如無意外我親愛既廚房下星期可以回復正常投入運作~
(拿拿淋出埋依篇敗文就去搞掂埋d手尾!!)
女人既購物慾的確係一個無底深潭來，
敗乜野完全唔重要，
因為女人敗物既範圍，
甚至敗物既原因......都實在太廣泛嘞!
以我為例......為咗鼓勵自己快d手搞掂個廚房，
我決定大掃除後以"去舊迎新"既方法來獎勵自己咁"乖"~
見到現時廚房被我反轉哂七國咁鬼亂，
我都同自己講: 搞掂個廚房妳先好去迎新呀吓!!
不過最後我發現自己既自我刻制能力真係低得好緊要......
我唸除非困住我喺屋企完全唔比我出街啦，
(仲要唔好比我上網喎!)
否則無論我幾忙 + 個廚房有幾亂 + 我幾忍手都好，
只要我一出街，或多或少總會有點收穫!
一齊來睇吓我"刻制忍手下"既本週精選......
(打格仔既係2個靚靚bra bra~
)
罪魁禍首其實係佢!
我執執吓廚房突然想買個托盤來墊野，
就係為咗搵一個size 顏色款式都要合心水 + 價錢又要合理既托盤，
我先周圍去行街，我先會邂逅 + 買咗其他野......
好似依個點點花盆，用來放我盆新rosemary 真真good fit!
靚成咁叫我點忍?
話咗唸住去舊迎新，我想換過一套水晶玻璃杯!
既然行開街搵托盤，順便睇埋啦~
不過暫時未睇到啱心水......
依個時候比我喺Next 見到依隻波蘭心心玻璃水杯~
因為一向用開水晶水杯，我始終都係鍾情水晶杯!
雖然依2隻只係玻璃杯且比較厚重，不過係心心來啊.......
就快復活節，依2盒番梘復活蛋用來送比朋友~
貪靚而買下.......小鏡~ 隨手拿起都可以照鏡!
唔用腦而買下......蘆薈潤唇膏~
買後先醒起朋友剛送我一pack 2盒又係蘆薈潤唇膏......
仲未開來用!
為食而買下......我最愛既餅乾意大利杏仁餅~ 百食不厭呢!
話唔買唔買要忍手要忍手......
結果都係整咗幾個香爐惹咗幾隻鬼返來!
這就是女人吧!!
其實你D舊野會點處置架?送比人?
回覆刪除[版主回覆03/01/2012 00:33:29]我通常會問老公佢有無朋友想要 (我自己d朋友唔會要二手野!)，無就全部攞哂去捐比charity 囉!
盒番梘復活蛋好特別呀
回覆刪除[版主回覆03/01/2012 00:30:42]係呀~ 每隻蛋仲挑咗花既呢!
The glasses are really lovely! =)
回覆刪除[版主回覆03/02/2012 00:08:42]yes, love em!
我都話要錢for今年年尾個trip...不過有陣時行街見到D嘢平到你唔信...唔買好似對唔住自己咁...點都會買小小...哈哈!
回覆刪除[版主回覆03/02/2012 00:08:14]好多時買野要啱自己心水真係可遇不可求，蘇州過後無艇搭，咁見到好啱自己心水緊係買咗先算啦!
其實我同你都係一樣刻制能力勁底!!!
回覆刪除[版主回覆03/02/2012 00:06:37]其實應該話幾乎所有女人都係咁.....
個復活egg soaps好細緻呀！
回覆刪除(同埋，睇左你果篇關於S 的勞氣事件，希望你同MR T 日後無呢D煩人找你畫公仔啦)
[版主回覆03/02/2012 00:06:09]希望收到蛋蛋既朋友會鍾意啦!
多謝妳gigi! 麻煩人我地唔怕，我地只怕蠻不講理既人!
其實買野真係好開心ar,不過我屋企唔夠大,買左都冇位放~~
回覆刪除隻蛋蛋好靚ar
[版主回覆03/01/2012 23:59:58]其實我shopping 最大滿足感係用好平既價錢，買到好貴 / 好似好貴既野! 當然都要果樣野有用既!
隻蛋蛋真係好靚~ 希望收到既朋友會鍾意啦!
番梘復活蛋好靚...
回覆刪除[版主回覆03/01/2012 23:58:24]希望收到既朋友會鍾意啦!
无事出街少破财.......哈哈， 餅乾意大利杏仁餅在那里有的买？？
回覆刪除[版主回覆03/01/2012 23:57:38]其實幾乎間間超市都有得賣架! 不過我依隻喺Morrisons 買既~
睇報紙見到宜家有個紫波點托盤好靚我都諗住買...不過又想去$12店睇下有冇
回覆刪除原來Next都有玻璃水杯賣~~
我一見到心心, 波點就好like
[版主回覆03/01/2012 23:56:18]我都睇過IKEA 架，不過我依邊無波點.....其實我睇中咗另一個John Lewis 既白底彩色波點，不過要10鎊銀! 貴我而家買依個足足一倍...唔捨得啊!!!!
係呀~ Next 有家品部架! 香港既next 無既咩?
做你朋友真係好,可以慳好多,
回覆刪除[版主回覆03/01/2012 23:52:29]如果太舊 + 爛溶溶...我都唔好意思送比人地啦!
每日一買都是我的theory,哈
回覆刪除[版主回覆03/01/2012 23:51:14]咁我又無咁得閒日日都有時間去shopping.....
All lady like shopping..
回覆刪除Me 2
Peggy
[版主回覆03/02/2012 01:37:07]exactly!
今日行IKEA已經唔見我想買既紫波點托盤,見到好多靚碗和玻璃杯不過忍到手唔買
回覆刪除可能都係要去$12店!
香港既next 真係唔覺有家品部喎~~
[版主回覆03/06/2012 04:09:03]12蚊店仲多正野啦! 咁我唸香港既next 集中賣衫啩~
有時我發癲起嚟都會...買買買
回覆刪除[版主回覆03/06/2012 04:07:31]我經常處於發癲狀態......
XD 我都係~ 一係唔出街, 一出開去就好似想買D野返屋企...不過我好既係叫做冇再online shopping =P (不過唔知忍到幾耐)
回覆刪除[版主回覆03/06/2012 04:05:44]我都少咗online shopping，因為自從Mr.T 去咗Birmingham 出長trip，我都成日兩邊走，多咗喺Birmingham shopping，又少咗喺屋企，廢事online order 咗野屋企無人收件!
點點花盆 very pretty! Good taste
回覆刪除[版主回覆03/06/2012 03:59:24]Thanks bobo! i love the flower pot as well~
而家唔出街嘅話, 都會online shopping , 真係要有好好嘅節制力至得架, hehehehehe...
回覆刪除[版主回覆03/08/2012 09:57:53]我之前出街上網都買同步進行! 不過最近成日Birmingham Glasgow 兩邊走舟車勞動，我連上網睇shopping 既時間都無，就算買咗送貨時我都未必喺屋企收到件......
嗰個朋友係咪我呢...呵？=.="
回覆刪除[版主回覆03/08/2012 09:53:31]明知故問!