左幾日, 同你其中一part 差唔多, 就係佢地話埋我老公, 佢地識我淨係批評我都算la, 但我老公同佢地冇交集, 一年都未必見到面一次, 竟然人身攻擊到佢, ok~~哩班人我決定唔會再同佢地聯絡, 果d淨係會睇自己唔會去體諒別人狀況ge "朋友", 已經不能再稱為朋友了!!!!
[花菈回覆02/23/2012 12:28:22]我明白呀，係d人自己諗野有問題，反而覺得係人地有問題，真係不可理喻。
同埋近來我地真係好同病相憐，未睇你回覆前，我都係有打算寫blog講返件激氣事出黎，不過我手腳慢未打晒ja, 我唔想再同佢地維繫落去ge 果幾個女人，都係我結婚時做過我姊妹的，講真~~人做姊妹佢地做姊妹，佢地可以淨係掛住自己扮靚同自拍，有幫手嗎？可以話冇~~~仲要嫌我搵左幾個佢地唔識ge 人做姊妹，大佬!!!單婚禮係我ga，我搵邊個做姊妹要你地同意嗎？仲有個低能女人，黎到我出門的酒店見我哩個主角化緊妝，第一句唔係恭喜唔係打招呼，係話：下!!!!而家都仲化緊呀!?咁我即係唔駛化啦~~~
問題黎la~~早我2個星期結婚ge 朋友(同一班姊妹, 又係有幾個佢地唔熟ge, 但我唔明人地叫d 佢地唔熟/唔識ge 人又得, 我叫就有問題!?), 有包佢地化妝，佢地就0係我面前話化得唔靚，情願自己化，當時我同佢地一再cfm係咪!?佢地都話係，咁我咪cancel 左幫佢地化妝果個囉，點知原來又有問題!!!!>.<
而開門利是我都係跟足早我2個星期結婚ge 朋友的amount，咁應該冇問題la，但佢地最近人身攻擊我老公時, 係話我老公孤寒囉!!!頂~~我老公孤唔孤寒你地又知???我老公一年都唔會見佢地一次, 果幾個女人憑咩咁話佢!???
佢地話我老公之前, 我仲係同佢地0係what's app的"好姊妹聊天室"chat 緊, 佢地平時傾埋d 無聊野嘈住晒我都冇出過聲, 當日只係同另一個大肚的frd chat 左5句度, 就開始比人鬧我地嘈, 我最last 果句係同大肚果個frd 講緊"老公話我陀bb仲可以見到腰"，果幾個特別衰ge 女人就開始人身攻擊la，之後仲話埋我老公，我唔想再睇d 唔高興ge 野，quit左個聊天室。仲想講哩幾個女人好黑心好賤，竟然咁樣對一個大肚婆，仲要係所謂ge 好姊妹!!!!!!!
經過左一個星期唔多高興，而家心情好返好多，同埋決定要同佢地絕交!!!!
[版主回覆02/22/2012 22:40:34]其實真係唔係錢既問題! 如果佢只係唔比錢我根本唔會寫件事出來，我同佢既PM 都有提過我唸老公無打算收佢錢，雖然我當時唔肯定，但我深知老公性格~
錢已經無比，仲要話我地對佢朋友唔公平? 洗唔洗我地比返錢佢朋友轉頭呀?? 講多兩講就扮可憐話自己心軟一心只想幫朋友，哇~ 好似我地恰得佢好慘咁款!!
花菈~ 睇來我地都好同病相憐! 妳個case 同我喺香港時另一個case 有少少似，我同一個識咗廿年，我結婚時做我姐妹既朋友絕咗交~ 都係關於人身攻擊，之前我仲唸緊好唔好寫出來，我而家決定遲吓會寫!
其實我覺得睇清楚一個所謂朋友係好事來! 早好過遲~ 雖然曾經真心同對方做朋友會覺得hurt，但總好過妳對人地真心，人地當妳傻仔嘛! 我地大家都唔好再激氣嘞!
一樣米養百樣人, 唔好勞氣~~~
回覆刪除[版主回覆02/22/2012 22:26:13]佢唔應該食米，應該食藥!!!!
btw 唔嬲嘞! 佢無咁大power~
WA~超級無理呀! 超級低能呀!!!!!唔好激氣~
回覆刪除[版主回覆02/22/2012 22:23:29]Thank you 2San! 我唔嬲架嘞，佢唔值!!
一樣米養百樣人! 唔好勞氣~~ 唔好勞氣~~~
回覆刪除Peggy
[版主回覆02/22/2012 22:20:47]百樣人我都見得多，係未見過佢咁衰! 佢唔似係食正常食物大既人囉!!
唔嬲嘞~ Thank you Peggy!
無理取鬧！唔駛理佢啦！
回覆刪除[版主回覆02/22/2012 22:19:12]無事嘞~ 人在做，天在看!
[版主回覆02/22/2012 22:19:09]無事嘞~ 人在做，天在看!
幅圖好靚！我覺得佢地唔識欣賞啫
回覆刪除[版主回覆02/22/2012 22:17:19]Anne~ 人人口味唔同，佢唔欣賞唔鍾意個公仔真係唔緊要! 出街食野都唔包一定合每個位客人口味啦~ 老公一個公仔收£8，唔係錢既問題，而係心機心血;
Mr.T 畫咗咁耐公仔，莫講話收錢果d，就算只係我私人要來免費送比blogmate 既公仔，唔滿意改幾多次都得改到滿意為止! 最麻煩既客一對眼改大大細細成7、8次都真係試過.....
付出咗心機job done 收唔到錢都算，仲要掉返轉頭比人屈搵佢著數對佢唔公平先最激氣!!
anyway thank you! 我無野架嘞~
唔好咁嬲啦...都唔係你地錯！野蠻客總有一個在左近!!!~
回覆刪除[版主回覆02/22/2012 22:04:44]但咁野蠻既人我真係第一次見! 好似我地欠咗佢咁....
不過我無事架嘞! Thanks~
wa, 睇到我都滾埋1份!!佢咪就係無膊頭lor!!!
回覆刪除[版主回覆02/22/2012 21:29:08]"相由心生" 我真係好信依句說話! 希望佢會好自為之~
lee個世界真係乜人都有...= =
回覆刪除真係勁煩.....
[版主回覆02/22/2012 21:26:23]Mr.T 幫人畫咁耐公仔，麻煩既客要改來改去都唔少~ 但咁仆街既真係第一次見囉!
唔比錢都唔係重點，話人搵佢笨先最無賴! 仲扮哂可憐話自己一心幫朋友，好似我地真係恰得佢好慘咁!!
我覺得S+L都好有問題~~咁屈Mr.T都得??
回覆刪除[版主回覆02/22/2012 21:57:09]一早已知道S好有問題，我都同Mr.T 呻過好多次!
吾緊要啦。。。勞氣只會令自己吾開心^^
回覆刪除無謂令自己辛苦
[版主回覆02/22/2012 23:20:29]針唔拮到肉唔知痛啊......
鬧完人BLOCK人果D,分明就知自己理虧,
回覆刪除如果係理直氣壯果D,佢根本唔駛做D小動作去BLOCK你,
所以如果你覺得自己冇做錯,就唔好死咁多腦細胞同佢理論啦
[版主回覆02/23/2012 19:44:03]更好笑既係...人地凶完我就block 我，不過隔咗一陣條氣唔順unblock 我再鬧多句，鬧完又再即時block 返我....行為十足十一隻小學雞!
你真係好有GUTS,夠膽寫出黎.
回覆刪除[版主回覆02/23/2012 19:37:16]我同老公光明正大行得正企得正，點解無guts 唔夠膽寫出來呀?
若佢都有guts + 夠膽唔做烏龜行出來同我對質，我隨時奉陪到底!!
如果佢唔係你朋友嘅親戚, 係都唔會同佢
回覆刪除糾纏咁耐, 攪到咁激氣
[版主回覆02/23/2012 19:27:02]當初我朋友係有少少關係，不過後來都無咩所謂，因為我朋友一早都同S反咗面!
我自己本身Part 1後已經唔鍾意S為人，但之前無正面衝突，所以都係唸住留一線日後好相見果隻，不過明屈賴我老公無睇清楚要求咁佢可以收皮嘞!
16英鎊就可以睇清一個人...唉~
回覆刪除[版主回覆02/23/2012 19:20:09]其實Part 1 我已經睇清依個人! 我唔係馬後炮，Part 2 前我同老公呻過好多次依個人好老土(佢喺我FB 做咗好多令我不滿既小動作!)
今次其實係好事，至少以後唔洗應酬佢!
成件事令我覺得S無責任感之餘...仲缷膊一流!!! 物以類聚...唔怪得佢個朋友L都係咁既人....真係唔得囉!!!!! 你唔好嬲喇...呢D人唔識好過識呀!
回覆刪除[版主回覆02/23/2012 19:48:20]Thank you 菲‧On~ 我唔嬲嘞，佢無資格可以令我嬲咁耐!
連我朋友(佢親戚)都同佢反咗面，可想而知佢係一個咩人!!
講真, 我好相信你同MR.T 唔會真係為左賺果10磅8磅... Mr.T 都係想俾欣賞佢畫畫既人, 開心下, 自己又可以發揮下自己既興趣...而且要好有心機用自己既sparetime 畫... 心機係無價...
回覆刪除一早又唔講清楚要求, 到畫好又唔滿意! 嘩大佬識讀心咩...
而且你講得好啱風險係買家承擔既.. 佢見過鬼仲唔怕黑, 第2次都仲要唔special delivery? 咁關人鬼事.. 我覺得你地已經好大諒, 幚佢比一半... 如果係我睬佢都傻lor... 人地未必會appreciate, 可能仲會覺得你應份tim...
[版主回覆02/24/2012 00:12:29]有一個同樣喺網上幫人畫公仔既人曾經同Mr.T 講，覺得Mr.T 收得太平! 不過對方係全職以畫公仔做主要收入，但我老公有份好忙既正職，我老公真係當畫公仔係興趣~
S訂既衫已經寄失過一次，我地再寄過比佢，出去買衫、印衫，包裝、攞去郵局寄......依d全部都係時間來!
話咗幫佢出一半衫價 + 郵費，唸住今次佢會用recorded，就算貴d我地都肯幫佢出一半，但佢死都係要用普通空郵妳吹咩! 又收唔到件衫就懷疑我地收咗佢錢無寄比佢......佢根本一早就覺得我地落佢格，睇死我地比唔到單佢睇，所以當我email 哂前後2張單比佢時，佢寧願玩FB都唔回我話收到email!
幫佢朋友畫好咗個公仔，收埋貨話唔鍾意，大家都講好cancel the whole thing 咁咪算數啦，無啦啦走來屈9我老公話佢無睇清楚要求，又話我地對佢朋友唔公平......講多兩講又話自己衰心軟只係一心想幫朋友，好似我地恰到佢好慘咁.....好心著雷劈! 我有乜辦法唔火X滾吖!!!!
百忙之中, 做完仲要比人話, 真係慘~=.=
回覆刪除我相信你地真係好心幫人先會抽一啲私人時間去做~
都係叫MR.T以後淨係可以畫老婆大人~^^
[版主回覆02/24/2012 00:21:40]畫之前唔講明想點畫，到畫好收咗貨就話唔鍾意唔比錢...依d我全部可以算數!
無啦啦屈我老公話佢無睇清楚要求，仲話我地對佢朋友唔公平，好似我地蝦佢朋友咁!
上次寄失單野，死都要寄無得track 既普通空郵，未收到件衫就覺得我地收咗佢錢無寄貨比佢! 邊有人好似佢咁衰架?
I think S must received 2 t shirt instead of 1. She just lie...
回覆刪除About L, ........I think she like the drawing but don't want to pay.
Both of them are so cheap.......
[版主回覆02/24/2012 19:28:25]well i believe that S really didnt receive the 1st t -shirt, since first, the t shirt was not for herself, it was for her friend; second, the t shirt was size 8, S is a big woman at least size 16......!!
no matter what, i really cant accept S blames Mr.T for everything!
你沒有錯 ，不過這些人真是有點過份(本人認為），
回覆刪除世界上什麼人都有， 唯有學懂帶眼識人， 自己才不會給人找笨。
我都試過給人找笨，所以身有同感。
[版主回覆02/24/2012 19:22:20]其實我地唔介意有時蝕底少少，如果我地真係斤斤計較既人，我地都唔會主動提出幫佢比一半錢寄過件新比衫比佢~
我唔係話我地好偉大，只不過我地都有自己原則底線不能被人屈，我地蝕底少少但大家開心真係無所謂，但好心著雷劈搵完我笨後仲要屈我就點都唔得!!
總之大家都要經一事長一智，以後更加小心帶眼識人啊!
這種人簡直橫蠻無理, 不可理喻,咁嘅朋友識少個當幫忙.
回覆刪除唔好勞氣啦,費時激親自己
[版主回覆02/24/2012 19:16:24]我覺得大家做朋友有時唔需要樣樣都計到清清楚楚，不過我地唔會搵人地笨，就算掉轉頭我地比人搵少少笨都唔會太介意，我唔係話自己好偉大，不過我好有原則不能被人屈! 搵完我笨再來屈我就更加唔得!!
其實話我馬後炮都好，我根本從來無當過佢係我朋友! 尤其發生咗part 1 之後~
對這些有理說不清、自己啱晒的人最好避之則吉！可憐的Mr & Mr T~~你地太好人&太有耐性，我諗我早在第一次寄失之後PM疲勞轟炸已經列入不來往戶了~
回覆刪除[版主回覆02/28/2012 03:50:15]好人 + 有耐性果個其實係Mr.T! 我part 1之後已經唔鍾意依個人，加上佢成日喺我FB 做埋好多乞人憎既小動作，我一早已經頂佢唔順! 而家以後唔洗再應酬佢，正!!!
唔好唔開心喇~ 依家唔駛再理/同DD人聯絡仲好~ 留返D時間俾自己, 留返D心機俾識欣賞既人~
回覆刪除[版主回覆02/28/2012 03:45:17]我無唔開心啦! 就憑佢? 係架，我覺得係好事來架! Part 1 我已經覺得依個人好麻煩，而且佢之前喺我FB 做咗好多好乞人憎既小動作，而家唔洗再應酬佢都不知幾爽!
好 想 講 : 創 作 有 價 !!
回覆刪除好多人認為畫幾筆, 唔值錢, ok 朋友既, 收少少, 甚至唔收都得
幫朋友做設計(for 生意), 又要靚, 又要快, 又話是旦
整好出黎, 先諸多要求, 又話唔岩feel (又唔講要咩)...
好想同佢講.. 請你另聘高明..
/m\ 不了解創作的人, 太多了..
加油!! 欣賞Mr.T 既作品 有自己既風格 :)
[版主回覆02/29/2012 08:10:37]Thank you TA!
我本身就係通知S叫佢代為轉告L請佢另聘高明，係有人自把自為扮代表代L渣主意!
唔啱feel 唔要咪算數囉，有要求畫之前又唔出聲叫Mr.T 自由發揮，畫好咗話唔啱feel 就賴Mr.T 無睇清楚....大佬呀~ 我識扶乩問米佢要咩feel 呀?
anyway 件事告一段落，至少我以後唔洗再應酬依個麻煩既野蠻人! 我就係要寫件事出來，睇吓有無人覺得佢係啱既，若有人覺得佢啱我同佢挽鞋!!!
[版主回覆02/29/2012 08:10:26]Thank you TA!
我本身就係通知S叫佢代為轉告L請佢另聘高明，係有人自把自為扮代表代L渣主意!
唔啱feel 唔要咪算數囉，有要求畫之前又唔出聲叫Mr.T 自由發揮，畫好咗話唔啱feel 就賴Mr.T 無睇清楚....大佬呀~ 我識扶乩問米佢要咩feel 呀?
anyway 件事告一段落，至少我以後唔洗再應酬依個麻煩既野蠻人! 我就係要寫件事出來，睇吓有無人覺得佢係啱既，若有人覺得佢啱既我就同佢挽鞋!!!
睇完呢篇我都火...佢好q唔掂
回覆刪除[版主回覆03/05/2012 16:07:21]佢緊係唔掂啦! 佢衰到連我朋友(佢親戚)都同佢反咗面!!
Mr.T and you are too good, you should block that S and L and never have any contact again. It's not worth to be irritated by such ppl
回覆刪除[版主回覆03/05/2012 16:03:34]we've never been friends with L, otherwise she would have contacted Mr.T directly by herself. and S, she blocked me right after she left the last nasty cm to me, then i login to Mr.T's FB, asked her "who's the real turtle?" finally she blocked Mr.T as well. haahaa~
真係混吉打橫黎，一樣米養百樣人，佢唔單止無尊重過MR.T的創作，又咁斤斤計較，做佢朋友要小心。
回覆刪除[版主回覆03/08/2012 10:32:40]從來無當過佢係我朋友! 而且自從寄失果單野，我更加唔會當佢係朋友!!!