2011年11月22日星期二

買物@Birmingham Part 1

老實講......Birmingham 其實無咩好玩,
不過shopping 又唔錯喎,Bullring 附近乜都有得賣!
最近跟Mr.T 到Birmingham 出trip 2次,


第一次已經有大咋收穫......

幾乎全英國所有shopping mall 來來去去都係果咋high street 店,

所以如果講普通行街shopping 買衫褲鞋襪,

Birmingham 有既,大部份喺Glasgow 買得到~

不過都有例外既......


好似美國品牌"Forever 21",全英只有3間店,其他2間都喺倫敦~

店總共有4層,花多眼亂有排行!


收穫......


灰色半筒帆布trainers from Forever 21 (原價£12, 減價£4,扺到爛!);

黑色Jacket + 米色靚靚雪紡恤衫both from TK Maxx~


對灰色trainers 實在太舒服嘞...... 


第二日忍唔住走去買多對棗紅色 - 都係£4!



其實上面大咋shopping 大部份係野食來......


唔記得邊度既意大利食品小店買既pasta;



Selfriges Food Hall 買既可口可樂125週年限量出版......



同埋啤酒品牌Budweiser 既雞翼汁~




Birmingham 係全英第二大城市,自然有唔少中國人 + 中式超市,

不過我有少少意外 - Chinatown 附近果咋主要中超,

竟然無一間夠Glasgow 泗和行規模咁大!

每間中超貨品種類數量亦唔夠泗和行多,

但勝在有好多唔同小店~


所以我都滿載而歸!

其實爆沙豬皮、中山瀨粉 + 菠菜......依d Glasgow 全部都有得賣,

不過Birmingham 既中超平少少順便買埋既啫~



比我喺日進行搵到我至愛既廖孖記腐乳王!

其實我初來英時,Glasgow 都有廖孖記賣,

但幾年前廖孖記開始絕跡Glasgow,

今次比我喺Birmingham 見到,買夠2樽慢慢歎~~~

(後記: 剛過去既weekend 竟然比我喺Glasgow 另一間我比較少行既中超見到有廖孖記......)



講開又講......

Birmingham Chinatown 共有2間日進行(Day In Supermarket),

同一間店2間分行,店員態度差天共地!

Arcadian Centre 果間分店店員個個都好有禮貌好好笑容;

不過附近Wrottesley Street 分店有個中年黑面肥嬋,

態度惡劣到無人有!

睇佢個樣就知佢執到金都唔會笑,

而且仲係會一路執一路鬧人果隻......

唔怪之同一時段,

Arcadian Centre 分店人流 + 生意會旺咁多啦!




另一間中超盛發行買既韓國天然海鹽~

咁鬼大包只售£1.8X,一定要買!



最後一站係Seoul Plaza~

全英有7間Seoul Plaza,不過全部都喺南下,

之前去倫敦已經好想去Seoul Plaza 睇吓,

不過時間問題最後都係緣慳一面......


今次終於有機會嘞!


顧名思義 - Seoul Plaza 係一間韓國超市~






Seoul Plaza 韓國食材 + 零食的確比一般亞洲超市多,

不過除咗韓國食品之外......


日本食品.......



同中國食材都有唔少!


收穫......




其實連台灣食品都有得賣!!



依包叫做寶塔菜既物體,我第一次見......

其實我覺得幾核突......實在太似一包大條蟲蟲嘞!

不過因為未試過好奇想試吓咩味~

有無網友食過寶塔菜呢?



Photobucket


24 則留言:

  1. 睇到妳買咁多野唔知點解我都好開心~~哈哈
    [版主回覆11/23/2011 23:55:12]哈哈~~~~ 上面依咋野妳喺香港應該全部都買到啦!

    回覆刪除
  2. £4....真係好抵呀...對棗紅色襯灰色好靚呀.....而且嗰度好多嘢睇&買喎.....真係去多幾次都冇相干啦...^^
    [版主回覆11/24/2011 09:32:34]舊年老公生日正日送咗部Bosch Mixer 比我,果時原價£140,但減到£120; 啱啱好1年,早兩日喺同一間店見到,而家竟然賣緊£180! 哇哈哈~~~
    [胡李媽媽回覆11/24/2011 00:12:18]haha....我都試過買完減價嘢...佢返番正價...真係開心到暈 ga...^^.....then I'll wait for your part II la... ^^
    [版主回覆11/23/2011 23:58:41]其實除咗Forever 21 之外,衫褲鞋襪同Glasgow 既店大同小異~ 但Birmingham 既室內 + 室外街市真係好正好多野行! (Part 2會介紹) 真係好鍾意果2對鞋,最開心係我第二次去Birmingham 時,見到對鞋已經減完價變返正價~ ^^

    回覆刪除
  3. 廖孖記腐乳王真係好正^^
    [版主回覆11/23/2011 23:59:06]係最正先啱! ^^

    回覆刪除
  4. haha, if u have time will u take some pic of 泗和行 to show us next time, thks
    [版主回覆11/24/2011 00:00:27]wont go there for a while~ there are some pics of SeeWoo Glasgow on google! ;-)

    回覆刪除
  5. 收鑊豐富...廖孖記腐乳真係好正!
    [版主回覆11/24/2011 00:02:22]妳留言時睇依篇既版本應該係唔完整既,死人Yahoo 食咗我大半篇網誌!!!!! ='( 廖孖記係最正既腐乳~ ♥

    回覆刪除
  6. 對鞋勁平喎。。。。。。著爛都吾會肉赤丫!!話事話,你地個邊經濟點丫?多吾多人買野丫?
    [版主回覆11/24/2011 00:24:01]對鞋其實同Converse All Star 果d無咩分別,品質唔錯,所以我先一次過買2對! 其實仲有個黑色,可惜我腳細無我size....=( 其實經濟好與壞幾時都有大把有錢人,weekend weekday 都大把人抽住大袋細袋去shopping~

    回覆刪除
  7. Gaileは林家歐巴桑2011年11月23日 上午8:34

    寶塔菜其實好好食架,用黎涼拌脆脆地好正!
    [版主回覆11/24/2011 09:36:42]我未食過呀! =P 不過我依包係pickled 咗,唔知仲脆唔脆呢?

    回覆刪除
  8. 兩對帆布Trainers都好靚噃!

    估唔到英國有咁多地方都有廖孖記賣,反而香港而家越來越難買!

    寶塔菜我食過啦!你呢種係醃漬過,好香好爽口,街市菜檔有時會有新鮮貨賣,又叫新鮮蟲草,(但唔係冬蟲草來o架!)其實應該叫草石蠶,係一種植物,詳情可以睇下以下網站:
    http://hljh.tcc.edu.tw/teach/%E6%A0%A1%E5%9C%92%E6%A4%8D%E7%89%A9/%E8%8D%89%E7%9F%B3%E8%A0%B6/%E8%8D%89%E7%9F%B3%E8%A0%B6.htm
    [小菲菲回覆11/26/2011 23:14:49]我真係見到有d C9 信ga,正如寶葯黨到今時今日都仲可以呃到人咁!hahaha....
    [版主回覆11/26/2011 06:16:17]吓? 咁都得!!?!? @@ 不過稍為用吓腦都唔會比阿姐呃到啦! 有無人真係咁傻會信呀? XDDDD
    [小菲菲回覆11/24/2011 22:31:49]因為佢果樣似蟲,又係植物,以前街市菜檔d阿姐成鬼日呃人話係新鮮冬蟲草!
    [版主回覆11/24/2011 09:40:26]廖孖記喺英國唔係好多地方都有得賣呀,如果唔係我都唔洗一見到就買2樽! 依度d中超今日有,幾個星期後可能無咗架嘞~ 我未食過寶塔菜,見都係第一次見咋! 但睇樣都知唔係冬蟲草啦~

    回覆刪除
  9. 黑色Jacket & 米色靚靚雪紡恤衫 GOOD!!
    [版主回覆11/24/2011 09:41:03]我全部都好鍾意! ^^

    回覆刪除
  10. Wow~that Forever 21 so huge! Forever 21 stores that we have here are much smaller. The biggest one has 2 floors, but I can spend hours in there already. Lol!
    [版主回覆11/24/2011 09:42:55]their clothes are pretty! however it's very hard to find small sizes in the UK.....=_="

    回覆刪除
  11. 我每個星期六都去Bullring, 因為要帶小朋友去中文學校. 但就未去過seoul plaza, 它是在那裹? 我都想去下....
    [版主回覆11/26/2011 06:18:56]you're welcome ^^ 其實係一條直路來架咋,應該好易搵到! =)
    [Diven回覆11/25/2011 06:21:54]Oh! Thanks, 等我試下找找先...
    [版主回覆11/24/2011 09:44:51]Seoul Plaza 唔係喺Bullring 架! 喺Selly Oak 火車站,Tesco 對面~

    回覆刪除
  12. 我每個星期六都去Bullring, 因為要帶小朋友去中文學校. 但就未去過seoul plaza, 它是在那裹? 我都想去下....

    回覆刪除
  13. forever 21!!!!!!! 你以家搞到我好想去birmingham
    [版主回覆11/24/2011 09:47:22]佢地好似有online shop 架! 倫敦都有2間分店~

    回覆刪除
  14. 寶塔菜呢?乜野嚟架????
    [版主回覆11/24/2011 09:49:56]係一種叫做甘露子既植物既根部,網友話有時菜檔有得賣喎~ ^^

    回覆刪除
  15. 綠色嗰隻韓國調味醬好好味, 我勁鍾意食, 用嚟醃雞翼好正0架~~~ 我試過就咁用青瓜沾嚟食都一樣好味~~
    [版主回覆11/24/2011 20:32:16]我都唔記得果盒係咩醬來,只係見到我未見過就買定先! =P 而家知道點用嘞,thanks 莊主! ^^

    回覆刪除
  16. hehe...我返嚟睇埋下半Part...寶塔菜真係未聽過呢...但大陸貨品, 我真係唔敢試...
    [版主回覆11/24/2011 20:34:52]大陸貨品我都會有戒心,不過我又唔會話完全斷哂掂都唔掂大陸食材,畢竟有好多中式食材只有大陸先有生產! 而且進口入得英國既貨品,品質應該可以接受既~

    回覆刪除
  17. 我鍾意黑色JACKET...對鞋好抵呀...我都鍾意着呢D鞋...有咩色架???
    [版主回覆11/24/2011 20:36:47]我全部都好鍾意! ^^ 我屋企好多依類trainers~ 依對鞋仲有一個黑色配金色頭,不過黑色無我size,如果唔係我會買埋佢!!

    回覆刪除
  18. 最近比較忙, 少咗嚟探你添, 你好嗎 ? 趁住有少少時間, 拿拿淋四處逛, 希望老板睇我唔倒... 睇我唔倒... 呵呵呵呵....
    [版主回覆11/24/2011 20:55:36]我好好呀, 多謝VIVI! ^^ 我最近都好忙,周圍走來走去~ =) 小心老闆喺妳身後呀! XDDDD

    回覆刪除
  19. 原來除左我會頂Yahoo Blog之後,還有你。嘔左血好幾次,現在又要入院啦~~~

    xp
    [版主回覆11/24/2011 20:57:21]點止我同妳,小編輯個扑日日比用戶洗板鬧到爆啦!! 心情唔好時真係唔好用Yahoo Blog 住,好易爆血管!!

    回覆刪除
  20. 廖孖記真係好正,我媽咪都只係買佢,唔買其他牌子
    [版主回覆11/24/2011 21:00:00]係最正先啱! 廖孖記唔係想買就有得買,買唔到廖孖記時我會買冠益華記頂住檔~

    回覆刪除
  21. 我知道佢地有online shop 不過買衫我都係鐘意去到令係件衫先知道自己岩唔岩

    回覆刪除
  22. 嘩,我都5知有呢間SEOUL PLAZA,仲要好近我公司,聽日放工去行下先!!
    [版主回覆11/26/2011 06:21:14]間店唔係好大架咋,不過賣既野都OK~ ^^

    回覆刪除
  23. WOW...我只係睇相+文字都好開心啦!!!! ha ha ha
    [版主回覆11/26/2011 06:22:49]我聽日再去影多d相呀吓! ^^

    回覆刪除
  24. WOW﹐你果邊D日本貨品仲咁齊全﹐我呢邊果幾間日超斷貨斷到零食都唔多幾種LU~(嘆氣)
    [版主回覆12/05/2011 18:09:19]係呀? 不過依間Seoul Plaza 只得南下有架咋~ 講日本貨,倫敦Japan Centre 仲正呀! ^^

    回覆刪除

Related Posts Plugin for WordPress, Blogger...