唐芹茭白筍炒雞柳

1. 雞上脾(或雞胸肉)去皮切片，用胡椒粉、糖、生抽、鮮露、麻油，少許雞粉和粟粉醃好備用。


2. 茭白筍去外皮洗淨切塊備用。


3. 唐芹適量摘去葉洗淨瀝乾，切成段備用。


4. 燒熱油鑊下雞柳炒至八成熟灒酒，盛起備用。


5. 再燒熱油鑊爆香蒜蓉，下茭白筍和唐芹及加入少許清水炒2至3分鐘。


6. 雞柳回鑊兜勻炒至熟透，下少許蠔油調味兜勻即成。





茭白筍又稱菰、菰筍、水筍、美人腿、腳白筍，


為菰米(即野米)莖部;


野米盛夏發新芽時若受到菰黑穗菌感染，


莖部就會膨脹形成筍型，成為茭白筍，


茭白筍唔會開花結籽，但可作為蔬菜供食用;


而無受感染既就會抽穗開花結籽，


結出來既籽就係野米~


野米雖然稱為"米"，但其實並非真正既米，


而係一種水生植物既種籽!




茭白筍含超過90%水份，


含豐富維他命A + C、鈣質、鐵質、纖維素等且熱量低，

有助促進新陳代謝，幫助消化和控制血壓~