2011年9月28日星期三

有得食又有得玩 - 2011年9月25日 + 26日 (特長!)

星期日(9月25日)去咗愛丁堡食壽司......  

不過同日仲要去"笛米",咁無理由為咗買米特登走返去Glasgow 架~

 所以分別去咗2間愛丁堡既中超買米 + 入貨!

 其實依咋野Glasgow 全部都有得賣,不過我發現愛丁堡中超好多野都平少少喎!

第一次幫襯愛丁堡既中超,感覺比Glasgow 既中超細間好多,不過貨品總算齊全,但選擇一定比Glasgow 少(好多!)......



好多住喺英國有烘焙經驗既網友都知道 - 英國洋人超市係無純低筋麵粉賣既!

因為洋人焗蛋糕一係用中筋麵粉(Plain Flour)或自發粉(Self Raising Flour);

所以洋超只買到以上2種麵粉~

P.S. 自發粉即係已加入咗發粉(即泡打粉, baking powder)既低筋麵粉。

間中中超會有一包半包日清純低筋粉,不過貨源相當唔穩定!


 今次無意中比我喺愛丁堡其中一間中超搵到依盒香港入口既低筋麵粉!

低筋麵粉係指蛋白質含量少於9%既小麥麵粉~ (通常係8.5%)


 依盒蛋白質係8.6g,close enough 啦!

等我搵日試吓佢好唔好用先!

如果好用的話,有可能以後都唔洗再等返香港時先買低筋粉~



唔知愛丁堡係咪有好多泰國人呢?  我發現愛丁堡好多泰國餐廳!

今次除咗去咗2間中超之外,仲去咗一間泰國食物店......


 只買咗一包細條爆砂魚肚 + 一樽胡椒粉~


 依枝成枝殺蟲水咁款既泰國胡椒粉,喺Glasgow 未見過呢!

自稱有60年歷史,但只售£1~

不過真係好香好好味,食得出絕對係優質胡椒粉!!




去完中超、泰超之後......

下一站就去咗Waitrose - 買我一食鍾情既粉藍雞蛋!


 今次依盒仲藍過上次果盒!!

咁無理由齋買一盒雞蛋咁無聊架......


 Waitrose d野真係幾貴 - 5樣野加埋已經要成£13!!

不過Waitrose 既貨,其實超市真係未必有得賣......


 John West 油浸吞拿魚間間超市都有得賣; 而油浸黃旗吞拿一般係玻璃樽裝; 依隻罐裝我係第一次見!


 洋人叫蟹膏/蟹黃做"brown crab meat"~


 滿滿一盒紅卜卜膽固醇! 依度無得食大閘蟹,食蟹膏補數~



是日大部份收穫都係野食!  唔食得落口既只有依2樣......


 靚靚蛋糕書一本! (內容超正! 齋睇都好鬼開心~~~ )




 Le Creuset 湯殼1個!

我屋企緊係有湯殼啦! 不過......


 一直覺得用開依個孖人牌襯其他大煲無問題,但就太大for 依個23cm oval!

之前已經想買多一個細d既湯殼......


 咁望落就好睇得多嘞~

(依個咁既所謂"原因",連我都覺得自己好無聊......)



>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

第二日星期一(9月26日)係蘇格蘭公眾假期,不過Mr.T 要返工~

而我既shopping mood 意猶未盡,決定一個人悠閒地出動!


 先去麥麥歎個早餐~


 收穫唔算多,不過全部都喺我計劃之內想買既! (另有部份想買既野仲未搵到......)

是日收穫幾乎全部都係整蛋糕用品......


 打算短期內試整彩繪蛋卷,特別買個面積細少少,但深少少既新焗盆~

(覺得之前用開既swiss roll 焗盆唔夠深又實在太鬼大個!!)




 可食用金、銀蛋糕色素噴劑 (另外仲想買多枝珍珠色!!)




 糖皮花cutter




 可食用蛋糕裝飾金銀 + 彩虹糖珠




 喺£1買咗個膠合用來放朱古力筆~




 仲有2枝唔啦間定妝用噴面礦泉水!



>>>>>>>>>>>>>>>>>>>>>>>>>>>>>>>>>>>>>>>>>>>>>

搭blog......

好多網友都問過我一個問題: 點解我成日都買到佢地買唔到既野/食材?

其實係因為我鍾意躝街!

躝街躝得多,不知不覺就會發現到好多比較少見 + 特別貨品既店~ 例如......

蘇格蘭有好多波蘭人,自然出現咗一d賣波蘭食品既店!


 依間"Polish Taste"位於West End,裡面有好多波蘭入口既特別食品~


 佢地d野好平,果日我買咗4樣野 - 來埋都唔洗£4!

不過有好多貨品包裝都只有波蘭文,唔知係乜東東來......



Horseradish Sauce (辣根醬)間間超市都有得賣,

不過普通既Horseradish Sauce 都係白色既~


 而依樽係加咗蔓越莓(cranberry)既辣根醬~  

粉紅色既Horseradish Sauce 我第一次見呢!




 貪得意買既迷你字母 + 數字粉~




 Lipton 罐裝綠茶 (Lipton 既茶包 + 樽裝茶周圍都有得賣,不過綠茶就比較少見嘞!)



Glasgow 有好多中式超市都會請波蘭人做野; 而中式超市工作時間都幾長......

唔知係咪為咗方便波蘭員工放工後買野呢?

全蘇格蘭最大既中超泗和行,有幾個凍櫃都係售賣波蘭食品~~


 因為咁...早前我喺泗和行買過一包cake flour - 買時我只係看圖認粉!

返到屋企用Google Translate 查過 - "Tortawa"係波蘭文"蛋糕"既意思;

同時搵到資料 - 波蘭係無自發粉既!

不過依包係咪等如我地亞洲人慣用來整蛋糕既"低筋麵粉"呢?

未必~ 因為始終要睇返蛋白質含量! (但依包無註明!! )



就好似我依個賴野既例子......


 今次買咗依隻唸住試吓! 唸住同樣係"Tortowa"實無屎啦......


 點知返到屋企先睇到蛋白質有成11.7%!!
_1651.gif image by veronica_tsim


超過11.5%已經係高筋麵粉來咯喎......

乜筋粉物筋粉......比佢地搞到頭都大埋!!!!







18 則留言:

  1. i also planning to make 彩繪蛋卷 "one day", looks really attractive. Now wait for yours.
    [版主回覆09/29/2011 01:10:00]"one day"  im planning to make it "later"!
     
     

    回覆刪除
  2. <乜筋粉物筋粉......比佢地搞到頭都大埋!>this is what i want to say haha... 今次收獲真係好好好豐富呀!勁!
    [版主回覆09/29/2011 01:09:00]乜筋粉物筋粉依個問題,喺香港容易解決好多!
    其實我個個星期去中超都差唔多! 不過無理由個個星期update 自己買咗咩餸嘛~
     
     

    回覆刪除
  3. 其待你的彩繪蛋卷~~
    [版主回覆09/29/2011 01:07:00]我都好心急想試吓整呢!
     
     

    回覆刪除
  4. HI..I used Mcdougalls Supreme Premium Sponge Cake flour..Protein 8%, I tried on 紙包蛋糕。。works fine too.
    [版主回覆09/29/2011 01:07:00]yes i know that Mcdougalls Supreme Sponge contains 8% of protein cos i use this flour to make my sponge cakes. however it is self raising NOT purely cake flour!  i can only use it for making cakes but not other recipes such as moon cakes' skin dough, since it contains raising agents.
     
     

    回覆刪除
  5. 苏格蘭去爱丁堡要一个钟吗??
    [版主回覆09/29/2011 00:56:00]UK 係由England, Scotland, Wales + N. Ireland 4部份組成; 我住果度係Glasgow 呀~ Edinburgh + Glasgow 都係同屬Scotland 架!
     
    Edinburgh 喺Glasgow 隔離,45分鐘左右啦~
     
     

    回覆刪除
  6. 我住在sheffield ,sheffield 也有两间挺大的中国超市,可是我就很喜欢到manchester 去,sheffield 到manchester 要一个钟。
    [版主回覆09/29/2011 00:50:00]咁來回咪要成2粒鐘?
     
     

    回覆刪除
  7. Pandos - 喺Krakow2011年9月28日 上午9:58

    爆砂魚肚... 係煮餸用定零食嚟架? 好正咁呀!!!
    上次見完你d蛋, 即刻出去揾... 唔見有... 好失望呀!
     
    [版主回覆09/29/2011 02:56:00]依d爆砂魚肚咁鬼細條,cheap 野來架咋! 我買來滾粟米湯...V媽媽之前買咗d好粗好大條既爆砂魚肚過我,果d就用來炒來食,唔想用來滾湯咁浪費嘛~
     
    噢~ 我唸可能妳果邊無入口依隻蛋啩....如果妳真係好想試,可以試吓email 佢地問吓可唔可以online order: http://www.clarencecourt.co.uk/home/
     
     

    回覆刪除
  8. 豐富
    [版主回覆09/29/2011 20:39:00]OK啦!
     
     

    回覆刪除
  9. 這款爆砂魚肚其實係[泰國炸豬皮] ,是可以即食的小食
    通常用來點[泰式辣蝦醬],或空口當小食的
    我間中都買來吃
    [版主回覆09/29/2011 20:36:00]我依包係魚肚來架!
     

     
    妳講果隻泰國炸豬皮我都見到 + 我都覺得似樣,不過豬皮係一塊塊,依隻魚肚係一條條管狀~ 而且炸豬皮都有個標籤印住Fried Pork Skin! 
     
     

    回覆刪除
  10. 我去超市都好鍾意睇d不同國家既產品, 有d唔識睇就估下 但香港大多數都有加英文標籤既....
    [版主回覆09/29/2011 20:30:00]依度大部份入口食品都有加英文標籤既,不過唔知點解波蘭入口果咋無既呢?
     
     

    回覆刪除
  11. haha, i think you will take action faster than me! btw, thanks for telling us how to know the flour is which 筋粉..i have checked those i buy in italy, we got those 8.5% protein bor...flour 00 is 8.5% protein while flour 0 is 10%.
    [版主回覆09/30/2011 20:11:00]heehee~ bcos i have another priority before 彩繪蛋卷!  
     
    we can get 00 flour over here! however it contains 11% of protein......so confused!!!!  
     
     

    回覆刪除
  12. 17/8 I went to UK. I went to Waitrose,my first time, most of thing brought 3 paid 2. I spent £ 150 cos I just put the goods in the trolley and forgot to check the price.
    我去了一間中歺廳在王子大街,在愛丁堡.要上二樓的。在一個丅 字口對正north bridge.嘩好難食呀. 一杯jasmine tea ( tea bag x 1 + hot water) cost £ 2.5 pound.
    [版主回覆09/30/2011 20:04:00]英國d野一向都貴~ 而Waitrose 又係叫做高檔少少既超市,佢地d野不嬲都係貴!
     
    妳記唔記得間中餐廳咩名呀? 我大約估到係邊間,不過唔肯定.....
     
     

    回覆刪除
  13. 我覺得個brown crab好正wor!你食左未ar?
    見你買咁多野,hk黎緊都有假期,我都想買d靚野黎煮下野食
    [版主回覆09/30/2011 19:52:00]仲未試過啊~ 我唸住一陣試吓用來炒飯!
     
    其實我個個星期都最少去一次中式超市入貨,因為我鍾意食中國菜,洋人超市買來買去都係西蘭花.....
     
     

    回覆刪除
  14. 蟹黃正呀﹗我呢度冇見過有蟹黃賣~
    [版主回覆10/03/2011 06:04:00]真係好正呢! 我一口氣空口食哂成盒.....  我都係第一次見到有蟹黃賣咋~
     
     

    回覆刪除
  15. 個炒飯整左未ar?? 我今日都去買左好多野食,haha! 可能因為你置身洋人環境,所以要買中國菜,我日日對住中國菜,覺得好悶!!
    [版主回覆10/03/2011 06:03:00]最後無整到炒飯,因為我忍唔住空口食鬼咗成盒蟹膏......
     
    妳買咗咩好野食呀?
    其實我所指既中國菜係蔬菜呀! 洋人超市蔬菜選擇好少,食來食去果幾樣~ 我好鍾意食菜,中國蔬菜先啱我口味!
     
     

    回覆刪除
  16. Hong Fu noodle bar.
    [版主回覆10/03/2011 05:55:00]噢...咁唔係我唸緊果間嘞! 依間我未聽過.....
     
     

    回覆刪除
  17. 把鬼!
    [版主回覆10/03/2011 23:39:00]其實愛丁堡有好多好食既餐館,係妳唔好彩揀正間把鬼啫!
     
     

    回覆刪除
  18. 下....成盒食哂!?!?好高膽固醇wor.......小心小心.........咁係咪好好味??
    我冇你買咁多野,買薯片食,同埋買朱古力想整chocolate mousse!
    我唔係中國d菜ga,haha!即係d炒菜個d呢,我中意食salad,所以中意食洋人ge菜,haha!
    我成日整西餐食,宜家食到有d悶悶地,但又唔中意食中菜,唔知道整d咩好~你平時仲整d咩食ga??
    [版主回覆10/03/2011 23:38:00]我一向都係高膽固醇人來!  係好好味~ 好似食咗大咋蟹蓋咁既感覺!!
     
    咁我同妳口味好唔同嘞 - 我唔嗜零食既! 亦唔like 朱古力~
     
    沙律我都啱~ 不過我鍾意食飯,所以一定要食吓中國蔬菜!
     
    我都會炒粉麵或有東南亞特色既食物既~ 妳可以睇睇我網誌食譜既分類!
     
     

    回覆刪除

Related Posts Plugin for WordPress, Blogger...