2011年8月23日星期二

第22把菜刀! (2011年8月21日)

無錯~ 又係廚房野!

 大家請以熱烈既掌聲去歡迎我廚房第22把菜刀 - 關孫六!

無啦啦做乜又pat pat 痕買把刀呢?

其實...唔買係唔會對唔住自己既;

不過...唔買既話會覺得好蝕底咁囉!

我一向好鍾意用日本菜刀!!



 依把關孫六,貝印出品加Made in Japan......

貝印d廚具一向都幾貴! 一個細細戚風模喺香港都要2舊幾......

依把關孫六菜刀香港 + 台灣都約售400港紙,唔算太貴~

不過英國入口既日本野一向都好鬼貴!!

就好似依把菜刀,入口RRP係£85 (約$1100); 不過TK Maxx 現售£16.99 (約$220)......

換句說話 - 仲平過香港買!

仲有就係......


 我喺另一間TK Maxx 分店,見到一模一樣依把刀賣緊£24.99!

唔知邊間分店標錯價錢嘞? 

不過人就係咁架嘞 - 我覺得£16.99 抵到爛!!

把刀仲未用未知咩料住!!?!

不過今日我洗刀時,竟然喺我不知情之下將塊海綿一開二......



買完把關孫六,去咗行另一間TK Maxx.......


 想買一把依種曲柄抹刀好耐,不過之前搵到既刀身都太軟,依把夠哂硬身又好渣手!




我一直都好唔明 - 抹刀根本完全唔利,嚴格來講我甚至唔認為佢係一把刀來! 但唔知點解好多店都會將抹刀標明係利器?

因為依把"利器",店員要求我出示ID証明我夠18歲......





 依個corn stripper 粟米剝落器,原本無打算買......

不過早幾日睇雜誌見到個用新鮮粟米整既粟米周打湯好正,所以最後都係買咗!




 老公話鍾意食cream horn~ 買咗套模試吓整比佢食!



越喺英國住得耐,就越覺得購物方面開始越來越"先進"!!


 真係估唔到Asda 依d大眾化超市都會有咁靚既cupcake wraps 賣!


 配埋黑配銀既cupcake cases 先!!



>>>>>>>>>>>>>>>>>>>>>>>>>>>>>>>>>>>>>>>>>

滿足咗購物慾後,就要去滿足我個黑洞胃!


本來今個星期想去另一間酒店Crown Plaza 既dinner buffet,可惜我地想book 既時段已經fully booked~

但我又好鬼肚餓等唔到晏d......


 所以最後都係去返Hilton Minsky's!

哇~~~~~ 今餐我好厲害哇!!!!!!!!


 先整碟滿滿既頭盆......




 再整碟滿滿既燒牛肉 + 燒火腿...... 




 燒牛肉太正,再來多一個round!   




 再整碟菜咖喱加飯 + 燒火雞胸......   

原來火雞胸可以咁好食果喎!

肉浸喺cranberry sauce 裡面,又juicy 又軟,一d都唔乾! 所以我食咗2大塊......




 平時唔食甜品既我,見到個almond cake (後)個樣幾靚,攞咗一塊試吓......

(前面果個chocolate mousse 係老公既! )

不得了~ 不得了~ 塊almond cake 真係好好味~~~~~~     

雖然我已經飽到上心口,不過我始終都攞咗第二塊......

我一向對甜品興趣不大,洋人甜品更加避之則吉!

但依塊唔太甜既almond cake 已經完全俘虜咗我既芳心~

我決定要挑戰依個almond cake!




(是日帶住已被滿足既購物慾 + 滿足到凸哂出來既胃部,滿足地返屋企! )





25 則留言:

  1. 今次真係身心康泰! 身體飽飽 , 心靈飽飽 !
     
    [版主回覆08/24/2011 20:46:00]係呀~ 買又買得開心,食又食得飽飽! 二樂也~
     
     

    回覆刪除
  2. 嘿嘿, 買到那麼喜歡的東西, 就是最好呢~ 而且, 廚房用品是很誘人的~~~ 整個人開心, 就是最值得唷~ aiyo, 為什麼會不喜歡吃甜點? 那麼, 你做了almond cake之後, 要教大家做啊~~~~~ 我知道你一定會成功的 
    [版主回覆08/24/2011 20:44:00]無錯啊~ 我好享受shopping 既開心感覺呢! 而且我仲好享受買完野向老公誇獎一下自己買得幾抵幾精明~
     
    我都唔知點解自己唔鍾意食甜野?  只係由細到大都唔鍾意! 老公話我係佢認識唯一一個唔鍾意朱古力又唔鍾意雪糕既女人喎~   因為我唔嗜甜,所以我連水果都唔鍾意食呢! (但我好鍾意食菜!!)
     
    而家research 緊almond cake 食譜~ 等下星期老公出trip 我就試吓整!  希望會成功啦~
     
     

    回覆刪除
  3. 嘩 呢日又真係買得開心 食得開胃 
    [版主回覆08/24/2011 20:36:00]內外都滿載而歸呢!
     
     

    回覆刪除
  4. 我啱啱打算買刀,貝印正正就係其中一個考慮既牌子~你都有買,咁即係真係好用啦~~
    之前用孖人,竟然未到半年已經崩刀,仲要係崩後半部…好奇怪。
    [版主回覆08/24/2011 20:35:00]依把關孫六仲未用,不過洗刀時已感受到把刀好鬼利,刀柄又幾好渣手~ 至於係咪真正好用就一定要用咗先知!
     
    貝印d刀有好多個系列架~ 我之前用過"和寂"(Wasabi),用來切粉葛都綽綽有餘! 見過CitySuper 有和寂賣,又唔太貴,有興趣去睇吓吖~  
     
    我留意到香港賣既孖人牌價錢有平有貴,貴既係標明德國製造,而平既就無! 所以我懷疑佢地有部份刀唔係德國製造咁平!  
     
    其實孖人都唔錯,不過我暫時用過最好既刀始終係日本Global 具良治!  而斬刀最普通既大陸菜刀就最好用,崩刀都唔會心痛!  (心思思想買把陽江十八子斬刀體驗吓......)
     
     

    回覆刪除
  5. 洗刀時,竟然喺我不知情之下將塊海綿一開二...... ---> 要小心呀,Mrs T!
    有咁多刀,你係咪好享受切o野過程的人?我自己就是,看著整塊的食材切慢慢被分解得細細整整齊齊,好有滿足感!哈哈,我家姐笑我怪!
    btw, buffet的食物好豐富~
    ~88
    [版主回覆08/24/2011 19:38:00]Thanks 你或我!  我真係無唸過把刀竟然利成咁,我當時明明係用海綿向刀背咁來洗,洗完發現水裡面有海綿碎,再睇睇塊海綿已經一開二,只留返少少綠色沙布部份連住......
     
    其實...我唔覺得自己享受切野過程! 其實......最好就有人切好哂比我煮!  我唸其實係我鍾意買野 + 試新野就真~
     
     

    回覆刪除
  6. 燒牛肉睇到我流口水
    [版主回覆08/24/2011 19:31:00]佢地d燒牛肉真係好好食架!  
     
    不過唔好一開波就去攞燒牛肉,因為頭尾部份燒得太熟,等其他人攞完一輪,切到中間粉紅部份既時候就最正嘞!
     
     

    回覆刪除
  7. 我個陣貪玩係DAISO買左菜刀返來玩 ($2.8 MADE IN JAPAN 咪買來玩下) 發現我唔係好拎得慣日本刀, 可能我隻手大隻 仲要佢話係不銹鋼, 點知都係一樣生銹 可能因為係$2.8既關係? 珮夫人
    [版主回覆08/24/2011 19:08:00]雖然唔係話平野一定差貴野一定好,不過一分錢一分貨既定律大部份情況下都係真既! 就算大家都係Made in Japan,但由價錢都可以對品質略知一二~
     
    好似貝印咁,佢生產中價既關孫六,又生產貴到飛起既"旬刀",兩者都係廚用刀,但價錢相差可以達4倍......
     
     

    回覆刪除
  8. 哈....sheffield 这里的 T K MAXX 也有这把刀卖,我也很喜欢,第一眼看到就很想卖,是两个星期前的事,也是24.99, 我觉得有点贵。。。所以放弃了,其实看真点,是不会贵的。等我有去town 看到,我会卖。
    [版主回覆08/24/2011 18:58:00]關孫六算唔上係日本高級廚刀,不過貝印產品品質唔錯,應該會係一把唔錯既廚刀! 我仲未用,但刀柄好好渣手~
     
    我都係幾個星期前已經見到TK Maxx 有一系列關孫六刀賣,不過當時無唸過買,一來我屋企真係太多刀,二來計落唔平得過香港好多~ 不過我之前見幾間分店都係£24.99,唯獨今次見依間£16.99太抵忍唔住手先買!  
     
     

    回覆刪除
  9. 唔夠18歲唔可以買刀架, 小朋友  點解你食咁多都唔肥架
    [版主回覆08/24/2011 18:44:00]次次買親刀呀酒呀,十次著咗十一次都比人查ID! 老公次次都笑我,今次仲擺埋上FB!
     
    點解我食咁多都唔肥架 <//// 根據Mr.T 既推斷,應該係我個肚裡面有個黑洞!
     
     

    回覆刪除
  10. 妳都好涮得喎
    [版主回覆08/24/2011 18:41:00]親眼見過我食野既人,好多都會咁講!
     
     

    回覆刪除
  11. 真係羨慕你,幾廿歲人都比人當未成年
    [版主回覆08/24/2011 19:11:00]你知我幾多歲咩?
     
    我唔知你幾多歲,不過我都好羨慕你對任何陌生人講野都好似完全唔洗經大腦!
     
     

    回覆刪除
  12. 成日都好鬼happy 既Mrs.T2011年8月24日 上午4:25

    為免有人以為話我幾十歲我就發爛咋,我都係先澄清一下咩事~
     
    有人絕對唔常留言,但幾乎每次留言既內容或用字都頗無禮或具挑釁性質,每次都係咁,應該唔會係巧合啩?
     
    早幾日有一位blog 友喺FB 向我投訴,某人突然到訪佢既blog 且留咗一個無禮貌既回應,blog 友估計某人應該係由我既blog 先去到佢既blog!
     
    由此可見,並唔止我一個人對某人既回應反感!
     
     

    回覆刪除
  13. 買刀買酒都係同埋你老公一齊去算吧啦, 次次都係咁  你餐buffet睇到我好肚餓呀 
    [版主回覆08/24/2011 20:59:00]其實我而家每次買刀都係同老公一齊,因為我有太多刀,所以每次想買時都會比老公睇吓把刀+ 問吓佢好唔好買...今次把關孫六時都係同老公一齊買,仲係佢比錢既添,所以無查我ID!
     
    之後我係去咗另一間分店買抹刀,老公當時去咗第二度買演唱會飛.....
     
    所以最不可思議既唔係佢地查我ID,而係佢地查親我ID,我都根本唔係買切野既刀! 上次係磨刀棒,今次係完全唔利既蛋糕忌廉抹刀.......
     
     

    回覆刪除
  14. 對不起,激嬲你
    [版主回覆08/24/2011 20:08:00]你無激嬲我~ 不過我一向都覺得妳既留言好無禮貌!
     
     

    回覆刪除
  15. 磨刀石都算“利器”???  冇野講   
    [版主回覆08/24/2011 21:25:00]唔係磨刀石~ 係磨刀棒呀!  (掘頭,完全唔尖既!)
     
    依篇: http://hk.myblog.yahoo.com/veronicams_tsim/article?mid=47774  
     
    妳都有留言架!
     
     

    回覆刪除
  16. 你完全可以開個煮食用具展.勁!.你個頭盤真係引死我啦.好想食呀!
    [版主回覆08/25/2011 00:51:00]Hilton d自助餐頭盆主菜甜品都好好食架!
     
     

    回覆刪除
  17. 嘩﹗你滿載而歸之餘﹐胃口仲好好喎。把刀0甘抵買﹐比著我都唔會放番低啦。我好羨慕你可以食0甘多都唔肥呀﹗我昨日剛剛搬去左升級版喇﹐依家在適應中。
    [版主回覆08/25/2011 20:04:00]果日真係黐咗線! 食完一碟又一碟......
     
    其實我見到依把刀已經幾個星期架嘞,不過之前全部都係£24.99,唯獨今次見依間£16.99太抵忍唔住手先買!
     
    嘻嘻~~~ 我唸我遺傳咗V爸爸啩? V爸爸都係食極唔肥~  
     
    新版感覺如何呀?
     
     

    回覆刪除
  18. 嘩~~ 好多嘢食呀~~~~ 不過我一定食唔到咁多... 平時我都叫大食, 但食 buffet 就食得好少.... 次次都回唔到本, 但又好鍾意食 buffet... 
    [版主回覆08/26/2011 17:44:00]我同老公去食自助餐基本上一定會回本!
     
     

    回覆刪除
  19. 估唔到TK MAXX有咁多野買。。次次都行過唔會入去。睇黎要搵日去8下先。執輸行頭慘過‘擺’家。。LOL
    [版主回覆08/28/2011 01:16:00]妳來咗英國幾耐呀?
     
    我好鍾意行TK Maxx! 佢地d貨去得好快,所以成日都有新貨,好有尋寶feel! 個個星期唔行過唔安樂~
     
     

    回覆刪除
  20. 新版無想像0甘壞﹐不過有時D字體會失控﹐想佢大時會變細架﹐我盡量唔分段就好D﹐同埋第一次用時D相上載唔到囉﹐依家先上載左D相去相簿﹐然後寫文字﹐跟住由相簿抽出相片加入就無問題勒﹐如果寫左文字而直接由電腦上載就唔多得﹐睇怕都係要等Yahoo改進下喇 。
    [版主回覆08/28/2011 01:14:00]字體失控 </// 對我來講已經夠哂差! 寫blog 最最最基本既功能就係打字,佢地搞成都夠膽死推個新blog 出來!! 新版唔好得過舊版已經唔可以接受啦,仲要問題多多......
     
     

    回覆刪除
  21. 我頭先去左。。多謝你介紹。。但我買得平過你。。好攪笑。seafood price。£14.99
    [版主回覆08/28/2011 01:10:00]再平d? 一模一樣款呀?? 我唸佢地其實可能係睇地區來定價錢!
     
    前日把刀開咗光,不過只係一般,無我想像中咁好用! 最好用仍然係Global~ 果然係一分錢一分貨.....
     
     

    回覆刪除
  22. 應該一樣,我想POST張相係到。。不過好似唔得。。我頭先用左我覺得OK同埋好輕呀。。日本仔野真係唔同D。我黎左英國2年幾啦。。都係嫁左黎呢度,日日都無所事事,所以成日上網,睇下D月BLOG友有咩好野介紹。而且平時好小出街,通常星期日先會同我老公出去囉。 我頭先上綱都訂左把 孖人牌剪骨刀,心情好緊張呀!! 你呢?!星期一BANK HOLIDAY喎,呢幾日同你老公去邊樹呀??
    [版主回覆08/29/2011 02:57:00]咁依把刀係OK既,只係無我想像中咁好~ 可能因為我有把Global (都係日本刀來!),有比較之下覺得Global 好用好多! 暫時我用過既廚刀來講,Global 真係最正,不過我唔鍾意佢個樣囉......
     
    孖人牌骨剪好好用! 不過用時一定要小心,真係好鬼利架!
     
    我無得去玩呀! 頭先同老公行完街食完飯,啱啱佢去咗出trip 一星期啊~
     
     

    回覆刪除
  23. 我都好想買呢把刀, 最衰我呢邊冇TK MAXX, 我上次買一SET陶瓷刀, 個SALES都問我夠唔夠18歲, 哈哈, 我都想呀!!
    [版主回覆08/31/2011 00:56:00]妳住得好偏僻架?  全英有超過240間TK Maxx,妳果邊竟然一間都無?  我依邊經常去既有5、6間分店,唔同分店賣既貨未必一樣~
     
    只要係要夠18歲先可以買既貨,問就一定會問架嘞! 不過佢地係次次都一定要查我ID.......
     
     

    回覆刪除
  24. 我住埠仔, 要過隔離大埠先有TK MAXX, 好唔方便
    [版主回覆09/01/2011 03:08:00]OIC!
     
     

    回覆刪除

Related Posts Plugin for WordPress, Blogger...