2011年5月3日星期二

"The Tsims"

相信大家對video game "The Sims" (台譯"模擬市民")唔會陌生!

遊戲中可以自行設計外表似自己或朋友既"Sim",喺模擬城市內生活 + 自由活動......

Mr.T 一直都有幫佢既朋友義務性質畫漫畫肖像 (網誌),佢班朋友收到公仔後戲言稱老公所畫既公仔做"The Tsims"! 哈哈~~~~


不過老公大部份朋友都係洋人,當中好多仲係重金屬rock 友 + 紋身公仔人......

所以老公除咗畫我之外,幾乎畫來畫去都係大同小異既style,甚少機會畫中國人樣!

後來我喺blog post 過老公畫既公仔,有blog 友就問我可唔可以叫老公幫佢地畫個公仔......

 於是老公終於有機會畫吓其他中國人樣嘞!!

老公畫咗既公仔,我用來做Blog profile 相; 有人用來做FB profile 相; 有人用來做手機wallpaper; 又有人用來做電腦wallpaper......

 最近我地將公仔用來整埋T shirt......(網誌)

 (網誌)
依兩篇網誌post 咗後,好多網友都好鍾意公仔t shirt 依個idea!

 於是老公幫我既網友畫咗大咋公仔兼整咗大咋t shirt......









早前執野時搵到個2層相架......

當時老公啱啱幫佢一對法國朋友夫婦畫咗幅公仔圖......

 佢忽發奇想將公仔印喺透明膠片上,放咗入2層相架變成立體效果!

我好鍾意依個立體效果! 覺得好得意 + 好有potential!!

咁我緊係無執輸叫老公又整返張我地既"合照"啦......

 不過因為我地身上著住白t shirt,就咁用白背景效果麻麻......所以加咗個我地最鍾意既City - 巴黎鐵塔做背景!

咁就明顯見到2層既立體效果嘞! 有影架!! 嘻嘻~~~~

 心水清既網友應該會留意到我地身上著住我地自製既t shirt......

 不過可能現實生活中既我滿足唔到Mr.T......

所以佢成日將漫畫版既我畫到懶係"嬌俏" - 擺埋d屈起腳V哂手既姣騰騰pose!

越來越鍾意老公幫我畫既blog logo!

依個可以換相既象印保溫杯係Mami 阿四送比我既聖誕禮物~

非常自戀地換咗張blog logo 公仔圖,即時將個杯完全私人化咗!


 拍拖11週年時,老公親手手縫整咗依個公仔比我做"咭"! (網誌)

 今次我抄咗老公條橋 - 自己縫咗個logo 公仔,放咗舊磁石入棉花,做成一個雪櫃磁石!

 因為整依個磁石公仔,我上網學識咗藏針收針法!

 第一次做藏針收針,我自己都幾滿意啊~

不過.......

自問自己既縫紉技術真係麻麻,咁細個公仔縫完又拆,拆完又縫......

 係時候攞返我部買咗超過4年,但仍然未開光既衣車出來研究研究嘞!

 依架衣車係當年我同老公行超市時見減價,口痕講咗句: 我想學車野!

就係咁......第二日老公放工時就抬咗依部野返屋企嘞!

不過因為我懶,只攞過出來係咁二研究咗一陣都無咩頭緒,我就將佢放返入個盒......

直至今日先重見天日!

 依咋指示究竟點用既呢????????

 要認真咪咪本user guide 先得咯......

 我唸仲要咪埋依本先可以開工!

>>>>>>>>>>>>>>>>>>>>>>>>>>>>>>>>>>>>>>>>>>>

好多人都問過我以下既問題:

- 妳係咪學過煮野食 / 學過整餅?

- Mr.T 係咪學過畫公仔?

當我答佢地"我無學過煮野食 + 無學過整餅"時,曾經試過有人當面質疑 - 無學過整餅會整得咁靚? (真實對白)

Well~ 我唔敢話自己有天份!

不過我覺得自己好肯嘗試新野,亦肯去challenge 自己~

係都要講有無學過既話......咁自己睇書自學算唔算"學過"呢?

我舊既網誌都有提及baking 係我自問最弱既一環......

我並唔係第一次整餅就成功 - 我焗比老公既第一個生日蛋糕係穿窿兼又燶又唔熟,基本上完全唔放得入口......

不過我相信從任何失敗經驗裡面都可以學到好多野!

反復去練習做一件事,都係學習既過程來啊~

係咪要正式去拜師學藝,我個人覺得完全唔重要!

我有我自己鍾意既做法呀!!

咁Mr.T 有無學過畫公仔?

無呀!

 一切只係由Mr.T 手痕開始! (圖為我個剪報file 夾)





44 則留言:

  1. 全部都係公仔﹐好得意呀 ~ 我其實都覺得有時真係去上堂學野﹐ 都會有學極唔成既例子~ 有的野自己學學下﹐練習練習又反而開竅~
    [版主回覆05/04/2011 04:22:00]完全認同!  
     
    我覺得既然可以成功自學一樣野,點解要比錢人地賺呀? 而家資訊咁發達,從書中學唔到既咪睇電視 + 上網搵資料囉~ 而且自學成功感仲大好多呢!
     
     

    回覆刪除
  2. 不過可能現實生活中既我滿足唔到Mr.T...... 所以佢成日將漫畫版既我畫到畫到懶係"嬌俏" - 擺埋d屈起腳V哂手既姣騰騰pose! <<<----- X100000000000000 (點忙都要黎留個 )
    [版主回覆05/04/2011 04:19:00]咁係吖嘛! 一係就畫到我胸背心超短裙.....完全唔係我著衫既品味來!!
     
    妳最近好嗎? 工作好忙呀?
     
     

    回覆刪除
  3. I must say the Ts are very talented! Oh~ I like the t-shirt idea alot too...
    [版主回覆05/04/2011 20:11:00]Thank you 荔枝冰! we're not talented, we are just passionate abt what we're doing~
     
     

    回覆刪除
  4. 係呀.... 呢排超忙+煩工作啦,讀書啦,搵屋啦 同埋 訓覺呀(呢排天氣好清涼,我超訓得呀 )
    [版主回覆05/04/2011 20:08:00]生活忙得來好充實吖~ 幾好吖!
     
     

    回覆刪除
  5. *×◆..嘉b`*PINKY× || °..“2011年5月3日 下午3:05

    Mr.T D公仔好可愛^^~
    [版主回覆05/04/2011 20:07:00]Thank you Pinky!
     
     

    回覆刪除
  6. 《Ka MaN 日記》2011年5月3日 下午5:33

    Mr T 畫 d 公仔真係好得意...
     
    [版主回覆05/04/2011 20:07:00]Thank you Ka Man!
     
     

    回覆刪除
  7. Thanks for your reply!
    咁倒扣至涼先脫模.....倒扣時會唔會塌返或跌出來架!
     
    [版主回覆05/04/2011 20:06:00]唔會架~ 妳去天使蛋糕個食譜睇最後step 張相 - 用蛋糕架墊住來倒扣就得架嘞! 依個蛋糕我前後都係整過2次,無塌亦無跌出來~
     
     

    回覆刪除
  8. Mr. T 的公仔真係好生動!!!
    [版主回覆05/04/2011 20:04:00]代Mr.T 多謝妳啊Selina!
     
     

    回覆刪除
  9.  有自家品牌喎
    [版主回覆05/04/2011 20:04:00]Mr.T 真跡~ 獨一無二架!
     
     

    回覆刪除
  10. 你地好勁 !!!
    [版主回覆05/04/2011 20:03:00]過獎嘞阿比! 我地唔係勁,只係熟手咋~
     
     

    回覆刪除
  11. V女 你同Mr. T製作咁衫好靚好開心呀
    收到的朋友一定感受到 ^^
    我都係自學蛋糕 失敗左下次再做過 反而會印象深刻的 下次亦都唔會再反同一個錯添呀 出去學 基本上你完全唔使諗 聽人指揮  
    [版主回覆05/04/2011 20:02:00]Thanks Katie!
     
    同意啊~ 失敗經驗印象比一次就僥倖成功深刻得多呀! 好似我之前試過整忌廉蛋糕用錯咗噴裝忌廉來做唧花,所以一路唧一路溶.......  而家我一定唔會再用噴裝忌廉!
     
     

    回覆刪除
  12. 我都深信只要自己有興趣的事情 , 便會好好鑽研  , 在過程中也會有成功同失敗的例子! Finally . 我想一定可以做到自己滿意的! 但我也要好好向妳多學習 , 因為在妳的食譜內我有很很多多仍要待妳指教呢!
    [版主回覆05/04/2011 19:59:00]同意啊~ 我偶像蔡瀾都講過 - 整多幾次一定會成功!
     
    做得多練習得多後得著經驗,再去嘗試新野時就會更容易上手!
     
    過獎嘞! 唔好咁講話要我指教啦!  係大家交流心得至真!!
     
     

    回覆刪除
  13. 哈哈~我都有一部買左1年, 但仲未開光既衣車  因為一直都想買部衣車, 但又好鬼貴, 最後終於等到有間shop勁減, 仲要有好幾個brand同model款你揀, 盛惠80大洋 (當時黎講, 大約600港紙有找). 哈哈~即刻買都買唔切, 雖然問左幾間都買唔到我最like o個部, 不過買到second choice已經好好~哈哈.
    [版主回覆05/04/2011 19:38:00]妳部都係1年歷史啫(不過6舊真係好平喎! ) 我部已經4年幾歷史,再唔開光就快變古董.......
     
     

    回覆刪除
  14. 你两是名副其实的“无师自通夫妻”。。
    [版主回覆05/04/2011 19:36:00]過獎嘞Cindy! 工多藝熟啫~
     
     

    回覆刪除
  15. 幾好播 有自家品牌風格!!
    [版主回覆05/04/2011 19:35:00]Thanks Carmen!
     
     

    回覆刪除
  16. 好得意,不過我見件3好似好透呢=]
    畫人像幾似呀
    [版主回覆05/04/2011 19:35:00]其實淺色既T shirt 大多係透架啦~
     
    妳又知人像畫得似? 我都無post 真人相對照......
     
     

    回覆刪除
  17. Mr. T 嘅設計好得喎! 我部衣車仲未配番啲零件呀!今次暑假要返香港揾吓先!
    [版主回覆05/04/2011 19:17:00]Thanks Double iron legs!
     
    點解要配零件既? 仲有點解要返香港搵? 依度無咩??
     
     

    回覆刪除
  18. Mr. T 手痕可以晝得咁靚....好勁呀!! 我痕極都畫畫天份呢....
    [版主回覆05/04/2011 19:15:00]代Mr.T 多謝妳啊菲‧On!
     
    Mr.T 小學時代已經自己畫"忍者龜"賣比同學架嘞!   佢仲試過自己畫錢走去雪糕車買雪糕 (人地緊係唔賣比佢啦! 佢仲蕩失路要人打電話比62去接佢! )
     
    所以佢真係由細畫公仔畫到大架!
     
     

    回覆刪除
  19. 其實我覺得有無跟人學過整野食都唔係最重要的,
    最緊要係自己有HEART去整,整得多自然就有心得,
    失敗左咪再研究下人地點整囉 >3<
    我自己基本上除左中學上過家政堂之外,
    都係自己摸索多。
    不過,自從個焗爐壞左之後就無整過啦
    希望遲D有時間有錢再整番啦
    PS.你同MR.T D 製成品真係好靚啊!!
    [版主回覆05/04/2011 19:10:00]完全同意啊! 間中有d網友留言叫我去上堂學返"正確"手勢(指煮野食~) 咩野先係"正確"手勢? 我覺得只要整到就係正確手勢啦! 每個人整野方法都唔相同,但最重要都係個結果啫,理得我用咩手勢?
     
    其實我依邊真係無乜所謂烹飪課,英國大部份主婦都係自學或靠媽媽傳授~ 其實我覺得只係香港人多生意門路,所以乜都可以開班授徒......
     
    多謝妳讚我 + Mr.T 既製成品啊!  希望妳快d有返個焗爐啦!
     
     

    回覆刪除
  20. 真係好勁.無學過都可以咁靚..好有天份呀!

    回覆刪除
  21. Gaileは林家歐巴桑2011年5月4日 上午3:09

    Thanks Thanks Thanks
     
    妳部衣車都幾多圖案揀喎

    回覆刪除
  22. Mr.T好叻,佢d公仔真係好得意又靚

    回覆刪除
  23. 立體合照勁正  孖 T 好叻!!! 

    回覆刪除
  24. 真係天生一對 !
    [版主回覆05/06/2011 06:58:00]嘻嘻~~~ thanks Eddy 兄!
     
     

    回覆刪除
  25. MR T 可以得閒畫下呢D公仔賺下外快, 開番間THE TSIMS! 珮夫人
    [版主回覆05/06/2011 06:52:00]已經賺緊嘞~  係我既"買煲基金"來呢!
     
     

    回覆刪除
  26. Mr T 既畫好靚, 我成日都覺得識畫畫既人好叻(因為我畫畫好差). 好鍾意你下面個兩句, 我都覺得蛋糕要多做才會進步. 我都鍾意整, 不過要湊bb,少左時間做.
    不過我相信從任何失敗經驗裡面都可以學到好多野!
    反復去練習做一件事,都係學習既過程來啊~
    仲有一句笑死我
    不過可能現實生活中既我滿足唔到Mr.T......
    所以佢成日將漫畫版既我畫到懶係"嬌俏" -  擺埋d屈起腳V哂手既姣騰騰pose!
    [版主回覆05/06/2011 06:51:00]Thank you 叮噹! 其實我細個時跟過舅父學畫國畫架,不過而家乜都唔記得哂,我畫畫都好差.....
     
    我相信就算一個幾有天份既人,做任何事都一定要後天不斷練習先會學得好學得精~ 只要有依個咁既心,去嘗試新事物就會更容易上手嘞!
     
    果句唔係純搞笑架! 我真係咁唸架! 除咗姣騰騰pose 之外,佢仲成日畫到我低胸短裙.......
     
     

    回覆刪除
  27. 因為我部"勝家"衣車已經好舊㗎啦, 我諗要返香港先揾到配件㗎!
    [版主回覆05/06/2011 06:46:00]OIC! 其實而家d衣車都好平,承機買過部新嘛!
     
     

    回覆刪除
  28. 從失敗中取經驗....我覺得正面
    [版主回覆05/06/2011 06:45:00]失敗乃成功之母嘛!
     
     

    回覆刪除
  29. 睇你個張都得啦,真係好似!
    [版主回覆05/06/2011 06:44:00]嘻嘻~~~ thank you Candace 君!
     
     

    回覆刪除
  30. MR. T晝得好得意呀,
    [版主回覆05/06/2011 06:44:00]Thank you Karen!
     
     

    回覆刪除
  31. 我比較鍾意立體畫
    [版主回覆05/06/2011 06:43:00]我樣樣都咁鍾意!
     
     

    回覆刪除
  32. 這份興趣可以share出來, 感覺特別sweet~第時MR. T可以做埋網上接orders, 幫網友們製作獨一無二既tee/情侶Icon呢...
    [版主回覆05/06/2011 06:42:00]哈哈~~~ 其實Mr.T 已經開始咗網上接order 嘞! 收入將會撥入我既"買煲基金"!
     
     

    回覆刪除
  33. MR T好勁呀! ^O^ 我鬼死羨慕你~ 淨係睇你既blog就已經開心~ 
    [版主回覆05/06/2011 06:41:00]小雲好耐無見啊~~~~  妳好嗎?
     
    有乜鬼好羨慕? 自家手作仔之嘛~
     
     

    回覆刪除
  34. 個保暖杯加咗妳張相仲靚----- I like it!
    個 藏針收針做得好好呀 , 我今朝都幫囡囡小女童軍整咗個針線包, 不過縫製得好核突呀!
    [版主回覆05/06/2011 06:40:00]哈哈~~~ 個杯我帶出街用架,我唸個人化咗無人會敢偷!
     
    我第一次做藏針收針,估唔到原來咁易! 不過塊布有彈性(好彈果隻!!)都有少少難縫呢!  慢慢縫就會靚架嘞~
     
     

    回覆刪除
  35. Mr. T 好厲害呀.........款款都好靚好可愛呀!
    [版主回覆05/06/2011 06:37:00]代Mr.T 多謝胡李媽媽讚賞啊!
     
     

    回覆刪除
  36. Soooooooooooooooooooooo funny!!  I love the logo and all the products!!!  Great!!!!
    [版主回覆05/06/2011 06:37:00]Thank you very much wawa!
     
     

    回覆刪除
  37. 真係好好好可愛呀 , 見到d公仔都好開心呀 !
    你的買煲基金運作如何呀 .....哈哈哈哈...
    [版主回覆05/06/2011 06:36:00]哈哈~~ Mr.T 畫公仔畫到無停手! 我個煲應該好快到手!!
     
     

    回覆刪除
  38. 好欣賞你地咁合拍的生活態度及要求,同埋對食同玩的肯學、肯試、肯研究... ...的精神呢!
    [版主回覆05/08/2011 02:51:00]過獎嘞為食鬼! 只係自家手作仔,都係做自己喜歡既事啫~ 無研究咁大陣象~
     
     

    回覆刪除
  39. Mr.T 化身公仔佬 真係好得呀 哈哈~ 畫D從未見過既人 都捕捉到佢地既神韻 ................... 我都想換下FB張相呀 唔知笨笨有冇機會呢
    [版主回覆05/08/2011 02:50:00]代Mr.T 多謝笨笨讚賞啊!  
     
    我喺FB比info 妳吖~
     
     

    回覆刪除
  40. 塔羅女神-王姬2011年5月6日 上午7:27

    Mr.T的畫畫得好得意呀!和你煮野食一樣,其實都係有天賦,見到你地真係好開心呀!做自己喜歡做的事,樂在其中,將自己的天賦發揮出黎!  我都非常享受投入去做自己喜歡的事的時間
    係咪要正式去拜師學藝,我個人覺得完全唔重要! 我有我自己鍾意既做法呀!!
    Like x 100000000!! 做人真的最緊要就是忠於自己!
     
    [版主回覆05/08/2011 02:48:00]Thanks 塔羅女神! 不過過獎嘞~ 天賦見仁見智,不過就算幾有天份都好,做任何事都要後天練習先會有進步嘛!
     
    多d參考其他人既做法都係好事,不過個人覺得唔需要跟足,因為其他人既做法未必適合自己~
     
     

    回覆刪除
  41. 你先生真係好犀利呀!!!
    [版主回覆05/08/2011 02:45:00]代Mr.T 多謝妳讚賞啊Coey!
     
     

    回覆刪除
  42. 我就覺得你倆公婆各有各叻..........LIKE
    [版主回覆05/14/2011 01:59:00]過獎嘞SweetCandy~ 自家手作仔玩吓啫!
     
     

    回覆刪除
  43. 谢谢分享,Mrs T!我觉得你们两位都是天才啊!!! 无师自通还能弄得这么高素质、那么专业!!!!! 很羡慕和欣赏!!! (抱歉今天用的电脑只能打简体字)
    [版主回覆09/26/2011 06:22:00]過獎嘞你或我!  其實只係我鍾意煮鍾意整; Mr.T 鍾意畫,煮得多、整得多、畫得多,就自然熟能生巧啫!
     
     

    回覆刪除
  44. 緊張大師-小女人2012年6月6日 下午5:24

    我真係信天份,我學了三年,返學校,私人教授等等,但我的焗糕技巧真係無眼睇,浪費了好多錢,無錢再學只能在網上跟人家整,你好叻我信你無學過都可以整到咁好,他們唔信只是他們妒嫉你既天份.你的T恤真係好靚,但請問洗多幾次會否脫色的,我鐘意細細個圖案白色好好睇,
    [版主回覆06/10/2012 01:40:28]太過奬嘞~ 其實無論面對咩人都好,都係大家互相學習既啫! 多謝妳欣賞我既blog~
    [緊張大師-小女人回覆06/09/2012 08:10:34]絶對認同,做人真係好似照鏡一模一樣的,但好多謝你令我學到好多,見識到不同的事物,你既blog好精彩.
    [版主回覆06/09/2012 06:41:26]上唔上堂唔重要,最重要係親身實踐~正如我當年來英讀書一樣 - 睇電視先係最好學英文既方法!

    過獎嘞~我無妳講得咁好!我有無禮或客唔客氣,都要睇對方有無禮+客唔客氣,相對既啫!入來我blog既人唔係個個都咁客氣,遇到d咁既人我都唔會同佢地客氣!!
    [緊張大師-小女人回覆06/08/2012 08:17:14]所以我現在只會找食譜跟著做,省點錢....多在家整一定會做得好,我相信你講得對.你人又靚又肯教人又有禮客氣,你簡直係人見人愛既靚太.謝謝你
    [版主回覆06/07/2012 17:44:02]過獎嘞! 我個人覺得而家資訊發達, 食譜書或網上都可以揾到無窮無盡資料, 真係要乜有乜~ 我依d家庭主婦師奶仔時間多過錢, 我真係覺得無必要去上堂學整野食比錢人地賺! 整一次唔成功, 試多幾次遲早一定成功, 做得多自然容易上手, 會有改善有進步…我都唔明果咋唔信既人有乜好大驚小怪?

    自印t shirt 係唔會甩色架, 不過一定要用手洗!

    回覆刪除

Related Posts Plugin for WordPress, Blogger...