一個人谷鬼氣情人節 (2012年2月14日)

尋日係一年一度既情人節，
大家係咪同另一半sweet sweet 地渡過呢?
而我呢...我就一個人過咗一個前所未有咁谷氣既情人節! 
一個人過情人節，係因為Mr.T 喺Birmingham 出trip;
至於谷鬼氣 ，係完全唔關Mr.T 事既......

星期一晚趁Mr.T 返咗Birmingham 來個徹底大掃除，
執吓依樣搞吓果樣又睇吓電視兼食埋宵夜......清晨5點先去覺覺豬~
不過瞓得個零鐘V媽媽就打長途電話來求救，
要我幫手處理屋企電話合約既問題......

情人節倒塔咁早天都未光又凍冰冰，
我屹起身第一件事唔係收花; 
講既第一句說話亦唔係"我愛你"......
而係要打長途電話去電訊盈科越洋鬧人，
要對住無賴講道理，我相信任何人都會谷鬼氣!
(事件詳情唔想講嘞，免得一路打字一路谷氣! 
總之依間所謂大公司做生意手法好有問題!!)

谷鬼氣咗2粒鐘終於搞掂，準備同周公"依泣"去，
誰不知我剛剛恰著無耐又有人拍門嘈醒我!! (天呀~~~~)
原來係送花來，面黑黑去簽收......


雖然Mr.T 陪我唔到，但佢都好識做地送我一札至愛既香水百合! ♥

好似無講過"Mr.T & 香水百合"既故事......
話說阿V我從小最愛既花就係花型 + 
香味都好高貴典雅既白色香水百合，
不過我既exes 全部都好唔識做 -
來來去去都係送玫瑰鬱金香或一d不知名既花......
甚至似拜山既菊花我都收過!

而當年Mr.T 追緊我時，
第一次送花比我係因為我發燒喺屋企休息，
Mr.T 手捧大札花 + 一盒塔羅牌 + 買埋野食去探我，
花正正係大札白色香水百合~

我好詫異地問Mr.T: 你點知我鍾意lilies 架?
Mr.T: 我唔知架~ 不過我覺得好襯妳!
我...當堂冧屎咗~~~~~


不過今次由於我嚴重唔夠瞓兼比花店既人嘈醒，
心情非常之唔靚!! Mr.T 晏晝打電話來......

Mr.T: Honhon~ happy valentine's day!  鍾唔鍾意扎札花呀?

我: OK啦!

Mr.T: 札花唔靚呀?

我: 唔係唔靚...不過你估我鍾意你放工返來親手送札花比我，攬住我同我講"happy valentine's day"; 定係鍾意比一個我完全唔識既光頭肥佬嘈醒對箱野比我 + 同我講"please sign here"?

Mr.T: I know I know, poor honhon~ I'll make it up to you!


老公送親香水百合比我都係未開花既~
(邊間花店買都係一樣，英國既花店係咁既!)
通常插花後要等一兩日先開始開花......


不過今次依札擺咗一晚就開咗好多朵嘞!
我唸因為我開咗heater 所以快咗開花!?!??
雖然仲有好多朵未開，不過已經好香好香~~~~ ♥

有花當然亦有禮物啦!
我既情人節禮物將會係一部新laptop - 但我就仲未揀啱心水;
不過Mr.T 就送咗件好啱我心水既小玩意過我，
作為"副情人節禮物"頂住檔......




可愛嗎? I love it~~~~ ♥

無情人陪伴既情人節晚上，我繼續大掃除至天昏地暗!


晚餐係家常便飯 - 蠔仔煎蛋 + 炒菜心~

一個人唔通仲煎心型牛扒咩?


我今年既情人節又要谷氣又要一個人渡過，
不過V媽媽 + Mr.T 兩個好似慌死我會悶 + 唔開心，
隔一陣就借d二打電話來問依樣果樣......
雖然有d騎呢，但佢地咁用心良苦我真係好心甜呢!
(拔......佢地阻住我大掃除! )