買物@Birmingham Part 2

第1次去Birmingham 時因為唔啱時間，
錯過咗Bullring 既露天市集，
Indoor Market 亦只好傖促咁匆匆兜咗幾個圈......

隔個星期再到Birmingham，
今次集中盡興地逛室內街市 + 露天市集~


不過行街市之前，忍唔住走咗轉TK Maxx......


而且又比我搵到件好野!

上次喺Glasgow TK Maxx 超平買到套Wedgwood Tea Set;

今次搵到依個靚靚靚Wedgwood cream jug~



原價£45, 筍價£3.49~ 完全無力抗拒!

真係愛屎TK Maxx!! 教我如何不逛它?




House of Fraser 買既Heinz 迷你芥醬 + 茄汁~

學Mr.T 話齋: 咁鬼細樽...食一份炸魚薯條都唔夠!

其實我何嘗唔係一同樣覺得依2樽野非常無聊?

雖然仲貴過超市正常size，不過實在太cute 太kawaii 嘞~~~~

又一次無力抗拒!!




台灣零食小店買既日本蜂蜜味招財貓汽水~

完全係貪佢個樽幾靚幾得意，

仲未飲，所以唔知好唔好飲!



行完公司就去行街市嘞......

Birmingham Bullring Open Market



依個室外市集只開星期二至星期六~


Open Market 主要售賣蔬菜生果、雞蛋芝士、凍肉 + 日用品，

感覺有點似香港既街市，不過整齊 + 乾淨好多......




蔬果好新鮮又好平! (£1 有8粒新鮮青檸真係羨慕屎我!!)



不過我無手攞咁多野，所以只係得個睇字......



YouTube 搵到依段Bullring Open Market 既短片~


不過我都唔算空手而回......


喺Open Market 附近一間全店£1既書店買咗3本食譜書! 




匆匆行過Open Market，拿拿聲去逛隔離既Indoor Market!


Indoor Market 好大，

鮮肉、海鮮、蔬菜、水果、雜糧一應俱全，

真係齋行睇到都好開心!





裡面好多好多鮮魚檔，鮮魚種類選擇比Glasgow 多，

連細條既蘇眉都有得賣! (掛住睇忘記影相.......)



一整條鯊魚都有!!!



上次買淡水小龍蝦既海鮮檔，原來檔既另一面係oyster bar!

除咗有生蠔之外，仲有其他即食海鮮供客人即時食用~



包括我上次已試過好鬼難食既jellied eels......



生鮮生蠔咁鬼平! 我點可以抗拒?



即時整返半打做下午茶!!

親眼睇住佢即時幫我開後即食，

心理上感覺更加新鮮更加原汁原味~~~~



6隻肥美新鮮大生蠔，埋單60HKD有找!

住喺Birmingham 既人真係幸福啊~~~~~



Indoor Market 裡面有幾檔中國人開既商店，

新鮮蔬菜罐頭食品都有，價錢比Glasgow 平 - 尤其係菜!


仲比我喺其中一檔買到已絕跡Glasgow 既五香肉丁 + 回鍋肉!!



除咗魚肉蔬果依d大路食材之外......


仲有野味;



又有成列豬頭任你揀;



竟然連豬鼻都有得賣!!!!!!


喺一檔中國人開既肉檔，

仲比我見到我至愛既新鮮豬粉腸!! (有緣無份.....因為我無冰袋! )

依個Bullring Indoor Market 令我好想搬去Birmingham!!!!