2011年7月16日星期六

素菜調味料 - 味全高鮮香菇風味調味料

初一十五食花齋屬於食佛教素~

食佛教素係指戒吃食葷腥: 腥係指動物肉;
而葷就指五辛,即五種帶有辛味之蔬菜 - 蔥、蒜、洋蔥、韭及興渠。

雖然五辛都係植物,不過因帶有刺激性,所以佛家認為會助長人之利慾心與淫念。

如果只純為健康而食素就無咩所謂,
不過如果食宗教素既話,除咗食材之外,調味料方面都一樣留意成份啊!

我食咗花齋剛剛好2個月......
雖然我算不上係佛教徒,不過我相信佛教道理~
既然開始咗初一十五食齋,我會盡量做到足喺齋期連五辛都唔食!

我平時炒菜會用雞粉......

 因為食花齋既關係,我特別買咗樽蔬菜調味粉~

 不過我發現成份中含蔥蒜韭菜! 所以齋期都係唔用得!!

 早前喺中超發現依隻台灣出品既味全高鮮香菇風味調味料......

 成份只係菇菇,依個合格嘞!

 開蓋後即聞到一陣濃郁菇香 ,用法同雞粉一樣~

我試過只用粟米油 + 香菇粉來清炒菜心,炒出來既菜心香噴噴充滿菇香,更加突顯到菜心既清甜......好味到呢!!!!!!!!

無論食素與否,我都強推依樽香菇粉!



7 則留言:

  1. 呢個香菇粉唔錯喎...用嚟沙素菜, 有益又健康...
    我尋日都跟舊同事去佛堂食素菜, 味道很好...雖然我沒有信仰, 但我想我會再去佛堂, 聽道理也好...
    [版主回覆07/17/2011 05:39:00]依個香菇粉好香好鮮味,放湯都好正架!
     
    我都無宗教信仰,不過我就相信佛教道理~
     
     

    回覆刪除
  2. 食素用 菇 菇咪岩攞,,呵呵..好爛
    [版主回覆07/18/2011 03:28:00]依隻菇粉用來煮素又得,平時煮餸一樣得!
     
     

    回覆刪除
  3. 其實食素都幾好可以清腸胃
    [版主回覆07/18/2011 03:27:00]腸胃我已經日日清架啦!  
     
     

    回覆刪除
  4. 塔羅女神-王姬2011年7月17日 上午8:50

    支香菇粉好得呀!!! 我好鍾意食菇架! 等我都去台灣店搵一下有冇得買時, 等食齋時味道可以多D元化
    [版主回覆07/18/2011 03:24:00]依樽菇粉真係好香好好味! 用來煮齋無問題,平時煮餸都一樣好味~
     
     
     
     

    回覆刪除
  5. 《Ka MaN 日記》2011年7月17日 下午4:31

    唔知 melb 有無呢...
    如果有可以買樽比朋友仔媽咪...
    因為佢都係 初一 & 十五食齋架...
    佢都有叫我同朋友仔初一 & 十五食...
    我就無咩問題 (我只係當一個月有 2 日食清 d ja)...
    係朋友仔唔肯 ja...
    佢一唸到食齋就係咩都無得食...
    我唸我都搵一日初一 or 十五煮餐齋改下佢 d 唸法先...
    但就要上黎偷師啦..!!
    [版主回覆07/20/2011 18:21:00]咁唔一定要依個牌子既,妳應該睇吓有無類似產品! 妳住澳洲唔敢寄比妳啊~
     
    V媽媽無食齋習慣,不過我都買咗一樽寄比佢試吓!
     
    我叫Mr.T 唔洗同我一齊食齋,佢鍾意食乜都得~ 但佢反而主動堅持話同我一齊食! 我覺得對佢依種完全唔鍾意食菜既食肉獸來講好大犠牲架嘞,我真係好感動呢~
     
     

    回覆刪除
  6. 我都見到網上有人成日用呢隻菇粉呀~ 不過我自己就未見到有得賣~
    [版主回覆08/05/2011 21:30:00]依隻菇粉係台灣野來,妳果邊亞超多唔多入口台灣野?
     
     

    回覆刪除
  7. 我呢邊D亞超台灣貨唔多﹐ 越南同其它東南亞貨就好多~
    [版主回覆08/06/2011 20:28:00]OIC! 我依邊本身東南亞 + 越南貨都好多~ 自從倫敦開咗入口台灣食品公司後,連帶多咗好多台灣貨品!
     
     

    回覆刪除

Related Posts Plugin for WordPress, Blogger...