2011年12月6日星期二

二人世界冰天雪地打邊爐 (2011年12月4日)


上星期去咗Birmingham 足足一星期,
星期六(12月3日)同老公一齊返Glasgow......
南下天氣一直明顯地比蘇格蘭暖好多~
不過返Glasgow 前一日(12月2日),

Birmingham 氣溫突然驟降.......

連Bullring 外面隻牛牛都頂唔順著咗件大冷衫!

雖然Birmingham天氣凍咗,但依然陽光普照~


不過第二日星期六返Glasgow,

越北上越接近蘇格蘭......


睇住個天烏雲越來越多,天色越來越黑!

還好沿途有大大條rainbow 橫跨天空照一照,

都不至於令人太沮喪! (我好鍾意rainbow 架!! )



由溫暖既Birmingham 返到闊別一星期既Glasgow,

一落車已經感受到寒風刺骨~~~~~~~~

估唔到第二日(12月4日)晏晝返99度食完午飯,

一踏出99屋企門口就發生暫時我最唔想發生既事 - 開始落雪!



本來唸緊晚餐食乜野......

冰天雪地天寒地凍...當然無野好得過喺屋企打邊爐啦!

拿拿淋去買材料返歸~~~~

最近老公出緊長trip,好耐無試過二人世界撐枱腳嘞!

所以依餐二人世界打邊爐要好豐富!!


先來個刺激既鮮辣湯底;



肥牛 + 香茜豬肉餃子 (個餃子好香好好味! )



魚腐、蟹柳、魚蛋、獅子狗魚蛋 + 龍蝦丸......一大缽;



老虎蝦;



豆腐、腐竹 + 金菇;



鮮豬潤 (依碟緊係我架啦!)



學斗仔;



仲有幫補米氣既烏冬麵~



樣樣有d已經好豐富咯! 呵呵~~~~ 


喺屋企打邊爐要事先準備洗洗切切,

食飽又要善後執野清潔又盛.......

不過喺屋企打邊爐最大既好處就係 -

食飽後(我)可以頂住豐滿既肚皮即時攤喺梳化舒舒服服睇電視!

出街打邊爐雖然食完了吓牙拍吓籮柚就可以鬆人,

不過天寒地凍食飽後要舟車勞動先返到屋企,

緊係喺屋企打舒服得多啦!!



星期日係今季第一場雪~

雪其實落得不大,不過由星期日下晝開始無停過落足一夜.......


星期一(12月5日)朝早出面鋪咗一層約3、4吋厚厚白雪!

晨咁早已經聽到周圍剷雪聲不絕......

老公一早起程渣車返去Birmingham,

見落咗咁厚雪當然要叮囑多幾句叫佢小心渣車啦......

點知老公未到Birmingham 中途打電話返來話我知 -

一過咗蘇格蘭 + 英倫邊界,雪花都無一粒!

而且鳥語花香(依句其實係我作既!)

陽光普照竟然有成8度咁鬼溫暖!!

同是UK國土上,蘇格蘭同南下天氣竟然相差咁鬼遠,

實在太唔公平嘞!!!



由於人肉暖水袋Mr.T 回歸Birmingham 繼續trip;

我怕凍但又唔焗得開一陣heater 就會鼻塞!


所以漫漫長夜唯有靠依咋真正既暖水袋先有覺好瞓!!


Photobucket

17 則留言:

  1. 好豐富喎!今個冬天我都打咗好多次邊爐啦!因為我係出名邊爐精!嘻嘻!不過我好想過白色聖誕呀!我好黑仔,次次去親有雪落既地方,我一到步佢就唔落雪ga喇!
    [版主回覆12/07/2011 04:55:43]我今年都打咗好多次邊爐,不過都係出街打既,喺屋企打係3年來第一次....咁妳去旅行應該帶埋我去 - 因為我好惹雪!! XDDDD

    回覆刪除
  2. 我想問你個湯底係自己整,定現成買架?好正咁!如係你自己整,可否教我呀?
    [版主回覆12/07/2011 04:53:09]個湯底係現成架! 幾好味架又方便~ 不過我唔記得影低個牌子.....如果係我自己整既,我一定會出食譜既! ^^

    回覆刪除
  3. 下次冰舊豆腐3日...用黎打邊爐超正架...真係一次愛上...香港都係凍一兩日就暖左少少啦...
    [版主回覆12/07/2011 04:51:53]蜂窩豆腐嘛~ 我試過啦! 不過果日臨時決定喺屋企打邊爐,無機會雪定.....

    回覆刪除
  4. 你失蹤左好耐喔~~
    你地食得哂D野MA?好多WOR!
    落雪真係好靚AR,你地宜家個度幾度AR?
    [版主回覆12/07/2011 04:50:25]失踪咗個零星期啫~ 唔記得帶部電腦去Birmingham,老公返工又攞走埋部netbook,咁咪無上網囉! =P
    果咋雜丸食剩1/3囉 + 豬潤食剩一半(豬潤得我一個食!)其他野清哂啊~
    啱啱落完白雪雪妳就覺得靚咯~ 比人踩完一輪比車碌過一排一pat pat 黑色泥漿不知幾醜惡呀!!
    而家得1度咋......

    回覆刪除
  5. 有無買electric warm blanket呀!!!好得架!!冬天無咗佢5得呀!!!
    [版主回覆12/07/2011 04:45:15]其實我唸咗幾年買唔買好,因為我依種人幾乎一撻落床就瞓著! 但我聽人講唔好開成晚....而且唔知安唔安全......

    回覆刪除
  6. 我呢幾個月都係EXETER, 現在還很暖, 係夜晚先會凍, 不過會返NORTH EAST過聖誕,唔知個邊宜家有幾凍
    [Ka回覆12/09/2011 22:33:10]睇新聞你個邊幾乎日日都WEATHER WARNING,小心保暖喔
    [版主回覆12/07/2011 04:43:03]南下同蘇格蘭氣溫真係相差好遠......=_="

    回覆刪除
  7. 香港12月1號已開始冬,我地都去咗打邊爐,不過10號跌到11度,大家要著多件衫呀---eeee
    [版主回覆12/12/2011 04:34:06]超過10度對我來講已經好溫暖咯.....

    回覆刪除
  8. 我今年都打左幾次邊爐喇^^我都好想過一個白色聖誕呀^^
    [版主回覆12/12/2011 04:31:20]我今年都打咗好多次,不過之前都係出街打既,喺屋企打係幾年來第一次!

    回覆刪除
  9. 天氣凍真係最好就係打邊爐~~^^
    [版主回覆12/12/2011 04:29:56]食完成身暖笠笠! ^^

    回覆刪除
  10. 天氣凍...最好就係滾下滾下嘞 ! ^^
    [版主回覆12/12/2011 04:29:40]食完成身暖笠笠! ^^

    回覆刪除
  11. 香港今夜只有16度,又是打邊爐的好時間啦~
    [版主回覆12/12/2011 04:29:11]早幾日好多香港blogmate 都開始打邊爐咯! ^^

    回覆刪除
  12. 老公仍咳緊(已一個月),所以一家打邊爐仍未開始!!!!!
    [版主回覆12/12/2011 04:28:20]希望妳老公快d好返,可以一家打邊爐啦!

    回覆刪除
  13. 打邊邊最愛食新鮮魚片,最近係天后打邊邊,勁食大蝦、蟶子,超好味。
    [版主回覆12/12/2011 04:27:28]我依邊無生魚片鯇魚片依d賣既~

    回覆刪除
  14. HEHE,好耐無留言比你啦~冬冰冰最好就打邊爐啊~
    原來LE CREUSET係可以打邊爐架,可以長時間開住大火打嗎?
    等我都試下先~
    [版主回覆12/12/2011 04:24:54]Le Creuset 係煮食時"唔需要"用大火,唔係唔可以用大火! 其實只係品質比較好既煲來,用法同一般煲無異,唔需要"鏡"住來用
    [Tiffany.Mrs. Wang回覆12/09/2011 15:41:03]我係TIFFANY,哈哈!!唔知點解變左MR. WANG囉~
    YAHOO BLOG真係好唔掂啊~

    回覆刪除
  15. 好多嘢吃,好豐富!
    [版主回覆12/12/2011 04:20:57]樣樣都想食,每樣都買少少夾埋就好多咯! ^^

    回覆刪除
  16. 我呢邊冇得出街打邊爐架﹐試過兩次都係假既﹐後來約夠人係屋企打好過﹐最多我唔食果D they 分開烚。
    [版主回覆12/12/2011 04:18:45]其實我覺得喺自己屋企打仲好! 出街打只係方便d~

    回覆刪除
  17. 流哂口水, 我下個禮拜都要打邊爐!!!
    [版主回覆12/12/2011 04:17:47]早幾日香港天氣突然轉凍,好多香港blogmate 都打邊爐呢!

    回覆刪除

Related Posts Plugin for WordPress, Blogger...