影餐飽!

之前提過我屋企客廳大窗外間果教堂，間中夜晚會開哂射燈好鬼靚! (網誌)

我仍然唔知教堂幾時先會開燈，不過我就發現每次佢地開咗射燈，都係踏到正一正11pm 就熄燈!

上次發現教堂著咗燈時已經將近11pm，快手拿起部相機影咗幾張，眨吓眼已經熄鬼咗......

不過早幾日比我撞正2次教堂著咗燈，2次都係大約10點零鐘......

我終於有時間換枝長鏡慢慢影餐飽!

 (攝於2011年7月7日, 10.53pm)
之前都講過英國夏天日長夜短~ 是日快11pm 個天都唔夠暗，我覺得襯得著燈既教堂無咁靚!

4日後......

 (攝於2011年7月11日, 10.28pm)
今次因為日頭時已經係陰天，而且又幾厚雲，所以10點半個天已經比上次差幾分鐘就11點暗，襯托得射燈燈光更明亮!

 同時我發現向住我客廳大窗一邊既射燈一直都係開著，不過......

原來教堂另一邊既射燈係會忽明忽滅架 - 即相中右面果個鐘既一邊!

另一面既射燈大概每隔2、3分鐘先會著一次，每次大約只維持1分鐘左~
(上面7月7日果張，就係另一邊射燈熄咗既時候影既~)
我覺得兩邊射燈都著哂靚好多!
所以依晚我渣住部相機喺客廳窗邊捕咗好耐......