10月30日: 香辣淡水小龍蝦; 炸銀魚 & 油菜
每次hea 完後我都有個後遺症...
返到屋企要宅返幾日我先有心機煮飯!
查實因為無論出國抑或喺英國境內short break 都好，
每次返到屋企總係左一大堆shopping，右一大咋污糟衫!!
齋係處理依2堆野都足以令我無咩心情再煮飯~
今次跟老公出trip 幾日返來後情況都係一樣，
加上親戚準時探訪勁攰，想承機偷懶耐d!
但今次我由Birmingham 返來後第二日即時煮咗依餐三餸無湯，
本來真係唔想煮，不過......
原因1 - 因為有依咋野!
趁佢生生猛猛夠哂新鮮嘛，擺得太耐就唔好啦~
由於佢地太生猛，洗佢地 + 煮佢地時都怕比佢地拑親，
加上又有少少唔忍心......(好矛盾!
) 所以煮既成個過程我喺廚房V嘩鬼叫，
我每嗌一次，
Mr.T 就會問我: erm...Honhon~ Are you OK ?
同小龍蝦經過一輪搏鬥，終於香噴噴上枱!
用依樽早排買既泰國香辣蒜油醬來炒小龍蝦真係好惹味!
(咁炒一炒就無咗大半樽!!
)
原因2 - 因為有依包野!
喺蘇格蘭好少買得到whitebait，
今次喺Birmingham 街市魚檔見到有大包雪藏又抵買，
咁就買啦~
以為有個保溫袋加上天氣凍，可以捱到返去蘇格蘭，
點知返到屋企成包已經完全解凍哂......
唯有第二日拿拿淋一次過煮哂佢!
雖然係洋人炸法，不過酥脆 + 鹹香送白飯一流~~~
成包一次過炸哂出來一大碟!
咁大包whitebait 只係£4幾真係好抵買，
依碟係之前出街食既，得果幾條仔要成£5賺死佢!
就係咁，hea 完好唔想煮飯既情況下都焗住煮咗依餐~
但睇見老公好enjoy 咁食得津津係絕對值得既!
而老公就幫我搣蝦殼來報答我，
不過第二日我發現佢彈咗好多辣椒汁喺牆上既痕跡......
香辣淡水小龍蝦食譜click here~ Fried Whitebait (炸銀魚)食譜click here~
10月31日: Marrow瓜扎肉湯螺絲通粉 
雪櫃有舊未開封既扎肉; 
仲有我離家出走前剩底半條marrow 瓜......
偷懶時想快手有得食，飽肚又好味就一定係煮依個湯粉!
節瓜肉片大地魚湯螺絲通粉(參考食譜)click here~
11月1日:勁多蔥餐蛋湯烏冬
是晚Mr.T 開會晏返，我肚餓唔等佢~
簡單地煮咗個烏冬，煎咗2隻粉藍靚蛋，
仲開咗罐瑪莎午餐肉~
午餐肉我平時食開Spam 既，
依罐瑪莎只係未試過買來試吓，
不過我覺得唔夠香肉又好實，
都係Spam 最好味!
不過我好鍾意佢地用條匙依種原始開罐方法，我覺得好好玩呢!
(Spam已經變咗方便拉罐嘞......)
11月3日: 叉燒蛋炒飯
之前一晚攰到連公仔麵都唔想煮，
於是叫老公買盒叉燒返來，
我齋走去煲飯求其搞掂一餐~
剩低既叉燒當然最好用來做快手炒飯啦!
叉燒蛋炒飯名稱食譜click here~
hea 得差不多時間嘞~ 今晚來返個三餸一湯先!
唔想煮都煮依d"食送", 想煮仲得了ga?? 哈哈~~ 好想試下whitebait, 唔知香港有無得賣ga呢??
回覆刪除[版主回覆11/08/2011 05:35:28]依咋餸唔留得耐嘛，所以咪焗住煮哂佢囉! =P 我都唔知香港有無whitebait 賣呢? 香港應該好少咁細條既魚仔，就算有都應該係急凍~
Sometimes, I am lazy and don't want to cook, too! But if Mr. Kwan enjoys the food, it's totally worth it!
回覆刪除[版主回覆11/08/2011 05:38:16]that's why i love to cook for my loved ones~ ^^
又有咁多小龍蝦。。。引C人咩...我哋搵唔到嚟買ga...除咗有時D buffet 有D冇嚟聞味嘅之外 :(
回覆刪除[版主回覆11/08/2011 05:40:36]唔係又啊胡李媽媽~ 依盆小龍蝦係果盆來架! 不過上次果篇係食譜，今次依篇係飲食記事! 其實我喺蘇格蘭都無見過有小龍蝦賣，依咋係跟老公去Birmingham 出trip 時帶返來架~ ^^
炸銀魚我都想食...
回覆刪除[版主回覆11/08/2011 05:41:31]其實我唔太鍾意食炸野，怕熱氣~ 不過我又鍾意食香口野喎....=P