2012年2月20日星期一

情人節的大頭蝦 (2012年2月18日) plus 情人節後感

一年一度既情人節過咗差不多已一星期, 
不過有d野原來我係啱啱先發現既!

情人節果日花店送花來時,
札花用個大紙皮箱裝住~
第二日我攞個紙皮箱去揼,
見到紙皮箱上面貼住張印咗我名 + 屋企地址既咭,
於是我搣返落來順手袋咗落袋,
之後我完全忘記咗 / 唔為意張咭既存在......

直至剛過去既星期六(2月18日)Mr.T 由Birmingham 返咗來,
我換手袋準備出街食飯時先攞返張咭出來,
唸住用筆塗咗咭上既地址 + 姓名先攞去揼......


我突然發現張咭既另一面印咗一段老公比我既情人節message! 
忍唔住"咦..."咗一聲,
Mr.T 見狀: 吓...乜原來妳無睇到架?



花擺咗一星期,有一半已經完全盛開,

晚間開行heater 香到不得了!  
仲有一半花蕾開始微微開花,
應該最少仲可以擺多個零星期(最少! )
睇來仲有排香香呢~~~~~ 


情人節後感 

幾年情人節見到多咗好多有另一半既(女)人講以下類似既說話......

(1) 情人節對自己來講並無特別意義,不屑去慶祝;

(2) 只要雙方真心愛對方,就日日都係情人節! 唔拘泥 / 唔稀罕依日另一半要特別去做甚麼;  

(3) 情人節送花 = 比人鋸 + 嘥錢 + 無謂 + 唔實際 + 甚至乎戇居......;

(4) 情人節出街食飯 = 同(3)~ 而且唔知點解一定係又貴又難食?!?!

上述4點好似好有眾人皆醉我獨醒咁既姿態,

有咁既唸法其實係無問題既!

不過若真係唔在乎,又何需喺依一日特別去提起呢?


好多人話大部份女人都係口不對心,

不過我認為自己係另外果小部份 - 我鍾意花 + 我鍾意收花,我會直認不諱!

(但並不代表我無花收時就會發爛咋!! 
)

我試過幫Mr.T 洗褲時,喺褲袋裡面摷到佢訂花送比我既單據,

當我知道我收果札花既價錢時,

我曾經"好成熟好識唸"地同Mr.T 講: d花咁貴,下次唔好再送咯~

Mr.T: 咁妳收到花開唔開心先?

我: 開心~ 拔......

Mr.T: 我送花比妳就係想妳開心,都係一年幾次啫,妳開心就得嘞! 
 


其實我想講既,並非要吹噓Mr.T 有幾鍚我對我有幾好~  
而係我覺得所有男人為氹另一半開心所做既一切,

除咗應該被"受惠"既另一半欣賞 + 感激 + 珍惜之外,

亦應該被其他人尊重! 

因為男人既行動無論是否需要花費都好,


花心思 + 時間去安排實無走雞,

而出發點就係想令老婆女友開心,


唔明點解哄老婆氹女友開心既行動,會被人貶成傻仔行為?

會講上述4類說話既人,我唔敢話佢地一定係酸葡萄,

可能有d女人真係有依類唸法,

每一對couple 性格都唔同,都會有一套最適合佢地自己既相處方式,

若咁"唔志在"既情況真係適合妳 + 妳既另一半,good for you guys!

但就完全無需要喺依一日煞有介事地去挪揶暗寸別人既另一半嘞, right? 

早前喺朋友既FB 睇到一篇好有意思既文章,

*文章link: https://www.facebook.com/photo.php?fbid=10151256456285057&set=a.10150140159875057.398453.403142035056&type=1&theater

文章主旨係 - 幸福無法比較,也不該拿來比較~ 


 

不屑收花食餐妳(地)或者對別人感到幸福既原因嗤之以鼻,
 
認為人家肉麻無聊無謂兼戇居...... 


但對當事人來講可能意義重大啊!

妳(地)更加有可能為自己既精明實際 + 不甘隨波逐流而覺得好自豪,

相信妳(地)一樣會覺得自己好幸福......

既然大家都搵到屬於自己既幸福,就好好各自享受吧!

無需要去明寸暗寸人家無謂戇居,

"妳有妳(們)的幸福,我有我(們)的,大家的幸福互不牴觸嘛"!!














22 則留言:

  1. 我就鐘意係屋企煮過二人世界啦...我唔鐘意收花...因為我唔識打理同埋唔鐘意見到靚嘢凋謝...全係個人感受...見到人地收花...我會替識欣賞嘅人開心...例如阿V你...我唔鐘意唔代表就係唔好...兩樣來嘅~
    你見到D花無留張咭...我上次留意到張紙條...居然留意唔到份禮物...勁誇
    [版主回覆02/21/2012 20:00:03]我唔鐘意唔代表就係唔好 </// 無錯! 不過世界有太多人唔係咁唸,佢地會覺得 - 人家有而佢自己無既一律都係唔好; 佢有人家無既就永遠最好; 佢 + 人家有一樣既野,佢就要得到比人家更好....最無謂 + 戇居其實係依種人! 因為依種人唸法唔係鍾意或唔鍾意既問題,而係佢有無既問題!

    回覆刪除
  2. 非常認同你的說法.
    [版主回覆02/21/2012 19:47:23]Thank you 小雲! ^^

    回覆刪除
  3. Valentine's Day is an imporetant day in my house same as birthdays, etc......
    [版主回覆02/21/2012 19:46:51]i wont say V's day is as important as birthdays to us, but it's def one of the special occasions we must celebrate! =)

    回覆刪除
  4. hi V 女, 其实这个世界人与人之间系英互相尊重,有时见到人开心有二个开心,吴好咩,我成日追你个blog,都吴知几开心,见到你honey , mom, dad,对你好鬼好,我都凳你开心, feeling and share happy things, 有d人don't know 互相尊重so sad, 吴驶理,写多d开心野比我地开心下la
    [版主回覆02/21/2012 19:43:43]無錯~ 每個人幸福開心既原因可能都唔同,妳有妳既開心; 我有我既; 佢又有佢既......互相祝福大家既開心會倍增,咁唔好咩?

    其實唔凳人家開心 + 唔祝福人家都唔緊要,但最少唔好攻擊人家嘛~

    回覆刪除
  5. 我好想拍手, 你講得好中!我覺得應該比d機會男人錫下自己, 佢又開心, 自己又開心!無謂好似師奶咁話貴呀呢樣果樣, 大家好冇癮!
    [版主回覆02/21/2012 19:39:21]其實精打細算絕對係好事,若係要堅持情人節都咁慳家,咁咪keep it to yourself - 妳有妳慳家(i mean 佢地!),我有我慶祝皆大歡喜囉! 點解係都要attack 重視依個節日既人?

    回覆刪除
  6. 我都好鍾意好香既白色花....百合/水仙/茉莉....我都好LIKE 架......見到你D花好羨慕......^^
    [版主回覆02/21/2012 19:32:56]give me 5 小車~ 妳同我鍾意既白色花一模一樣!! ^^ 另外仲有一種個樣唔係好靚但好香既白花我都好鍾意 - 就係薑花嘞~ =)

    回覆刪除
  7. 情人節,我會同我另一半講,我唔食心形牛扒,因為我皮膚敏感,費時食完又要佢徙千幾蚊俾我去睇皮膚科專科醫生,其實我好羨慕Mrs. T既皮膚,因為睇你既相,覺得你皮膚都幾好。
    [版主回覆02/22/2012 07:55:41]原來係咁~ 咁唔知無香料既馬油護膚霜你會唔會啱用呢? 我遲吓會出篇文介紹下~ ^^ 希望你既皮膚越來越改善啦!
    [Kobe回覆02/21/2012 21:42:57]無錯,我完全唔食牛肉、鴨肉同鵝肉呢類紅肉都唔食得,係皮膚科專科醫生叫既,我睇咗史醫生好耐,佢話我雞肉同豬肉同魚肉無咁毒既白肉可以食得,但係牛肉就完全唔得,依家我轉咗另一個皮膚科醫生都係咁講,我依家用緊醫生開俾我既舒特膚潤膚膏同沐浴露,塊面好翻好多,無以前咁泛紅。
    [版主回覆02/21/2012 19:31:35]咦...咁你係咪完全唔食牛肉架?

    過獎嘞~ 我皮膚託賴叫做OK,不過我從小都有雀斑,但化妝可以遮到! ;-) btw 我從來唔用貴價護膚品,莎莎卓悅幾十蚊質素已經可以好好,遲吓同大家分享一d好用又經濟既護膚品! =)

    回覆刪除
  8. 其實每對情侶相處方式都不同呢,有$咪食豪d,冇$咪食平d lor~~
    收花係開心ga,不過真係幾唔抵~haha
    [版主回覆02/21/2012 19:27:15]無錯~ 慶唔慶祝或點去慶祝都係豐儉由人,一樣可以好幸福好開心! =)

    至於收花抵唔抵真係見仁見智! e.g. 我老公認為只要我開心,送比我札花貴一貴都值得,佢會覺得抵到爛~

    抵唔在於札花既價錢,而係在於果份心意果份情! 再講,任何野一同金錢拉上關係就破壞哂氣氛啦!! ;-)

    回覆刪除
  9. 好認同你ge 諗法, 更加認同最尾果篇文章~~
    可能我識得個不定期走黎特登向我曬命ge 女人, 永遠將佢最幸福ge一面曬晒比我睇,
    仲要去同一個大話去遮一個大話, 我只會覺得佢無聊同可悲囉,
    幸福與否, 唔需要大曬出黎人地先會感覺到, 同埋大家用黎量度幸福的尺都唔一樣,
    沒有必要用大話去話比人知自己好幸福, 等人地羨慕~~
    哈~~唔好意思, 有感而發, 可能有少少over 左^^
    [版主回覆02/21/2012 19:22:11]妳都識話佢地"用一個大話去遮一個大話",所以佢地根本唔係真正幸福啦! ;-)

    其實有時專登去曬 / 分享只係一線之差,係曬定係分享好多時都睇接收既人既睇法!
    但我覺得最緊要既係 - 要曬要分享都好,最好唔該返自己地頭!

    我見過一個人無論喺任何人既blog 或FB 留言,每次都會講自己野! 甚至人地拍拖週年,佢可以一句恭喜都無,反而話自己同老公已經幾多幾多年......=_="

    嘻嘻~~~ 我都有感而發over 咗呢! =P

    回覆刪除
  10. 絕對絕對認同, 食唔倒嘅葡萄都應該係甜嘅 ~~
    [版主回覆02/21/2012 19:08:30]人有我無有時會酸溜溜無可厚非~ 凳人家開心當然最好,唔凳亦無乜相干,最低限度唔好咁小家去挪揶有既人! =)

    回覆刪除
  11. sweet sweet!!!:)
    [版主回覆02/22/2012 07:51:09]Thank you 小暈妮! ^^

    回覆刪除
  12. 我都鍾意我老公送花比我架,雖然唔可以KEEP,但我都係鍾意花多過BEAR BEAR。
    [版主回覆02/22/2012 07:49:46]每次收到花我都會即時影張相,到花完全盛開再影多張~ 雖然唔可以留住香味,但可以留住花既靚樣! ^^

    回覆刪除
  13. 我估好少女人收到花會唔開心~~
    妳札花開得好靚呀^^
    [版主回覆02/22/2012 07:48:18]有架~ 有花粉症既女人囉! XDDDD

    今日又開咗幾朵,札花變大咗足足一倍有多.....@@

    回覆刪除
  14. 我真係唔駛出街食飯...不過好開心有花收.
    依家我唔會再去問札花幾錢...最緊要開心就算
    [版主回覆02/22/2012 07:47:05]從來老公送咩比我,我都唔會問幾錢~ 因為我知道無論佢送乜比我都好,佢都一定係用心去挑選~ 無論係乜野、幾多錢都好,對我來講都係獨一無二 + 無價! ^^

    回覆刪除
  15. 很好的見解 ! 多謝!
    [版主回覆02/22/2012 23:44:44]Thank you 芹菜!

    回覆刪除
  16. 我同老公都有慶祝架, 出面貴可以係屋企食, 送花貴可以送其他嘢, 大家懷住幸褔既心情去為對方準備, 去氹對方開心, 嗰種心情只係我地先感受到~~~

    回覆刪除
  17. 我同老公都有慶祝架, 出面貴可以係屋企食, 送花貴可以送其他嘢, 大家懷住幸褔既心情去為對方準備, 去氹對方開心, 嗰種心情只係我地先感受到~~~
    [版主回覆02/22/2012 23:47:37]無錯啊! 而且貴唔貴都係豐儉由人~ 一札花貴,一枝就平d; 出街飯慶祝都係有平有貴,平又好貴又好,甚至唔一定要花費都可以開心過情人節!

    回覆刪除
  18. Mrs Cook 小花媽2012年2月21日 下午9:03

    hi...V女 ^o^ 用大家開心的方法慶祝就最好喇 :D 我都好鍾意百合...香到不得了 ...盛開嘅百合露出了花蕊...最好拔走...因為若果那些紅色沾了在衫...洗不掉啊 >< 萬一沾上....立刻用膠紙把花粉黏走才洗....咁就唔會嘥咗件靚衫 lu ^o^
    [版主回覆02/22/2012 23:44:16]Hello 小花媽~ 無錯,用自己兩個人都覺得開心既方法慶祝就最好! 我自己既方法唔到其他人批評,大家各施各法~

    多謝提醒! 其實我都知花粉紅色洗唔甩,但我又貪佢白色之中果點點紅喎,我始終覺得有花粉靚d,所以我一直都無拔走,最多自己小心d咯!

    回覆刪除
  19. 好溫馨啊﹗祝你倆每天都甜甜蜜蜜﹗
    [版主回覆02/23/2012 19:57:48]多謝黃極師傅來訪!

    回覆刪除
  20. 多謝你分享呀! Have a nice day!
    [版主回覆02/24/2012 19:00:32]it's OK, no need to be sorry! have a nice day~
    [wtm246回覆02/24/2012 17:54:53]Oh I see~ sorry!
    [版主回覆02/23/2012 23:43:34]而家我依邊(蘇格蘭)係下午3點幾,無咁早食飯!
    [wtm246回覆02/23/2012 22:03:30]晚安呀, 食咗飯未? Have a nice day!
    [版主回覆02/23/2012 19:51:49]

    回覆刪除
  21. Really Sweet ! I like that flower ! so match ❤
    [版主回覆02/24/2012 19:03:58]Thank you AmaiQ! white lily is my favourite flower~

    回覆刪除
  22. Totally agreed with what you said above! Mr T is really sweet!!

    However, no many people understand and appreciate this act. For example here in France, many french men offer flowers to their girlfriends or wives on St Valentine's Day is to avoid 'potential problem' with them. Once, when I passed a florist seeing many men was quening to buy flowers, I was touched and I made a compliment to them - "How sweet you all are and your wives/girlfriends are so lucky!'.

    One of them replied me, "In fact, we don't have any choice! If my wife doesn't see the bouquet of flowers tonight, I mayn't get into my house." Then, the others agreed and said the same thing. So, french man aren't really 'romantic' but are forced to be romantic...... hahahaha....
    [版主回覆02/28/2012 03:58:44]haahaa~~~ so funny!
    [版主回覆02/28/2012 03:58:31]haahaa~~~ so funny!

    回覆刪除

Related Posts Plugin for WordPress, Blogger...