尋日(9月8日)約咗朋友們飲野順便攞月餅比佢地，整個下午飲咗兩餐茶，好relax!
(一位尋日收到月餅既朋友留言比我，話返到屋企忍唔住食咗1隻，仲大讚我整既月餅好味呢! 嘻嘻~~~~ )
我買咗隻已經想買咗一段時間既陶瓷不沾鑊比自己!
好靚仔! 好靚仔!! 好靚仔!!!
不過依隻野標價竟然要£100 - 即約1300蚊港紙......
個型仔設計係方便用來做"抛鑊"依個動作，靚仔確係好靚仔;
仲巴屎閉到好似名牌手袋咁有個"防塵袋"......(好多餘~
);但查實佢只係一隻設計比較型仔 + 手工比較精細既普通Teflon 易潔不沾鑊來!
即係話一但易潔塗層刮花咗剥落，佢同普通平價易潔鑊一樣會釋放對人體有害化學物質......
Teflon 塗層易潔鑊，最平£10有交易~
要我比多10倍價錢買隻普通易潔鑊我緊唔制啦!
同樣喺John Lewis 廚具部......
價錢比型仔平一半 - 只售£50;
叫做"Greenpan"......聲稱製造過程 + 煮食使用同樣ECO friendly e.g. 不含對人體有害化學物質; 減少60% CO2排放量; 不沾易潔煮食用少油不易刮花云云......
其實依隻Greenpan 已經出現咗好耐見過好多次，而且我對陶瓷不沾鍋既好處都略有所聞，不過見佢都唔平，所以一直無仔細研究過有幾好~
直至果日喺John Lewis 攞上手睇過，返屋企睇咗好多陶瓷不沾鍋既資料之後，對佢越來越有興趣，心思思好想買返隻陶瓷炒鑊!!
尋日同朋友飲完茶後，順便走咗去TK Maxx 兜個圈......
Greenpan 既陶瓷層叫做Thermolon™;
Berndes 又係德國著名廚具牌子，品質信心有保証!!
個鑊本身係無蓋既~
不過我之前刮花咗幾個IKEA 既28cm 易潔鑊，鑊揼咗，但我會保留個玻璃鑊蓋......
P.S. 尋晚我已經急不及待用隻新鑊來炒餸......
豬頭骨......
香港的廚具都五花八門, 價錢越來越貴, 千幾蚊個煲個鑊都閒閒地, 有D係物有所值, 有D就麻麻地, 真係要精明選擇呀!
回覆刪除[版主回覆09/10/2011 17:09:00]貴既廚具全世界都有，當中有d品質好到用過後就唔會覺得貴; 亦有好多麻麻地甚至完全物非所值!
就好似上面個型仔鑊咁 - 靚係好靚，但用料根本唔值依個價錢!
嘩!......John Lewis果然老牌店....當年(1970)有間係我住果到的街口處(想妳還未出世呀)......講番轉头 Royal Boomerang VKB Work個款式係靚D.....用嚟(拋鑊)真係一流嫁
回覆刪除[版主回覆09/10/2011 17:05:00]其實英國幾間最大 + 最有名既大型連鎖百貨公司全部都歷史悠久架! Harrods, John Lewis, Debenhams, Selfridges, House of Fraser.....全部成立既時候，我地2個都未出世!
果個Royal VKB 鑊靚還靚，不過我覺得係識拋鑊既就用普通鑊都拋得到; 係唔識拋既，比咩鑊佢用都於事無補! 講到尾個設計都係綽頭野多! 而且個鑊用料完全唔值~
Good bargain ! Congrulations.
回覆刪除Peggy
[版主回覆09/11/2011 21:13:00]Thanks peggy!
Good bargain ! Congrulations.
回覆刪除Peggy
我鍾意個Le Creuset Black Nickel Small Multi Bowl,隻色好靚
回覆刪除[版主回覆09/11/2011 21:10:00]依隻色比較少有但真係好靚! 上次只見到大 + 中，今次見到個細忍唔住買埋佢~
千三蚊一隻獲真係好貴下
回覆刪除[版主回覆09/11/2011 21:09:00]千三蚊一隻易潔鑊真係好貴! 如果物有所值貴少少都無妨，不過依隻千三蚊似乎係sell 設計多過功能!!
中秋節快樂呀!
回覆刪除[版主回覆09/11/2011 21:04:00]中秋節快樂啊雀后!
中秋節快樂呀!
回覆刪除[版主回覆09/11/2011 21:04:00]中秋節快樂VIVI!
中秋節快樂
回覆刪除[版主回覆09/11/2011 21:04:00]中秋節快樂ELISEBABY!
中秋節快樂!
回覆刪除[版主回覆09/11/2011 21:03:00]中秋節快樂啊chumama!
好靚呀真係 d碗引死人
回覆刪除[版主回覆09/11/2011 20:37:00]依個色比較少見，不過真係好靚! 所以我忍唔住手買哂大中細....
中秋節快樂！
回覆刪除[版主回覆09/15/2011 06:32:00]Happy belated mid autumn!
又有收穫喇。祝你中秋節快樂﹗
回覆刪除[版主回覆09/15/2011 06:32:00]Happy belated mid autumn!
中秋節快樂呀
回覆刪除[版主回覆09/15/2011 06:32:00]Happy belated mid autumn!
祝妳及honey中秋節快樂呀！
回覆刪除[版主回覆09/15/2011 06:31:00]Happy belated mid autumn!
人月兩團圓，祝Mrs. T你們一家中秋節快樂呀~
回覆刪除[版主回覆09/15/2011 06:31:00]Happy belated mid autumn!
哈哈~~~~ 豆豆個八月十五真係大又圓!
中秋節快樂~靚女V!
回覆刪除[版主回覆09/15/2011 06:29:00]Happy belated mid autumn!
中秋節快樂 ^O^
回覆刪除[版主回覆09/15/2011 06:29:00]Happy belated mid autumn!
中秋節快樂!!
回覆刪除[版主回覆09/15/2011 06:29:00]Happy belated mid autumn!
你好! 我keep 住睇你個blog 一段時間. 其實, 我N年前留過言. 我都留意緊要新wok. 如果你唔介意, 可唔可以過左3個月, review 一下你用依隻鑊如何? 我check 過 review, 好似過左3個月或半年, 就開始 "slicker" 謝謝. 仲有, 祝中秋節快樂!
回覆刪除[版主回覆09/15/2011 06:27:00]belated 中秋節快樂Esther!
唔係好明妳所講既"好似過左3個月或半年, 就開始slicker" 點解? 因為本身個鑊已經好滑，唔知點樣會更加滑.....
不如妳3個月後再留言提我啦! 我怕我而家應承咗妳，3個月後會唔記得啊~
炒餸最緊要個鑊 , 鑊靚餸就靚 , 自己用嘅 , 當然買個稱心滿意啲架啦 ! 獎自己 ! 實至名歸
回覆刪除[版主回覆09/15/2011 06:23:00]除咗靚鑊好用之外，其實最緊要係安全至上!
好羨慕 可以有新鍋用
回覆刪除[版主回覆09/19/2011 18:07:00]唔洗羨慕~ 依種鑊香港都有得賣! 你都買返隻試吓吖~
v女妳好！我在 Vancouver 終於睇清楚 Greenpan 係如妳所講的用有關 ceramic 物料所做。但 Vancouver 出售的 Greenpan 是 made in China！請問妳的 Greenpan 製做地方是那個國家呢？謝謝！
回覆刪除[版主回覆09/23/2011 18:55:00]我無留意我依邊d Greenpan 係邊度做喎! 我只知道Greenpan 係比利時牌子~
Made in China 都唔代表品質差架! Le Creuset 賣得咁貴一樣有部份產品係大陸造，大品牌會有QC; 而且品質符唔符合自己要求依個應該自行判斷!
o yeah, i would like to try, but is it heavy, i cant handle heavy wok
回覆刪除[版主回覆10/20/2011 17:08:12]i cant handle heavy woks either! i dont think ceramic woks are heavy~
ceramic 鑊 嘅主要 問題 係容易畀 d 食物殘漬滲入塗層 , 不斷積聚 嘅食物殘漬 , 最後會完全遮蓋哂塗層表面 , 就會封閉著塗層嘅易潔功能 .
回覆刪除正確方法係 要造 "開鑊" 程序 .
在鑊面 "捽" 一層好薄嘅食油 , 之後 用 中火 燒到稍稍出煙 , 目的係希望食油滲入塗層內 受熱 乾涸 (polymerization) 變成一種唔黐底嘅天然塗層 .
食油 最好用 "沙拉油" 即係 (黃)豆油 Soy bean oil . 佢嘅 polymerization 快而準 , 用嚟 開鑊 就最啱 .
用 中火 嘅目的係 畀隻鑊嘅受熱 "平均" 一 d , 否則 會出現 有 d 位置 polymerization 成功 , 有 d 位置失敗 .
最好 repeat 以上 開鑊程序多幾次 , 咁就好用好多 .
不過 , 要記著 , 要當隻 ceramic pan 係 不銹鋼 pan 嚟用 .
即係要用中小火預熱隻鑊 , 見有 "油紋" 就較細火 , 之後先至放食材落鑊 , 如果 食材 係 starch 或 protein 嗰類 就要等一陣先至好去剷佢 .