2011年7月14日星期四

來自香港既罕有出前一丁 (2011年7月13日)


尋日(7月13日)中午時份正在煩惱午餐食乜......

 郵差叔叔送來一份由香港而來既驚喜午餐!

 係Mami 阿四寄來一大包韓國昆布絲 + 4包黑蒜油豬骨湯味出前一丁~

 早前見Mami 阿四喺FB提過依隻新出既出前一丁,我已經好有興趣想試吓!
不過check 勻哂依度中超, 都無見到依隻有型黑色包裝既黑蒜油豬骨湯味......

出前一丁我一向只愛麻油味 + 海鮮味~
豬骨湯味既即食麵都係我最愛 - 不過唔係出前一丁九州豬骨濃湯......


 而係依隻日清御當地博多豚骨風味!


今日正值我肚餓 + 唔知食乜之時就收到依隻黑蒜油豬骨湯出前一丁,急不及待即時煮一包來做午餐......

 豬骨湯味比御當地清淡少少,同香噴噴既黑蒜油非常配合!
好味到連一滴湯都飲到乾乾淨淨!!

有幾位香港既blog 友告知之前都有食過依隻黑蒜油豬骨湯味出前一丁,佢地都覺得好正,試過後想再入貨補倉但周圍都搵唔返!

連Mami 阿四都話而家唔見超市有得賣......

Shirley~ 真係好多謝妳慷慨地將依隻咁珍貴既出前一丁罕有品種同我 + Gaile 分享啊!





24 則留言:

  1. 我好後悔見到唔買而家已經搵唔返
    [版主回覆07/14/2011 18:42:00]或者遲吓會出返呢!
     
     

    回覆刪除
  2. 《Ka MaN 日記》2011年7月14日 上午5:37

    我有 D FRD 向 HK 食過都話好正。。。
    但我向 MELB 都未見過有。。。
    [版主回覆07/16/2011 03:06:00]我依邊都無啊~ 香港而家都無貨,海外更加唔洗旨意!
     
     

    回覆刪除
  3. 呢隻麵真係好正架 我都一食上隱呢
    [版主回覆07/16/2011 03:06:00]咁妳有無買到存貨呀?
     
     

    回覆刪除
  4. 好吸引wor﹐不過我哩邊應該無得賣勒 。
    [版主回覆07/16/2011 03:05:00]我依邊都無啊~ 香港而家都無貨,海外更加唔洗旨意!
     
     
     

    回覆刪除
  5. 我都未試過添 
    [版主回覆07/16/2011 03:04:00]樓上有網友話百佳網上有貨,妳試吓訂唔訂到!
     
     

    回覆刪除
  6. 呀..俾你攪到流哂口水..我最鍾意一丁既豬骨濃湯同雞蓉. 不過呢邊無得賣..睇下下次返香港有無機會見到佢啦...... 珮夫人
    [版主回覆07/16/2011 03:04:00]妳鍾意一丁九州豬骨濃湯? 咁妳一定會鍾意御當地博多豚骨,正過九州 豬骨濃湯好多架!
     
    依隻黑蒜油豬骨湯味香港而家都無貨,我唸海外更加唔會有.......
     
     

    回覆刪除
  7. V女, 您知嘛???香港真係難買呀!!!我食過返尋味唔倒.....超市話一上架就掃清晒
    [版主回覆07/16/2011 03:01:00]樓上有網友話百佳網上有貨,妳試吓訂唔訂到!
     
     

    回覆刪除
  8. 嘩, 好正呀!!! 我都好 like 出前一丁架 ...
    [版主回覆07/16/2011 02:59:00]依個新產品我真係好鍾意!
     
     

    回覆刪除
  9. 個包裝好型仔啊~~ 嘩我條食公仔麵既癮又要番黎啦~ 唔知加拿大有無得買呢?我去搵下先~~~
    [版主回覆07/16/2011 02:59:00]香港都無貨,我唸新出品先試吓市場,海外應該未咁快有得賣!
     
     

    回覆刪除
  10. 黑色包装既一丁 我在大马都好似唔多觉有喔。。
    等我下次搔街既时候去睇睇先~
    [版主回覆07/16/2011 02:58:00]依隻喺香港係新野來,妳果邊應該唔會咁快有得賣!
     
     

    回覆刪除
  11. Gaileは林家歐巴桑2011年7月14日 下午10:15

    我都連湯都飲埋呀,真係正到呢
    [版主回覆07/16/2011 02:56:00]豬骨湯我一定會飲埋架!
     
     

    回覆刪除
  12. 我鍾意鮮蝦味
    [版主回覆07/16/2011 02:57:00]我N年前試過鮮蝦味,不過而家已經唔記得咗味道係點!  聽日買包重溫吓先~
     
     

    回覆刪除
  13. Mrs Cook 小花媽2011年7月15日 上午1:43

    Hello...Mrs. T.... 呢隻黑蒜油一丁麵我喺超市只見過一次.....跟住 [ 消聲匿跡 ]....真後悔果次冇買....
    [版主回覆07/16/2011 02:54:00]樓上有位網友話百佳online 有貨呀!
     
     

    回覆刪除
  14. 我都想試下,Edinburgh 實未有啦。
    [版主回覆07/16/2011 02:53:00]Glasgow 都無,我唸Edinburgh 都應該唔會有~
     
     

    回覆刪除
  15. 我始終鍾意原味紅色包裝既麻油味,雞蓉味都鍾意,最唔鍾意係牛肉味,可能我唔食牛肉既關係,所以唔鍾意牛肉味,以前有個辛辣味(個廣告好搞笑,係講清仔送麵遇到菲利大王,跟著清仔食咗碗辛辣麵變超級撒亞人打敗菲利,勁搞笑,唔知你有冇睇過)都好鍾意食。
    [版主回覆07/16/2011 02:53:00]我唸出前一丁最受歡迎應該係麻油味! 雞蓉我都OK,不過雖然我食牛肉,不過我都唔鍾意牛肉味~
     
    出前一丁有個冬蔭味都幾好食架!
     
     

    回覆刪除
  16. Mrs. T啱啱搵到條清仔變超級撒亞人嚟推介辛辣味即食麵既廣告,真係好搞笑,好可惜依家唔見有辛辣味!!!!
    清仔變超級撒亞人廣告
     
    [版主回覆07/16/2011 02:50:00]依隻辛辣味我之前喺依邊買過喎! 不過都好耐嘞,我而家只買麻油 + 海鮮味,唔知而家仲有無.....
     
     

    回覆刪除
  17. 我都食過 , 真係幾好味
    [版主回覆07/16/2011 02:48:00]我好鍾意豬骨湯味道,加埋黑蒜油真係perfect!
     
     

    回覆刪除
  18. PXRKNSHOP 網上有貨,香港的朋友可以試下.
    成日係度睇 Mrs T 今日煮咩好野食, 估唔到第一次留言係講 "出前一丁"
    [版主回覆07/16/2011 02:47:00]Thank you suwan! 希望想食既香港網友可以訂到啦~
     
    今日十五我食齋呀! 不過等埋Mr.T 返來先開飯~
     
     

    回覆刪除
  19. 我都好中意食哩隻黑蒜味,面豉味已經變成一丁第二位了!
    其實我係香港大啲既百佳都仲見到有得賣,應該只係個別超市無架啫!惠康就唔知,少去~
    [版主回覆07/17/2011 05:47:00]我唔知blog 友喺邊度買啊~ 不過我唸可能係新產品,所以先暫時咁少有得賣啩!
     
     

    回覆刪除
  20. 日清御當地博多豚骨風味都好味,我鍾意d麵硬,我男友就鍾意食毛蟹味
    [版主回覆07/17/2011 05:45:00]御當地好似仲有隻麵豉湯架! 不過我最鍾意都係豚骨風味~ 毛蟹陣味我覺得有少少假....
     
     

    回覆刪除
  21. 咦,我屋企反而有好多包wo 唔知我mama係邊度買 不過真係幾好食 V女我想問下你呢 如果我要寄野去Hungary 可唔可以寄Plastic bottle架? (厚既膠) 定係要搵d咩wrap好佢? 因為我怕會爆呀 同埋有咩野食係可以寄架?我都係怕會爆. 薯片,汽水,真空食品,即沖既powder呢d ok嗎?
    [版主回覆07/17/2011 05:44:00]係呀? 好罕有架! 妳可以存貨來炒喎!
     
    唔同國家唔同例果喎! 我都唔知可以寄乜喎......妳寄野食最好用bubble wrap 來包啦~
     
     

    回覆刪除
  22. 係香港都買唔到黑蒜油豬骨味嘅出前一丁,早知咁正我就入多d貨啦。
    [版主回覆07/17/2011 05:40:00]有網友話百佳網上有貨呀! 妳睇吓訂唔訂到~
     
     

    回覆刪除
  23. 塔羅女神-王姬2011年7月17日 上午8:47

    嘩!多謝妳的分享呀Mrs.T, 我係香港都未見過呀!!!如果有幸見到, 真係一定要買黎試下呀!!
    [版主回覆07/18/2011 03:31:00]我都係多得好友越洋寄來同我分享,我先有幸食得到咋!
     
    有網友話百佳網上有貨,妳試吓訂唔訂到!
     
     

    回覆刪除
  24. 我屋企有兩包未食, 不過超市唔係成日有得賣架, 就算有都會好快賣晒
    [版主回覆07/20/2011 18:13:00]樓下有網友話百佳網上有貨,如果妳好好好鍾意既話試吓訂唔訂到!
     
     

    回覆刪除

Related Posts Plugin for WordPress, Blogger...