World War Z filming set - Brad Pitt in Glasgow!

有留意國際娛樂版既網友可能都知道萬人迷Brad Pitt 正喺Glasgow 拍緊喪屍片World War Z! (老公有幾位朋友早前走去應徵做臨記扮戲中喪屍被選中呢! 哈哈~~~~ )

Glasgow d人轉數都好快吓! 難得有Hollywood 巨星來拍戲......

 有餐廳承機搏宣傳...特別推出一隻叫做"Brad Pitt Special Panini"既意式三文治!
咁都比佢地唸到，頂佢地唔順......不過搵日我都去試吓依隻Brad Pitt 先!!

戲喺Glasgow 市中心拍攝，George Square 附近既Merchant City 好多條街都全面封哂來拍戲!
雖然戲喺Glasgow 市中心拍攝，不過其實故事地點係美國費城(Philadelphia)......

 所以封咗果幾條街全部裝哂道具美國交通燈 + 街名路牌; 連建築物都插哂美國國旗......

 建築物門口改哂門牌 + 地址......

 細微到連George Square 四周平時掛既廣告海報，全部都換哂費城既報;

 依間位於Merchant City，我同老公間中去食野既Scottish Pub 就仲搞笑 - 門口海報無啦啦加咗2枝美國旗! 

雖然唔係第一次有Hollywood 明星來Glasgow 拍戲(之前Morgan Freeman + 李連杰都來過Glasgow 拍"Unleashed"! )，我又唔係特別鍾意Brad Pitt，亦從來唔覺得佢靚仔or sexy whatever......

不過有Hollywood 巨星來拍戲始終唔係常有既事，所以我都八卦埋一份走去睇WWZ外景filming set~

 連日來George Square 附近都企滿大咋同我一樣咁八卦既人圍觀......

 不過大家都只可遠觀......

 行到最近都係咁......

 相機zoom 到最遠只係影到大班工作人員行行企企......都係影唔到Brad Pitt!

 不過見有好多人好似佢咁攞住碌大砲 ，佢地影到Brad Pitt 既機會應該高好多!!

雖然影唔到Brad Pitt，不過街上泊咗好多戲中道具車比人任影......

 咪睇依架Mazda 平平無奇咁呀......

 車頭貼咗張紙話明係戲中道具車來架!

話唔定將來戲上畫既時候會見到依架車，無執輸影咗先!! 哈哈~~~~

 我特別鍾意依架肉店貨櫃車! (可能因為同食野有關...哈哈~~~~~)

 依架可以近看又可以摸，我同老公研究過車上既"污漬" - d污漬係假既!

 見架凍肉車後面有個電話冧把...我同老公無聊得滯......
返到屋企特登上網搵咗費城國際號碼，再試吓打依個電話號碼，驗証一下係咪真係肉店!
結果當然係空號啦!! 哇哈哈~~~~~

>>>>>>>>>>>>>>>>>>>>>>>>>>>>>>>>>>>>>>

我一直有個疑問 - 一套平均戲粒幾兩粒鐘~ 點解香港人可以快起上來可以一星期拍好一套戲; Hollywood 製作就算拍幾個鏡頭都搞成幾個星期?

當然製作規模係一個蚊脾同牛脾既因素~ 不過我唸應該仲有其他原因......

今日我去Princess Square 行街，當我搭緊電梯上緊2樓Le Creuset 既時候，我發現身後尾隨我上2樓果5個人 - 全部身上都掛住WWZ 工作人員ID Badge!

到咗2樓時，佢地全部入哂去Vivienne Westwood......

我唸香港人拍戲，拍緊外景唔會有工作人員走去shopping!