屋企個水晶魚缸仔空置咗已經1年有多，
今日終於有返新住客嘞!
以往我一向只養2條金魚，不過今日V媽媽來電提醒 - 養魚要養單數!
咁無理由養1條孤零零架
，一於養3條啦~
以前我養一對金魚時會改佢地個名做
Sushi + Sashimi; 魚蛋 + 魚片; 魚皮 + 魚皮餃......
唔知係咪依咋名對魚魚們來講太恐怖嚇死哂佢地?
所以今次唔敢再朝食物既方向來改名~
本來只打算買2條叫做"大富 + 大貴"......
經V媽媽提醒要養單數後，就加多條"大榮華"啦~
咁就"富貴榮華"都有齊哂嘞!
特別揀咗3條唔同品種既魚魚，唔會撈亂邊條打邊條~
名字以入袋既先後次序來命名......
"大富"係一條小丹頂，即俗稱既"紅(鴻)運當頭~
性格活潑，反應敏捷，餵魚時就係佢第一時間衝上來食咗頭啖糧嘞!
"大貴"係一條小蝶尾~
性格比"大富"更活潑，不過對魚糧反應遲鈍得多;
可能自知生得四正所以愛出風頭愛做焦點e.g. 當我影緊第二條魚時，佢經常會喺我按制既一刻衝去鏡頭前面......
今日終於有返新住客嘞!以往我一向只養2條金魚，不過今日V媽媽來電提醒 - 養魚要養單數!
咁無理由養1條孤零零架
，一於養3條啦~ 以前我養一對金魚時會改佢地個名做
Sushi + Sashimi; 魚蛋 + 魚片; 魚皮 + 魚皮餃......唔知係咪依咋名對魚魚們來講太恐怖嚇死哂佢地?
所以今次唔敢再朝食物既方向來改名~
本來只打算買2條叫做"大富 + 大貴"......
經V媽媽提醒要養單數後，就加多條"大榮華"啦~
咁就"富貴榮華"都有齊哂嘞!
特別揀咗3條唔同品種既魚魚，唔會撈亂邊條打邊條~
名字以入袋既先後次序來命名...... "大富"係一條小丹頂，即俗稱既"紅(鴻)運當頭~
性格活潑，反應敏捷，餵魚時就係佢第一時間衝上來食咗頭啖糧嘞!
"大貴"係一條小蝶尾~
性格比"大富"更活潑，不過對魚糧反應遲鈍得多;
可能自知生得四正所以愛出風頭愛做焦點e.g. 當我影緊第二條魚時，佢經常會喺我按制既一刻衝去鏡頭前面......
雖然自戀狂，但"大貴"的確不失為一個好model! 
至於"大榮華"就係一條小五花琉金~
性格唔多合群，"大富" + "大貴"間中結伴游近佢身旁，佢就會一臉不肖自顧自轉身游開;
至於"大榮華"就係一條小五花琉金~
性格唔多合群，"大富" + "大貴"間中結伴游近佢身旁，佢就會一臉不肖自顧自轉身游開;
經常於缸中無故定格發呆，對魚糧幾乎完全無反應......
Welcome "富貴榮華"! 
我個魚缸都得番一條獨伶伶咋 , 本來8條但早排太熱所以全部........., 原來要養單數架, 多謝提醒!
回覆刪除[版主回覆07/22/2011 04:42:00]天氣太熱就要勤d換水嘞!
如果係經高人睇風水或夾過八字定出魚魚數目為雙數，就可以照跟~ 不過普通一般養魚就應該養單數!
你嗰 ３ 條榮華富貴好活潑可愛．．．
回覆刪除我之前都有養金魚見佢地游稷游去好開心．．．
２年前我有事要急返 ｈｋ 幾日．．．
我叫朋友仔幫我照顧佢地 （餵下佢地）．．．．
但我返黎 ３ 條都死晒．．．
佢仲要搵個义燒醬樽裝住比我睇．．．
之後都無再養．．．
[版主回覆07/22/2011 04:40:00]哇! 妳返香港幾日，妳朋友仔3條魚都養瓜哂....真係好厲害!
有無打算再養返呀?
好名好名 唔怪得知，係金魚街買一袋袋啲金魚全部都係單數啦~~~
回覆刪除[版主回覆07/22/2011 04:38:00]Thank you Jessica!
金魚好少一袋袋賣果喎! 通常熱帶魚先會包袋~ 包袋既細條金魚多數係用來餵龍或大條既魚架~
你命名既方法都好有一套呀！
回覆刪除希望牠地能带俾你同Honey富贵荣华喇~
[版主回覆07/22/2011 02:22:00]過獎Cindy!
我而家都好富貴呀 - 我心靈好富貴! 不過我唔介意"實際上"同樣咁富貴架~
養魚都幾好, 方便打理, 又可以當睇'漁樂無窮'...hehe...
回覆刪除不過我哋唔養得, 陣間比肥吉當sashimi就...
[版主回覆07/22/2011 02:21:00]係喎~ 妳養貓貓果喎!
E..無養過魚... 點解要單數既? 珮夫人
回覆刪除[版主回覆07/22/2011 02:20:00]傳統上養魚養雙數既話，音似"養傷"唔好聽; 另外有人會只養黑魚，黒魚最好數目係養5條，即"唔黑"，如果養2條就又"養傷"又"易黑".....真係唔老黎嘞!
不過有例外既e.g. 若搵高人睇過風水或夾過八字而養魚，高人定出養魚數目有可能係雙數，依個情況下就應該跟高人做法，否則一般養魚係應該養單數~
哈哈哈! 富貴榮華都有齊, 發達囉 養魚養單數, 是否風水問題?
回覆刪除[版主回覆07/22/2011 02:19:00]我發錢寒呢!
養魚養單數是否風水問題 </// 可以咁講啦! 傳統上養魚養雙數既話，音似"養傷"唔好聽; 另外有人只養黑魚，黒魚最好數目係養5條，即"唔黑"，如果養2條就又"養傷"又"易黑".....真係唔老黎嘞!
不過有例外既e.g. 若搵高人睇過風水或夾過八字而養魚，高人定出養魚數目有可能係雙數，依個情況下就應該跟高人做法，否則一般養魚係應該養單數~
又富貴又榮華，Yeah!!
回覆刪除[版主回覆07/22/2011 02:12:00]因為我發錢寒嘛!!
記得同你老公夾定邊個負責謂糧呀…之前公司養魚仔，個個以為其他人都無謂，車輪轉咁比魚糧
回覆刪除[版主回覆07/22/2011 02:09:00]哈哈~~~ 依個唔洗夾 - 因為我地之前都養過金魚，Mr.T 從來都唔餵魚既! 得我一個餵既啫~
上星期六去金魚街買龜糧我終於見到V媽媽
回覆刪除[版主回覆07/22/2011 02:07:00]妳幫襯邊間買魚糧?
我都有養金魚ga，之前養咗一條珠鱗加一條壽星，都係肥o都o都既品種，見到佢地游既時候扭下扭下個pat pat真係好得意ga。不過養咗三年幾條珠鱗就仙遊咗lu，後來加入咗一條獅頭另加一條米奇，咁啱都係三條喎! 不過金魚真係食得多疴得多，比養其他魚要密d換水!
回覆刪除[版主回覆07/22/2011 02:06:00]妳咁得意加條米奇入去既! 熱帶魚來喎......
食得多疴得多 </// 妳一日餵幾次呀? 養魚2日先好餵一次呀! 金魚唔知飽，食太多會脹爆魚膘，到時條魚唔會死，不過成世反轉來游水架!
夏天要勤d換水，不過都唔可以全缸換哂架!
你同哩三條魚起既名真係好好呀﹗大富大貴仲有大榮華真係人人都鐘意架 。
回覆刪除[版主回覆07/22/2011 01:39:00]我發錢寒嘛!
改得好.... Mr. T 有冇同佢地諗返個洋名呀
回覆刪除[版主回覆07/22/2011 01:39:00]多謝兔! 唔洗改英文名啦，我都無唸住同佢地申請passport! 英文名好失真啊~
恭喜你大富大貴大榮華 你改名好搞嘢
回覆刪除[版主回覆07/22/2011 01:37:00]Thank you Yam! 因為我發錢寒!!
都有唸住再養．．．
回覆刪除但未搵到 ｄ 我合眼緣（我覺得可愛）嘅．．．！！！
不過都係唔好再信朋友仔．．．
[版主回覆07/23/2011 17:09:00]如果妳再養，應該教埋朋友仔點打理嘛! 幾條魚仔好容易啫!
我屋企養梗個啲紅劍係一袋袋買返黎架
回覆刪除[版主回覆07/23/2011 17:08:00]紅劍唔係金魚來架，係熱帶魚啊!
早晨!多謝你這麼詳細提供。明白了!
回覆刪除[版主回覆07/23/2011 17:08:00]唔洗客氣!
so funny lei
回覆刪除[版主回覆07/23/2011 17:07:00]
so funny lei
回覆刪除哈哈~ 你改D名好搞笑呀~
回覆刪除[版主回覆07/23/2011 17:07:00]我覺得d名好襯佢地啊!
吓, 我以前不嬲係養雙數
回覆刪除[版主回覆07/23/2011 17:06:00]睇吓妳信唔信啫! 我婆仔，我信架~
我唔係買魚糧~我係去買龜糧因為金魚街賣平過大埔呢!
回覆刪除[版主回覆07/23/2011 17:00:00]咦....係喎我打錯字喎! 其實我知道妳係買龜糧架，打錯咗做魚糧.....
哈哈~ 咁既名都比你諗到 不過.....Mr.T 識唔識叫佢地架
回覆刪除[版主回覆07/23/2011 16:59:00]我發錢寒嘛! 大富大貴佢應該無問題，大榮華可能對佢有少少難度!!
富貴榮華 正
回覆刪除[版主回覆07/23/2011 16:58:00]應該無人會唔鍾意富貴榮華!
富貴榮華...xd好攪笑~~~~ 我之前都有養金魚架....不過唔夠3天就死... 死因係飽死><"....因為細細個覺得d金魚食野好得意... 一天喂佢3次.....攪到佢飽死左T.T" 所以我E家都唔敢養魚.... 一陣又害死佢地~~
回覆刪除[版主回覆07/25/2011 17:50:00]哇~ 有無搞錯呀? 一日餵3次!!!!! 佢地魚仔來架咋，妳做係人要食足一日3餐咩? 佢地唔知飽架，妳餵幾多比佢地都會食，唔怪之妳養咗3日就瓜老襯......
原來紅劍係熱帶魚...
回覆刪除[版主回覆07/25/2011 17:48:00]係呀~ 紅劍係熱帶魚來架!
金魚多數放缸展示，客人要買時揀咗先撈入袋，包裝出售既多數都係熱帶魚! 有時見到一包好多金魚仔，果d係用來做大魚既魚糧e.g. 龍吐珠~
因為我本來有兩缸魚ga，金魚米奇各一缸，d米奇仲生咗好多子子孫孫添！不過舊年屋企有事唔得閒打理佢地，最後死剩一條米奇同一條金魚，咪放埋一齊養囉，後來姪女又拎咗條獅頭來寄居，先變成咁奇怪既組合，不過佢地又相處得幾融洽喎！ 我通常一日餵一次好少量，因為朝早一起身行埋魚缸佢地就會湧晒上水面"及下及下"想食嘢咁! 我之前有條魚就係俾我媽咪餵得勁得滯攪到打橫游水，好攪笑! 但我d金魚真係呢頭食果頭就疴， 所以要成日幫佢地 撈走d poo poo等d水乾淨d，平時 我都係兩星期先換三份一水!
回覆刪除[版主回覆07/27/2011 00:28:00]OIC!
不過 一日餵一次太多嘞，應該要隔日先餵一次，魚見人浮上水其實唔代表佢地肚餓，只係有野引起佢地注意既正常反射動作來~
水應該每星期換一次，夏天天氣熱最好隔一兩日換一次!
oic，真係多謝你詳細講解呀 我一直都以為熱帶魚只係魚身五顏六色架咋，哈哈哈
回覆刪除[版主回覆07/27/2011 00:22:00]因為佢紅劍紅色嘛! 所以好多人都以為紅劍係金魚來呢~