不過最近weekend 我地好少出街食飯，好難唸出街食乜 + 去邊度食......
因為最近總係覺得自己煮既好食過出街食! 哈哈~~~~~
今日lunch 整咗Tagliata with Rocket & Parmesan Salad (薄牛扒火箭菜巴馬芝士沙律)!
雖然Waitrose d野幾貴
，不過我好鍾意去果度買野~除咗因為佢地有好多其他超市無得賣既貨品之外，佢地產品既質素的確係好好既!
仲有就係.......佢地有大咋印刷精美且免費任攞既名廚食譜咭
，食譜由2位英國名廚兼Waitrose 廣告代言人 - Heston Blumenthal + Delia Smith 主理，而且幾乎次次去親買野都有新出食譜! 
個汁用咗rosemary 來煮......
剪咗d rosemary 來煮汁，揼咗d花好似好嘥喎......
老公鬼仔老友由倫敦返來Glasgow 過long weekend，今晚出咗去Men's night out，所以我又要食自己......
鹹魚蒸肉餅 & 蒜蓉菠菜
早兩日整咗鹹蛋蒸肉餅，突然對滑滑肉餅上咗癮!
今晚我又好想食肉餅!!
Angel Food Cake encore~ 尋晚又整咗一大個Angel Food Cake!
我話比大家知吖 -
依個蛋糕食一次就會上癮架嘞!!不過尋晚焗完蛋糕已經太夜，所以無食到......
我以前飯後係完全唔食甜品架嘛! 似乎依個蛋糕改變咗我......
尋晚整既天使蛋糕，成為咗我依個用咗10年既量杯告別作~
雖然10年前佢好cheap 只賣幾十個p，不過佢絕對係一個好好既量杯來!
依10年來喺佢幫手之下，我成功學識整好多野啊!!
尋晚最後一次用佢整完天使蛋糕後，即時入咗垃圾桶為安嘞!
(有少少唔捨得佢呢......
10年有感情啊!!)
)本來好想買Pyrex 既玻璃量杯~
但唸深一層 - 依10年來我跌過個膠量杯落地無數咁多次......
以我咁鬼論盡，比我用玻璃量杯就算唔打爛，都應該好快會比我撼崩!
Tagliata with Rocket & Parmesan Salad (薄牛扒火箭菜巴馬芝士沙律)食譜click here~ 鹹魚蒸肉餅食譜click here~ Angel Food Cake (天使蛋糕)食譜click here~
V女 我對個薄牛芝士沙律好有興趣 賣相又靚 又吸引
回覆刪除[版主回覆05/02/2011 19:56:00]Thanks Katie! 除咗賣相吸引仲好好食架~ 夏天食依個啱哂!
the rosemary looks like 八爪魚
回覆刪除[版主回覆05/02/2011 19:54:00]haahaa~~~~ yes it really looks like an octopus!
d花又真係同碟沙律好鬼襯喎~~~
回覆刪除[版主回覆05/02/2011 19:47:00]五顏六色既視覺效果!
唔係懶靚, 啲花加喺 salad 度真係靚喎!!! 依家相同心態都係 pay up 嚟換 better food quality 呀...
回覆刪除[版主回覆05/02/2011 19:46:00]我見d花咁靚揼咗好浪費啊~ 不過真係懶靚喎，依個沙律都唔需要加花!
其實我 唔 覺得比多d錢就一定better quality 架! 不過Waitrose d野相比起英國其他大型超市又真係又貴又特別好quality.......部份貨品!
而家我每日都要諗午餐,晚餐食咩都好頭痛,唔煮就要出街食喎
回覆刪除[版主回覆05/02/2011 19:40:00]其實妳一個人住晚餐可以煮多d，咁第二日午餐咪有著落唔洗唸囉!
唔記得左添 你老公食唔食咸魚架?
回覆刪除[版主回覆05/02/2011 19:39:00]就咁食鹹魚佢就唔鍾意! 不過好似魚香茄子、鹹魚雞粒炒飯...依d混咗鹹魚既餸佢就好鍾意~
換句說話只要隱藏咗鹹魚本身既形態佢就會眼不見為淨鍾意鹹魚!
你整o個碟加左車厘茄同花花比起食譜面上的相更吸引呀!!
回覆刪除嘩!!你呢棵係自家種rosemary ??? 勁呀!!!
Rosemary 見就見得多, 但原來rosemary 係有咁靚的紫色花架?!真係唔知度呢!!
[版主回覆05/04/2011 03:20:00]多謝讚賞塔羅女神! 我都係照住名廚食譜加加減減改良吓啫......
係呀~ 我廚房種咗1棵迷迭香 + 1棵百里香，百里香啱啱先種，唔知會唔會開花呢?
鹹魚肉餅送飯一絕， Tagliata with Rocket & Parmesan Salad 又整到好似高檔餐廳的水準！叻叻叻叻叻！
回覆刪除[版主回覆05/04/2011 03:17:00]蒸肉餅真係好好送飯! (乜野肉餅都係呢~ )
多謝讚賞啊~ 不過照住名廚食譜老翻，零難度呢!
讚~
回覆刪除[版主回覆05/04/2011 03:11:00]Thanks Maggie!
搵日真係要整下個天使蛋糕先
回覆刪除[版主回覆05/04/2011 03:10:00]咁妳要有心理準備會食上癮喎! (我而家食緊! )
請問用non-stick 模焗Angel Cake可以嗎?? 焗嘅時侯個蛋糕向上升高, 升高咗之後會否塌返落嚟?
回覆刪除[版主回覆05/04/2011 03:10:00]當然可以用non stick 模啦，而且唔一定要用中空模架~ 其實我果個都係non stick 來架!
重點係唔可以搽油，搽咗油焗時會阻住蛋糕升高~ 蛋糕出焗後要倒扣至涼先脫模，唔會塌返落來架!
以前我會覺得citysuper既野好鬼貴! 但最近細心留意之下(其實係因為有左, 至會去買野食! 習慣養成左好難改....), 發覺原來citysuper某d貨其實同百佳惠康差唔多價錢咋!!!!!!!!!!!!!!!!!!!!!! 真係估佢唔到........ 你棵rosemary種得好靚啊~~~ 我次次種親都好似種緊枯支咁.......
回覆刪除[版主回覆05/04/2011 03:07:00]我又唔覺得CitySuper d野貴喎!
棵野生到咁狂野亂糟糟有幾咁靚.......
你個鹹魚同鹹蛋蒸肉餅都好正~ 不過你話梅菜蒸肉餅我就聽過未試過~ 菜芯苗我都覺得好好味﹐不過唔係成日有。
回覆刪除[版主回覆05/04/2011 03:24:00]梅菜蒸肉餅都好正架! 妳果邊有無梅菜賣? 將梅菜洗乾淨搾乾水剁碎，撈入免治肉裡面來蒸 (肉都要調味架!)，同用鹹魚鹹蛋來蒸完全唔同風味架~
我依邊好常有菜心苗，不過一定要去中超先有得賣囉! 但同香港比較，依邊中國菜始終係好少選擇.....
睇到妳個鹹魚蒸肉餅搞到我鬼死咁肚餓~~ 我呢邊宜家未夠6pm 已經想去食晚飯喇
回覆刪除[版主回覆05/08/2011 03:01:00]哈哈~~~ 下次食飽先入來睇野食嘞!
蒸肉餅雖然係家常小菜，不過真係好好送飯呢~