蕃茄薯仔湯; 自製蜜汁叉燒; 蒜蓉蒸蝦 & 西蘭花炒帶子
其實星期日我好少下廚~ 本來62上星期由香港返來，所以99一早叫老公 + 我星期日返去食飯......
後來62因事延遲回英，咁不如改為請99來我地屋企食午飯嘞!
近日蘇格蘭天氣大好，藍天白雲大太陽兼無咩風熱到飛起!
天氣一熱我就想飲蕃茄薯仔湯架嘞 - 酸酸地開胃嘛~
反正未見過99煲蕃茄薯仔湯，請99來食飯想煮d佢平時少食既餸菜!
原本想整V媽媽既拿手宴客菜 -
家鄉南乳鴨~ 不過喺英國生活就係咁架嘞 - 當妳想買鴨既時候，多數都無得賣!
行勻哂Asda Tesco一隻鴨都無得賣!!!!!
本來想整茄汁大蝦~ 唔知點解一直覺得茄汁蝦依個餸感覺好"冬天"? 可能因為農曆新年會煮茄汁蝦做"嘻哈大笑"啦! 哈哈~~~~
)
不過因為就返99身體唔想佢食咁鹹，所以今次只落咗幾滴試唔真個味!
下次先再試真d依枝野味道!!
雖然Tesco 無鴨賣，不過見魚檔連橙色果part 既帶子幾新鮮......
其實依餐每樣餸我都好鍾意食!
不過大熱天時煮完餐飯標哂汗，我已經無咩胃口......
>>>>>>>>>>>>>>>>>>>>>>>>>>>>>>>>>>>>>>>>>>
題外話......天氣轉熱，我頭髮又開始生返長 - 熱上加熱!
有人話瘦人怕凍唔怕熱，不過我發現自己好麻煩 - 冷熱都怕!!
頭髮已經長到可以紮到條豬尾嘞!我打算留返長把頭髮~
因為我頭髮生得好快長，要我成日去salon keep 住剪都幾煩!
蕃茄薯仔湯食譜click here~ 自製蜜汁叉燒食譜click here~ 蒜蓉蒸蝦食譜click here~ 西蘭花炒帶子食譜click here~
99一定好開心, 呢個新抱仔這麼乖, 。 我覺得你留長頭髮 好看, 比較嬌俏些’
回覆刪除[版主回覆07/05/2011 22:02:00]煮餐飯仔啫~ 我都食唔少99煮既飯!
好呀~ 咁我留返長頭髮變返嬌俏啦~
樣樣都整得好吸引呀 ﹗我特別鐘意個蝦 。你對９９0甘有心﹐你９９一定好錫你。我好怕去髮型屋架﹐花好耐時間﹐所以通常長到頂唔順至去剪 。
回覆刪除[版主回覆07/06/2011 05:57:00]Thank you Dai Fa Tung! 個蝦好容易整架咋，妳都試吓吖!
我99係一個溫柔易相處既好99，而且佢生咗個咁可愛既仔 - 即係我老公! 煮餐飯好少心意啫!
我長頭髮時會等到每次返香港先剪! 不過之前一下剪到咁短，而家打算留返長，所以唸住過幾日佢修修個頭!
你呢 d 餸我都好鍾意食...
回覆刪除個蒜蓉蒸蝦好靚好好味咁...
你煮嘢咁叻...
你奶奶一定食得開心...!!!
[版主回覆07/09/2011 08:21:00]蒜蓉蒸蝦紅紅綠綠嘛!
咁我99煮野食都叻! 平時返去食飯都係佢煮，我都係煮返一餐半餐比佢食啫~
香港呢幾日都好熱呀 唔好話煮都唔想煮, 連食都唔想
回覆刪除[版主回覆07/09/2011 08:20:00]係呀~ 天氣熱煮完成身汗，真係乜胃口都無哂.......
我同你一樣, 瘦人, 但唔熱得又唔凍得。 你的頭髮真係長得好快, 你就好喇, 長同短都好睇
回覆刪除[版主回覆07/09/2011 08:19:00]其實我依邊天氣熱都無香港熱得咁辛苦，不過凍起上來就真係唔講得笑!
可能我日日洗頭按摩頭皮啩! 所以頭髮生得快d囉~
妳煮果三樣餸我都好鍾意食架!妳99一定食得好開心
回覆刪除[版主回覆07/07/2011 04:48:00]依3樣餸我自己都好鍾意呢! 係一餐愉快既午餐~
我最意食西蘭花炒帶子好正呀 !
回覆刪除妳啲頭髮真係超快長喎 ! 半年多啲就可束起來 .
[版主回覆07/09/2011 08:15:00]我都好鍾意食西蘭花炒帶子! 所以見到大粒又新鮮既帶子我就會整架嘞~
係呀~ 我都覺得自己頭髮生得好鬼快! 過幾日要去修吓~
碟蝦好似好正咁bo~^^!
回覆刪除[版主回覆07/09/2011 08:13:00]蒜蓉蒸蝦好香口，仲食到蝦既鮮甜味架!
你想買鴨冇鴨賣﹐我想買鵝冇鵝賣~ 你今次 D 帶子終於有番舊橙色野~ 不過你真係買得好低~ 我 D 頭髮都係呀﹗不過我想剪碎晒佢呀~
回覆刪除[版主回覆07/14/2011 03:21:00]我依邊除咗聖誕之外，平時都係無鵝賣架!
之前買既係細粒queen scallops 雪藏貨，今次係新鮮貨所以有紅色舊野~
我尋日終於剪咗頭髮咯!