2011年10月8日星期六

二人世界三餸一湯 - 2011年10月7日 (附食譜)


紅蘿蔔蜜瓜螺頭煲豬腱; 數字雞翼; 炒桂花魚肚 & 清炒Spring Greens

早前無意中網上見到一個名字好得意既食譜 - "數字雞翼"~

Click 入去睇吓恍然大悟名字來由 - 原來因為汁料當中各材料既份量為1至5湯匙,所以有個咁得意既名!

見做法好簡單,我又試吓煮!!

 甜甜酸酸既汁好好送飯啊~


好想食炒爆砂魚肚!

但又唔想炒來炒去都係配西芹 + 雞雜......

 所以今次煮咗芙蓉炒既方法!

依個菜一般會炒得比較乾身,

但我 + Mr.T 都鍾意仲有少少濕濕地 + 軟軟滑滑既口感......

煮既時候緊係就返啱自己口味啦!!


>>>>>>>>>>>>>>>>>>>>>>>>>>>>>>>>>>>>>>>>>>>>

最近plan 緊幾時返香港......

一唸起香港就掛住好多香港先有既街頭地踎小食!

今次唸起油渣麵!!

實在等唔切返香港先去食油渣麵...

即時落街買pack 豬腩肉自己炸豬油渣......

 即時整碗V記油渣麵頂住檔先! 很姣痴啊~~~~~~~~


 為咗整依碗油渣麵,我又買咗樽冬菜!

上次買過一樽冬菜,開蓋後見到裡面有條陰毛......緊係成樽揼鬼咗啦!
雖然仍然有陰影,不過為咗整好碗麵無計啦!!
但我真係好鬼憎冬菜依個陶罐包裝 - 樽口窄窄又超級阻訂!!!

 That's better!

唔知係咪因為近排天氣涼咗,我上咗奶茶癮!

 每日最少要一杯!!
英國人沖奶茶用鮮牛奶; 沖咖啡先會用cream~
但我依杯奶茶包含PG三角茶包1個; 
咖啡黃方糖2糖; 仲有Coffe Mate 3茶匙,
口味比英式奶茶香濃,但又無港式奶茶咁濃......
係V既獨特個人口味來啊!


紅蘿蔔蜜瓜螺頭煲豬腱食譜click here~

數字雞翼食譜click here~

炒桂花魚肚食譜click here~

V記油渣麵食譜click here~





6 則留言:

  1. 嗰日係FB見到你張相,我都諗緊你嗰邊有冇冬菜   估唔到係陰毛冬菜  我呢,鐘意用黑白牛花奶沖奶茶,走甜既 
    [版主回覆10/10/2011 04:37:00]冬菜有得賣! 我 + 蘇格蘭都好"犀利"架嘛!!
     
    不過上次新買咗一樽冬菜,我嫌個陶罐阻訂,所以倒哂出來另外用食物盒裝住......好彩我新開封未食咋,一倒出來大大條陰毛! 成樽揼咗好浪費.......
     
    我沖港式奶茶先會用花奶,不過唔係黑白牛!
     
     

    回覆刪除
  2. 睇完你個post... 我好掛住媽咪煮既數字排骨牙...!! 唔知點解、雖然媽咪有教過我 我都係copy唔到個種家鄉味...(明明好簡單) 只好次次返香港都落order要媽咪整囉...唉~~~~~
    [版主回覆10/10/2011 04:34:00]可能喺外國買到既調味料始終同香港既有出入,材料質素又可能唔同......每個人手勢又唔同......啩!!?!?
     
     

    回覆刪除
  3. 我自己沖奶茶都係慣左用鮮牛奶,返左香港咁耐都係唔鍾意飲港式奶茶!
    其實我都覺得飲奶茶真係會上癮,以前住英國每日2-3杯架
    [版主回覆10/10/2011 04:29:00]我都會飲英式奶茶(即係用鮮奶來沖),不過只限earl grey! 我覺得earl grey 獨特既香味同無咁濃既鮮牛奶好夾~
     
     

    回覆刪除
  4. 我都鍾意 飲 港式奶茶, 但係英式奶茶, 就麻麻地!!
    [版主回覆10/10/2011 04:28:00]港式奶茶同英式奶茶各有各特色~
     
    我都會飲英式奶茶(即係用鮮奶來沖),不過只限earl grey! 我覺得earl grey 獨特既香味同無咁濃既鮮牛奶好夾~
     
     

    回覆刪除
  5. 如果整清湯腩 煮起個時上D冬菜 都好好味呢
    [版主回覆10/10/2011 18:53:00]我暫時唔食牛肉2個月~ 等我食返牛肉時都試吓整清湯腩!
     
     

    回覆刪除
  6. 唉﹗我都好怕係亞超買果D亞洲樽或包裝野架﹗有次一咋毛連皮係包冰蓮藕入面我都
    見過呀﹗嚇到我想嘔﹗都唔知係咪老鼠黎既﹗
    [版主回覆10/20/2011 17:35:03]其實我都怕架! 不過無計,因為好多中式食材得大陸有生產! 唯有搏吓架咋.....

    回覆刪除

Related Posts Plugin for WordPress, Blogger...