2011年6月24日星期五

二人世界三餸無湯 - 2011年6月23日 (附食譜)


台式鹽酥雞; 吻仔魚乾煎蛋 & 雞油炒菜心

本來今餐想煲個豬肚湯,不過前一晚唔記得喺冰格攞個豬肚出來溶雪!

早排去愛丁堡台灣美食節食過鹽酥雞 ,決定要試試老翻......

 Ta Da!

好老實我真係無唸過依個第一次整就會咁成功!

因為我無唸過咁簡單既材料 + 做法,竟然真係會做到100%既台灣小食既味道!!

通常我試做一樣新菜,第一啖會先比Mr.T 試味~

當Mr.T 尋晚試咗第一塊鹽酥雞後,
照平時一樣誇張地大讚好味!

可能比老公讚得多我已經麻木哂(禾好囂張啊!!),

當時我反而覺得: 唓~ 都唔知係咪真係咁好味?

於是我趕緊夾一塊試吓自己手勢......
哇~ 真係好好食喎!!

 間中去愛丁堡既台灣小餐廳Meadowood Cafe,我幾乎一定會點佢地既炸雞飯(其實即係鹽酥雞飯! )

不過我唸以後再去Meadowood,我會點其他食物咯!

因為Mr.T 話我整得好食過Meadowood......

 佢仲"恐嚇"我 - 我繼續煮野咁好味,就唔會再帶我出街食飯! 哈哈~~~

早排買咗包超細條魚乾仔......網上發現台灣人稱依種魚仔做吻仔魚 - 亦即係白飯魚!

 咁啱啦~ 就用來煎蛋啦!!

爆香咗吻仔魚乾後先落蛋液去炒,食起來鹹鹹香香好餸飯~


今次包菜心好鬼大棵又好粗!  大棵菜心我一向白灼唔會用來炒~

 不過切雞肉整鹽酥雞時,從雞上脾切咗一小堆雞肥膏出來......

忽發奇想 - 不如試吓用雞肥膏來炒菜咯!


先將雞肥膏炒出雞油,落菜心去炒,再落少少雞粉調味,連蒜頭我都唔記得落......

碟菜心竟然好香好好食!

我以後一定要善用雞肥膏!!


 台式鹽酥雞食譜click here~

 吻仔魚乾煎蛋食譜click here~





13 則留言:

  1. (Empty)
    [版主回覆06/24/2011 23:00:00]Thanks 月兒!
     
    P.S. 妳收到樽鹽未呀?
     
     

    回覆刪除
  2. good
    [版主回覆06/24/2011 22:59:00]Thank you 靚仔oscar!
     
     

    回覆刪除
  3. Very good ! I like your dishes !
    [版主回覆06/27/2011 04:46:00]Thank you very much Eddy!
     
     

    回覆刪除
  4. 太好了~我成日整雞都多左好多肥膏出黎 現家你試過知用雞油炒菜好食~咁我下次又試試先!!! 上次試過豬油ok~下次試雞油~!!!!
    [版主回覆06/27/2011 04:45:00]用得唔好嘥嘛! 雞油炒菜真係好香好好味~~~~
     
    我無試過用豬油炒菜~ 豬油我只用來搓包、炒粉麵、撈飯! 最近買咗樽鵝油,早兩日試過用來炒菜,又係好香好好味! 有興趣買來試吓吖~
     
     

    回覆刪除
  5. 唔係呢~ 你果D魚細D﹐ 似我網上睇到果D多D啵~ 哎﹐我岩岩先有D頭緒﹐ 依加你一話係白飯魚﹐ 我又冇晒頭緒喇 ~
    [版主回覆06/27/2011 04:43:00]我依隻其實即係細條既白飯魚曬乾!
     
    係喎~ 我買咗樽鵝油呀! 早兩日試過用來炒菜,哇~~~ 香到不得了! 好正啊~~~~ 多謝介紹呢!
     
     

    回覆刪除
  6. 噢﹗我依加明喇 ﹗ 原來 魩仔魚非指一種魚類, 而是數十至數百種類的魚苗之總稱。 不過其實我仲係唔係好明呀 ~ 魚類既野實在太多名喇 ~
    [版主回覆06/27/2011 04:41:00]無錯! 我當初同妳有同一疑問 - 點解吻仔魚有大有細既?
     
    但台灣人指既吻仔魚多數係上面依種囉~
     
     

    回覆刪除
  7. 妳咩都識整又整得好食其實都唔駛出街食飯真係羨慕Mr.T
    [版主回覆06/27/2011 04:39:00]過獎嘞~ 我唔係咩都知識整架!  而且有時我都好懶,我都鍾意出街食飯架!  
     
     

    回覆刪除
  8. 哇,好犀利啊~!好想試啊!
    [版主回覆06/27/2011 04:38:00]過獎嘞Vicky! 家常小菜來啫,唔難整架~ 更加唔係好犀利呢!  
     
     

    回覆刪除
  9. Mrs T, 你好,今天(25/06)已经收到你寄来的东西了,因为今天我一大早就带女儿去上中文课,没遇上邮差,今天就只收到一张卡。等星期一就马上去拿。
    [版主回覆06/27/2011 04:37:00]OIC~ 知道妳收到就得嘞!
     
     

    回覆刪除
  10. 雞肥膏炒菜! I'm drooling..... 
    [版主回覆06/27/2011 04:36:00]用雞肥膏來炒菜真係好香好好味呢!
     
     

    回覆刪除
  11. Gaileは林家歐巴桑2011年6月29日 上午3:07

    我依個哎呀台灣人見到妳整我既至愛真係佩服得五體投地
    [版主回覆06/29/2011 20:46:00]鹽酥雞? 咪玩啦~  我唔信妳唔識整依個!
     
     

    回覆刪除
  12. 魚乾仔我都好想試食~ 我都覺得鵝油好香好好味呀~
    [版主回覆07/03/2011 02:44:00]果樽鵝油就咁聞都已經好香! 反而豬油要煮溶咗先至香~  
     
     

    回覆刪除
  13. 讚讚讚
    [版主回覆07/16/2011 03:28:00]謝謝謝!
     
     

    回覆刪除

Related Posts Plugin for WordPress, Blogger...