2011年6月25日星期六

台灣 - 掛包


掛包又稱割包、刈包或虎咬豬,係一種源自福州既台灣地道小食~ 台灣人仲會稱掛包做"台灣漢堡。

 早前去愛丁堡台灣美食節第一次食掛包已經好鍾意!


早幾日見到英國台灣食品網Taipec 貼咗張掛包相,即時唸起掛包既美味......


我決定要自己翻一翻!!!



A. 掛包包皮做法: (依個時候最好唔好叫依個小食做割包......)


1. 中筋麵粉500g、砂糖50g、快速酵母7g、泡打粉5g,暖牛奶或暖水380ml先搞勻成麵糰初型後,加入豬油30g搓成光滑麵糰。

2. 將麵糰分割成每個50至55g重的小份滾圓,用保鮮紙封好放在室溫下發酵30分鐘。

P.S. 依個份量大約可做16至18個掛包~

3. 將每份麵糰用麵粉棒壓成橢圓形麵片。

4. 在半個橢圓形麵片上掃上少許油後對摺。

5. 用保鮮紙封好,靜置20至30分鐘。

6. 將(5)做好的掛包皮放入蒸籠,蒸8至10分鐘即成掛包皮。

P.S. 要待水滾有蒸氣時才放入蒸籠內 + 開始計時~

掛包傳統餡料為鹵五花肉、酸菜、花生粉 + 莞茜!

B. 鹵五花肉做法:

1. 五花腩用胡椒粉、五香粉、糖、生抽和少許老抽醃數小時。

2. 炆鍋內燒熱油爆香薑片、拍扁蒜頭,放入五花腩爆炒至金黃後灒酒。


 3. 加水至蓋過五花腩,放入鹵包1個。

 
4. 再加入醬油膏和冰糖煮至回滾,改以小火炆2小時即成。


C. 酸菜做法:

 1. 酸芥菜隔汁,沖洗後搾乾水。

 
2. 酸菜切碎。


 
3. 燒熱油鑊爆香蒜蓉、乾蔥蓉和紅辣椒,下酸菜用少許糖調味炒香即成。


D. 花生粉做法:

其實市面上可以買到現成花生粉,不過我依邊就要上網先有得賣!

但花生粉亦可自行DIY,香味比現成花生粉更濃呢~

 1. 市售已熟連殼花生適量。
P.S. 亦可自行買生花生仁炒熟! 不過唔建議買市售已去殼既熟花生,因為多數加咗鹽或其他調味料。

 2. 將花生去殼去衣。

 
3. 花生放入碎肉機內打成粉後,加入少許糖再打勻即成。

P.S. DIY花生粉不宜打得太碎,否則會打出油份,成品就會唔夠乾! 若花生粉打過龍已滲出油份,可以將花生粉放入焗爐內以低溫烤乾。

 可一次過做多少少花生粉,放入容器內保存。
P.S. 自製花生粉過一段時候香味會減退,用時可將花生粉略炒一下回復香味!

 將做好的鹵五花肉和酸菜放入蒸好的掛包皮中,再放入新鮮莞茜,最後灑上少許花生粉,即成美味掛包!





33 則留言:

  1. 11111111111111 我唔客氣黎試件先 
    [版主回覆06/27/2011 03:40:00]妳第1,兩件攞哂去啦!
     
     

    回覆刪除

  2. 你整得好吸引呀 ﹗流晒口水喇 。
    [版主回覆06/27/2011 03:38:00]Thank you Dai Fa Tung!  依個小食真係一食難忘架~
     
     

    回覆刪除
  3. 嘩!做一個掛包原來要咁多工序o架!我都係嚟妳度食囉!
    [版主回覆06/27/2011 03:37:00]係多工序啫,不過其實可以同一時間整幾樣野e.g. 炆緊肉時搓包; 包發緊酵時炒酸菜磨花生粉嘛!
     
    老規矩 - 用妳d鹽酥雞同我交換啦!
     
     

    回覆刪除
  4. Kanny...yan's Blog2011年6月25日 下午8:10

    好好味啊,早餐食一個真perfect!!
    [版主回覆06/27/2011 03:34:00]係呀~ 真係好適合用來做早餐架! 不過我最少要食3個先夠!
     
     

    回覆刪除
  5. 好好味
    [版主回覆06/27/2011 03:31:00]Thanks Leelee! 係好好味架~ 試吓整吖!
     
     

    回覆刪除
  6. 太多功夫了! 不過包包真係好吸引! 
    [版主回覆06/27/2011 03:26:00]Thanks chumama!
     
    看似好多功夫,不過除咗炆肉之外,其他step 都好快手架咋~ 而且可以同一時間整2-3個steps,所以overall 好快就有得食!
     
     

    回覆刪除
  7. 我岩岩去完台灣返黎啦
    都有食到呢個包呀,真係好好食呀!
    MRS T你真係好叻,掛包都識整
    去完台灣真係好唔捨得呀,而家重好掛住個度既野食,返到黎真係要自己學下點整先得!
    [版主回覆06/27/2011 03:24:00]welcome back! 玩得開心嗎?
     
    過獎嘞~ 依個只係多steps,不過一d都唔難整! 有興趣試吓整吖~
     
     

    回覆刪除
  8. 個鹵五花肉真係好正

    回覆刪除
  9. KwokMan kuen eunice2011年6月26日 上午2:45

    個味道似吾似牙

    回覆刪除
  10. It contains so many procedures and steps, you're so patience.

    回覆刪除
  11. 呢個係心機菜~
    [版主回覆06/27/2011 03:18:00]依個只係多steps啫~ 不過炆緊肉時可以搓包; 包包發緊酵時可以炒酸菜磨花生粉......所以overall 整既時間唔係好耐架咋!
     
     

    回覆刪除
  12. 塔羅女神-王姬2011年6月26日 上午7:52

    嘩!!!好犀利呀!!!我真係十個的佩服呀!由個包到上面的花生醬都係你由原材料自家製架!!!!睇到我流哂口水! 真係啖啖都係心機呀!
    換左係我,我諗我會去買急凍包包整熱佢, 最多入面D饀會自己整,哈哈!我都已經覺得自己好叻~~
    [版主回覆06/27/2011 03:16:00]過獎嘞塔羅女神!  整依個根本完全唔難,只係多steps 之嘛~ 個包 + 花生粉都好快整得到(粉來架~ 唔係花生醬呀! ),而且我無見過依種急凍包包啊~
     
     

    回覆刪除
  13. 你好厲害呀~~超吸引
    [版主回覆06/27/2011 03:12:00]過獎嘞瑪姐!  依個只係多steps,不過唔難整!
     
     

    回覆刪除
  14. 睇左一輪你嘅blog, 一定要講句----好犀利
    [版主回覆06/27/2011 03:10:00]妳好咖喱媽媽!  過獎嘞~ 我整到既野,人人都整得到!
     
     

    回覆刪除
  15. 炆五花煵噤香,住你隔離屋好慘,hahaha.....
    [版主回覆06/27/2011 18:23:00]其實炆緊肉時........我喺屋裡面仲加慘呀師姐!!!
     
     

    回覆刪除
  16. 嘩...好靚,等我有時間都去整比未來老公食先~~
    [版主回覆06/27/2011 18:23:00]Thank you Tiffany!
     
    幾時大日子呀? 恭喜哂~
     
     

    回覆刪除
  17. 你可以開鋪頭呀!!
    [版主回覆06/27/2011 18:22:00]好呀~ 晶晶妳打本比我開舖吖!
     
     

    回覆刪除
  18. 你尼个好得呀! 我要3个呀!仲有没呀!
    [版主回覆06/27/2011 18:21:00]Thank you Cindy! 17個包包........尋日已經食鬼哂嘞!  下次留返3個比妳~
     
     

    回覆刪除
  19. 你真係好犀利,咩都識整,其實有咩你係唔識整呀?
    [版主回覆06/27/2011 18:19:00]過獎嘞靚仔Oscar!  掛包只係steps 比較多,但一d都唔難整架!  
     
     

    回覆刪除
  20. 嘩...呢個包包, 真係唔簡單...
    [版主回覆06/28/2011 07:51:00]逐樣拆開來其實好簡單架咋!
     
     

    回覆刪除
  21. 絕代《方華》2011年6月27日 上午8:06

    (Empty)
    [版主回覆06/28/2011 07:50:00] 
     
     

    回覆刪除
  22. 真係好吸引呀
    [版主回覆06/28/2011 07:49:00]Thanks 菲仔!  依個包包真係好好味架!!!
     
     

    回覆刪除
  23. 呢個包包好得意呀 等我抄底個食譜試下先  (偷野走 速逃
    [版主回覆06/28/2011 07:49:00]笨笨~ 邊有人偷野會話比人知架?   (依d係咪叫做笨賊? )
     
     

    回覆刪除
  24. 嘻嘻,你整果D重靚過出面食果D, 我2011年10月21日就會成為王太啦~哈哈!!  
    我籌備緊個新BLOG到時用新BLOG黎探你~
    [版主回覆06/28/2011 07:46:00]
    Thanks Tiffany!  我有個台灣朋友見到張掛包相,話我整得好似呢~
     
    恭喜哂呀! 搞掂哂婚禮d野未呀? 祝你地永遠幸福,白頭到老啊~ (我都係10月新娘來呢! )
     
     

    回覆刪除
  25. 嗨, Mrs T~ 這個掛包真的200分呢!又靚又好味~ 從鬆軟(但又似乎兼有點煙韌,是麼?)的包多汁的腩肉到脆脆的酸菜到香香的花生粉,都很引得我想張大嘴巴咬一口!!!
    其實我沒吃過台灣的掛包(但見過~),只吃過潤餅,也覺得很好吃~裡面的花生粉加上肉和餅原來是很美味的!
    [版主回覆06/29/2011 05:52:00]過獎嘞你或我!  第一次整好開心,我既台灣朋友都話我整得好似呢~
     
    係呀~ 個包包軟得來口感QQ,好似愛丁堡台灣美食節食到果d咁! 其實我之前去過台灣2次,不過都無食過掛包架~ 潤餅只見過無食過,感覺似一個無炸既春卷!
     
     

    回覆刪除
  26. 玩得真係好開心,好唔捨得走呀.
    如果有機會我都好想去個邊生活一段日子.
    台灣最主要吸引我既係個邊好靚既風景同埋D人真係好NICE,之後先係D美食
    [版主回覆06/29/2011 05:44:00]香港同台灣咁近,隨時去都得啦!
     
     

    回覆刪除
  27. 好勁WO~連台灣地道小食都整得到!
    真係唔洗去旅行都食到!
     
     
     
    [版主回覆06/29/2011 05:43:00]唔勁~ 唔勁~ 因為拆開每樣野都唔難整!
     
    依個我去台灣旅行時反而無食過,係上次美食節先第一次食咋!
     
     

    回覆刪除
  28. 一個無味嘅粉團加埋美味嘅滷肉同配料, 我想像到......一個字~正~
    阿V成日都無師自通~MR.T一定食到流口水~
    [版主回覆06/29/2011 05:41:00]過獎嘞SweetCandy! 其實多得我地偉大祖國長遠既飲食文化,好簡單既食材都有千變萬化既做法~
     
    Mr.T 依d為食鬼好容易滿足架咋!
     
     

    回覆刪除
  29. 見到你整的餸真係好好味丫
     
    [版主回覆06/29/2011 05:39:00]過獎嘞Melody! 只係家常小菜來啫~
     
     

    回覆刪除
  30. 你整得靚過美食節呀!
    [版主回覆06/29/2011 20:50:00]Thank you Vinci 媽咪!  過獎嘞~ 其實我美食節買掛包時已經係水尾,可能因為咁佢地d料所剩無幾啫!
     
     

    回覆刪除
  31. Gaileは林家歐巴桑2011年6月29日 上午3:04

    真係正架啫
     
    我唸妳如果喺果邊開檔可能成為第二個唔係台灣人賣台灣野而令英國人為之瘋狂既人,唸唸佢啦
    [版主回覆06/29/2011 20:49:00]如果我真係開檔的話,我唸我會係第一個唔係台灣人賣台灣食物喎!
     
    愛丁堡果個雖然係洋男,不過佢老婆係台灣人喎! 兩公婆老公的東西即時老婆的東西嘛!!
     
    我依種人做唔到生意架! 因為我會揀客只賣比我順超既客人! 咁做生意等執笠啦!
     
     

    回覆刪除
  32. 好正
    [版主回覆07/16/2011 03:29:00]依個台灣小食真係好好味架!
     
     

    回覆刪除
  33. 好正 請我食舊
    [版主回覆08/12/2011 01:21:00]隨便啦!
     
     

    回覆刪除

Related Posts Plugin for WordPress, Blogger...