5月14日 (星期六) - Sizzlers Steakhouse & Ocean Grill@Merchant City
幾乎次次去親Merchant City 都係去El Sabor 食spanish tapas~
但其實Merchant City 裡面有好多餐廳，今次就去試咗Sizzlers Steakhouse & Ocean Grill.......
之前多數夜晚去果頭，見到依間Steakhouse 黑媽媽又燭哂光晚餐咁款，成日有種錯覺 - 依間野好貴......
不過原來唔係果喎~ 2 courses lunch £6.95 就有交易!
3條好多肉既排骨; 肉好易離骨; 個汁好香; 沙律好新鮮~ 滿分!
依個雞肝醬好食到呢~~~~~ 雖然餐廳既雞肝醬多數都係好味，但依個一定係我食過其中一個最好味!!
原本係爆燈既滿分既 - 雞肝醬香濃; 多士烘到新鮮熱辣; 牛油已放軟唔洗搽餐死; 沙律新鮮個汁好正......可惜雞肝醬份量太少!
到喉唔到肺......不過扣咗分都係滿分!!
Mr.T 成日出街都點burger，本來我真係無咩興趣試......
不過依個漢堡個包真係好鬼靚! 麵包烘過仲熱熱地; 塊burger 好香炭燒味又好juicy; 無批皮既薯條好香薯仔味又好有口感~
唔太嗜漢堡既我，今次都要比滿分!
牛肉炆得香軟; 紅酒汁煮得香濃; 同香滑既白烚baby potatoes 簡直係絕配!
我覺得佢地d薯仔真係好好食!
無論薯仔或薯條都特別有薯仔味~~~~ 滿分!! 成餐飯我 + 老公都好滿意~
估唔到簡簡單單平平地一個set lunch menu 會咁有驚喜!依間一定會再幫襯!!
5月15日 (星期日) - Ichiban Noodle Cafe
已經唔記得幾耐無去過Ichiban 嘞~
我唸最少有2、3年......因為有一排我 + 老公去親食野，uncle 喺度都只收我地半價，我 + 老公都覺得唔好意思......所以好耐無去過食野咯!
今日心血來潮我本來想食碗熱辣辣日本麵......
味噌湯熱辣辣又夠味; 個鴨胸真係好正; 炸餃子熱辣辣脆卜卜; 沙律新鮮而且食得出係用日本BB醬既......
美中不足 - 吞拿魚壽司 + 青瓜小卷雖然新鮮，不過肯定舊壽司飯一如以往無落壽司醋無調味; 果2個飯糰用既亦唔係珍珠米~ (不嬲都係咁架嘞!
)洋人食既話未必會食得出有分別，不過絕對難唔到來自香港既我!
其實都幾好味既，但就完全唔係日本野囉!
今次uncle 唔喺度，無人知我地係乜水!!
個雞肝好吸引．．．．
回覆刪除唔知 ｍｅｌｂ 有無架呢．．．
個 鴨胸 ｂｅｎｔｏ 有好多 鴨胸．．．．
[版主回覆05/16/2011 23:23:00]吓? 妳喺melb 無食過雞肝醬既咩??
哈哈~~~ 十幾鎊一個餐緊係要足料啦!
(Empty)
回覆刪除[版主回覆05/16/2011 23:22:00]
兩間餐廳食物賣相相比 , 我會覺得西式的比日式的吸引呢! 味道卻未能品嚐了!
回覆刪除[版主回覆05/16/2011 23:21:00]對我來講2餐都好食! 但當然西式果餐會高分好多，因為日本果餐有唔正宗因素~
件格仔衫妳著得好好睇
回覆刪除塊burger 好香炭燒味又好juicy---->我鍾意呀
[版主回覆05/16/2011 23:20:00]thanks Andrea!
一向我對burger 麻麻地，但我都覺得佢地個burger 好鬼正!
都係西餐吸引多些
回覆刪除[版主回覆05/16/2011 23:17:00]當然係餐西餐吸引好多啦!
不過餐日本野，我個bento 盒都唔差架~
著新衫.....
回覆刪除[版主回覆05/17/2011 23:03:00]係呀~ 好鍾意依件格仔衫呢!
大家都留意到件新衫喎, haha!
回覆刪除[版主回覆05/17/2011 23:02:00]哈哈~~~ 可能紅色格仔比較搶眼嘛!
o個餐西餐真係物超所值呀!!!相信食得你同Mr.T 都超開心呀!!只係睇相都流哂口水呀!!
回覆刪除其實D雞肝醬同鵝肝醬食落係唔係都差唔多味,唔多分得開架??我覺得佢地係一樣味呀~都食唔出有咩分別呢~PS. 我都好鍾意食有皮的薯條
日本野的賣相又真係削左少少~
[版主回覆05/20/2011 00:44:00]西式果餐真係好好味! 後來睇網上review 先知原來依間Steakhouse 喺Glasgow 食牛扒幾出名呢~
我自己食得出雞肝醬同鵝肝醬有分別 - 香味係唔同既，而且鵝肝醬比較油潤~ 不過鵝肝我多數係食完件略煎既foie gras，pate 比較少食!
餐日本野其實都幾好食既! 差唔多架嘞~ Glasgow 基本上係完全無正宗日本野食既.......
如果行低食假路線既餐廳令人有覺得會好貴既錯覺﹐ 我覺得其實對餐廳係冇咩好處既~ 有好多人會經過連餐牌同價錢都唔敢睇就走~ D食慣茶餐廳同PUB格局既人﹐ 又會覺得呢種貴價格局好拘謹~ 講起雞肝醬﹐我想買D雞肝返屋企試下自己整~ 壽司飯無落壽司醋無調味我係街市檔野都食過一次﹐ 我覺得味道好唔慣﹐不過檔野係日本人開架~
回覆刪除[版主回覆05/20/2011 01:33:00]其實我唸係因為依間野既舊裝修無而家咁開揚，黑忟忟又懶神秘咁款，我先有種錯覺以為佢地好貴......
乜咁鬼啱既 - 我都唸住試吓自己整雞肝醬呀!! 因為我發現超市買既始終同出街餐廳食到既差好遠，所以我想自己試吓整! 妳打算幾時開工呀?
個人覺得壽司飯調味真係好緊要! 無落壽司醋無調味的話，塊魚幾新鮮都無用......
我要讀下食譜﹐然後先去買材料試整﹐ 可能又成幾個禮拜後先開工~ 我好想整黎搽餅乾食~
回覆刪除[版主回覆05/20/2011 21:27:00]我早幾日已經喺圖書館借咗本書，裡面有個雞肝醬食譜，不過我仲未細心睇......所以我都唔知幾時會開工!
我食肝醬其實唔鍾意配野架! 我最鍾意就咁空口食，不過因為會好快食哂，所以配多士或者香草沙律來食~