2011年6月13日星期一

二人世界兩餸一湯 - 2011年6月9日 (附食譜)


姬松茸茶樹菇煲雞腳; 冬菇土魷蒸肉餅 & 西芹雞雜炒魚肚

近排少咗update blog,因為我掛住追亦舒小說!

最近發現多咗幾間有中文書借既圖書館......

 一口氣借咗大咋亦舒返來,平均一日搞掂一本!

我本身係亦舒長篇迷~ 上面依咋亦舒有長篇亦有短篇,查實長篇果幾本我自己本身都有哂 + 已經睇過哂,不過全部喺香港娘家無帶過來!

好書唔怕一睇再睇,舊書重溫我仍然睇得津津有味呢~

 "阿修羅"係亦舒眾多長篇之中,其中一本我最鍾意既! 睇幾多次都唔厭~

講返餐飯......

 早前Mami 阿四寄咗大包姬松茸比我......

 我有半包用剩既茶樹菇......

 加埋瘦肉、雞腳 + 紅蘿蔔,湯充滿乾菌香味,名副其實又香又甜~  連鹽都唔洗落呢!

 早前我用依種魷魚仔乾......

 加蒜蓉加油蒸熟 - 依種係V婆婆既食法,我由細到大都係咁食依種魷魚仔乾~

有blog 友話佢地用依種魷魚仔乾來蒸肉餅......


  話時話我仲未整過土魷蒸肉餅喎!

 所以今次試吓!

剁碎土魷加埋冬菇粒,蒸緊時成個廚房香氣四溢呢~~~~

 買咗雞肝 + 雞腎,本來想用來整滷水......

不過喺食物櫃搵到半包之前開咗用剩既爆沙魚肚......

 最後雞雜都係用來炒魚肚!

Mr.T 自從喺香港食過V媽媽既炒爆沙魚肚就愛上咗,驚為天人!


(V媽媽見到Mr.T 可以一個人食哂大砵炒魚肚都好驚為天人!!)

有次返6299度食飯,99炆咗大兜豬皮,臨開飯時Mr.T 指住兜豬皮.......


Mr.T: 我知依d係乜野來! 係魚肚裡面果卜卜!!

噢賣葛~ 我之前一直以為老公識欣賞好野先會鍾意食爆沙魚肚......

原來喺佢遲鈍既味覺之中,爆沙魚肚同豬皮根本無分別!!!!


 姬松茸茶樹菇煲雞腳食譜click here~

 冬菇土魷蒸肉餅食譜click here~

 西芹雞雜炒魚肚食譜click here~




8 則留言:

  1. 通常我唸唔到食咩餸, 去妳blog就一定流哂口水 , 食慾大增呀! 多謝妳無施既分享呀!
    [版主回覆06/14/2011 18:30:00]唔洗客氣! 其實我好多時都會偷懶唔煮飯架~
     
     

    回覆刪除
  2. 以前住英國時我都好鍾意睇亦舒
    魚肚真係好好味架!
    [版主回覆06/14/2011 18:29:00]我而家都好鍾意睇亦舒架!
     
    魚肚又好味又有益呢!
     
     

    回覆刪除
  3. 哈哈,你好鬼衰!笑 Mr. T 味覺遲鈍
    [版主回覆06/14/2011 18:27:00]咁佢味覺真係唔掂嘛! 有乜理由會覺得豬皮 + 爆沙魚肚一樣先得架......
     
     

    回覆刪除
  4. 咁又係,兩樣口感完全唔同。但佢食過豬皮未先?
    [版主回覆06/15/2011 19:09:00]佢緊係食過豬皮! 99 + 我都整過.....佢條友簡直係牛"趙"牡丹!!
     
     

    回覆刪除
  5. 我追緊睇深雪呀......亦舒新出嘅外遇....你睇咗未呀?
    [版主回覆06/16/2011 04:08:00]深雪初出道時睇過吓,越睇越唔鍾意佢!
     
    無買亦舒好耐嘞! 我依邊無得賣嘛,上面果咋喺圖書館借架!
     
     

    回覆刪除
  6. Me too..... 我都係 亦舒長篇迷呀!!!!哈哈哈哈!!!!我仲有好多係香港屋企等我下次返去pack埋ship過嚟呀!我都係淨睇長篇架渣,短篇無咁好睇嘅。其實我返三月返香港之前,有朋友都寄咗十本比我(新的,近期的)唔知係人大咗;定係因為呢邊生活平淡,所以心境清的,覺得近期的無舊個的咁好睇,無咁touching,同埋的題材好似開始好similiar,有的失望。初期嘅張小嫻都好好架。。。
    [版主回覆06/18/2011 03:24:00]一向我都係鍾意睇長篇小說多過短篇,無論咩作者都一樣!
     
    最新既亦舒我無點睇過,不過我都同意亦舒有少少新不如舊既感覺! 所以我始終最愛李碧華~
     
    個人覺得好似李碧華 + 亦舒咁既殿堂級女作家真係買少見少,新果咋無乜邊個真正入流! 張小嫻最好睇既咪得"麵包樹上的女人" + "三個A級的女人"囉~ 我介紹我阿姨睇,佢走去睇"賣海豚的女孩",睇完走來話鬼我搵佢笨......
     
     

    回覆刪除
  7. 我都係超級亦舒迷,我有哂佢既長篇小說,出一本買一本,每本都睇過好多次,有時望住成書櫃都係書好有滿足感架,不過我都覺得佢新既無舊既咁好睇,但係我都會照買,非常忠實既fans...
    另外一個台灣作家席絹我都好鍾意架,可惜依家已經好少出書,不過佢d舊書都係百看不厭~
    [版主回覆06/23/2011 02:32:00]我睇書比較雜,唔會只買同一作者~ 而且小說依類純消閒書喺我書櫃只佔好少部份!
     
    妳真係好忠實呢~  咁多亦舒長篇妳最鍾意邊本 / 邊幾本呀? 我最鍾意有圓舞、流金歲月 + 阿修羅 (暫時唸到咁多! 而且全部係舊書呢!! )
     
    台灣作家我好真係好少睇! 唔鍾意台灣人寫作果種文皺皺既風格,我最鍾意既女作家始終都係李碧華! 霸王別姬小說 + 電影同樣精彩!!!
     
     

    回覆刪除
  8. 我都係最鍾意圓舞,仲有朝花夕拾,如何說再見~~
    我睇書都好雜架,香港台灣日本外國小說漫話都會睇,其他種類既書都唔會放過,有一本書我非常超級鍾意既,The Road Less Travelled by M. Scott Peck,一本關於psychology既書,如果有興趣可以睇下丫~
    [版主回覆06/27/2011 18:17:00]多謝推介!  speaking of 關於psychology 既書,我個人最有興趣係犯罪心理學~ 其中一本我最鍾意既係Whoever Fights Monsters by Robert K. Ressler & Thomas Schachtman,前者為former FBI,一本真實又好精彩既書!
     
     

    回覆刪除

Related Posts Plugin for WordPress, Blogger...