Mr.T 出Trip 的日子2 (附食譜)

老公上星期日(8月28日)又出咗trip，
所以今個星期又得我一個人食自己......

 老公起程之前，我地去咗YO!Sushi 食壽司~ 今次胃口唔錯食咗23碟!

 之前未食過既燒鴨卷，麻麻地~

 至鍾意既生牛肉，其實食咗唔止3碟!!



之後食自己既日子開始嘞......

8月30日: 冬瓜粒湯飯

今次無放肉，因為我鍾意食雞腎，今次放多咗雞腎粒，又加咗少少肉粒!


8月31日: 冬瓜粒湯 & 蝦醬魚乾仔炒飯

一大煲冬瓜粒湯得我一個人食到成肚水......今餐唔想再食湯飯嘞!

 雪櫃有大碗冷飯，用來炒個香噴噴蝦醬炒飯~

 冬瓜粒湯食譜click here~

 蝦醬魚乾仔炒飯食譜click here~



9月1日: 台式大腸臭臭鍋

 早排喺一間中式超市買到盒台灣麻辣臭豆腐......

臭豆腐就緊係唔洗預Mr.T 啦!

所以趁佢出咗trip 先自己一個人慢慢歎!!

 晏晝先滷咗包豬大腸......

 加埋大咋配料...黃芽白、豬肉丸、蟹柳、帶子、金菇......

今餐唔想食辣，所以整咗個香甜蕃茄魚湯湯底~

 依盒麻辣臭豆腐話"地獄般火辣"......查實係"天堂般清淡" - 係一d都唔辣既!

 豆腐好鬼細舊......

 一向都覺得台灣臭豆腐臭極有限! 不過依盒比我想像中臭少少!!

 每樣材料少少，煮出來滿滿一大鍋!

我一餐緊係食唔哂啦! 只食咗半煲~~~~~



>>>>>>>>>>>>>>>>>>>>>>>>>>>>>>>>>>

 今年3月時我喺網誌中提過黑蒜頭~ (網誌)

 尋日我終於買到嘞! (£1.40 each，約$17一粒~ 第一次買咁貴既蒜頭!! )

 拆開似一粒應該晨早入垃圾桶既極度腐爛蒜頭......

 蒜仁成粒黑忟忟......

黑蒜頭官網話可以就咁當零食~

 我食咗2粒......

口感膏狀極淋; 味道好甜中又帶少少酸，有少少似西梅; 蒜頭味減半，但仍然食得出有蒜頭味，而且混合咗些少酒味~

口感味道幾新奇，我都幾鍾意依種味道!

大家如果見到黑蒜頭，不妨買粒來試吓吖~