2011年5月7日星期六

唔買對唔住自己既例子 (2011年5月6日)


等我來話比大家知咩野叫做"唔買對唔住自己"啦!

 好似依盒曲奇蛋糕decorating kit 咁......

 一套有5個膠唧樽......

 每個唧樽都有唔同既鋼唧咀......用來唧icing 或忌廉唧花都得~

 仲有一把方便用來整cupcake icing 既好鬼cute 迷你palette knife!

依套野有幾咁"唔買對唔住自己"?

我喺烘焙廚具店Lakeland Limited 見過依種連鋼唧咀既唧樽 (Kuhn Rikon 出品),價錢最平都要£3.59一個!  另有更貴既款式......

我見過實物,我個人感覺Kuhn Rikon 同我依套無論質感 + 手工 - 根本完全無分別!

而我依盒野成套5個樽連唧咀,再加把迷你palette knife......

只售£3.99!

如果咁都唔買,我唸我真係要好好罰自己!!

(話雖如此......都要有用先買既! 嘻嘻~~~~ )


我屋企收藏咗數量驚人既食譜書!

不過我太鍾意煮野食嘞~~~~~~

所以每次去書店都會刨一大輪,而且多數忍唔到手出書店門口......

我以前認為一本食譜書最大吸引之處除咗係食譜本身之外,其次就係食物成品既相都非常重要!

如果一本食譜書無相,會令我覺得好turn off......

 不過尋日喺書店睇到依本書......

 內頁幾乎清一色係咁既!

偶一為之有個畫出來既黑白公仔......

印刷完全唔可以話係精美,一d都唔起眼! 仲有種"悶鬼死人"既感覺......

比在係以前我根本眼尾都唔會望依種食譜書!

不過依本並唔係一本普通食譜書......

而係一本詳細講解正確炆燉技巧 + 理論既書,內附大咋無相無公仔既食譜~

我喺書店立過吓部份內容,發現好多有用既資料,而當中炆燉既理論仲幾有趣呢!

雖然本書無誘人既外表,不過好有內涵架!!


 尋日仲買咗2卷好靚既勾針絲帶......不過暫時仲未唸到點用!





22 則留言:

  1. 嘩 本書真係好多字 不過要了解煮食的方法 也的確是一本好書 ! 
    [版主回覆05/08/2011 21:15:00]雖然本書全部都係字,又無美食相欣賞,不過我睇咗少少覺得內容好有趣,所以我先決定買! 一本書最重要始終係內容嘛!
     
     

    回覆刪除
  2. 字多圖畫 少  真係不吸引,   但 忟同燉都有技巧和理論。都幾值得看。
    [版主回覆05/08/2011 21:14:00]有靚相既食譜書的確會吸引好多~ 不過始終一本書最重要都係內容!
     
     

    回覆刪除
  3. cupcake既decoration kit我都想買呀.....之前見到已經有興趣喇....but無焗爐呢....
    [版主回覆05/08/2011 21:13:00]哈哈~~~ 咁妳應該先買焗爐喎!
     
     

    回覆刪除
  4. " 如果一本食譜書無相,會令我覺得好turn off" turn off....  ur so funny
    [版主回覆05/08/2011 21:12:00]what's so funny? you mean "turn off"??
     
     

    回覆刪除
  5. 我鍾意盒曲奇蛋糕decorating kit既封面好靚
    字多圖畫少既 書真係要好有心機睇先得~~
    [版主回覆05/08/2011 21:10:00]哈哈~~~ 可以學吓個盒面影食物相喎!
     
    其實只係圖少字多既食譜書我先無咩心機睇啫~ 平時我睇好多書一張圖都無呢! 最緊要都係內容嘛~
     
     

    回覆刪除
  6. 想快啲睇到你嘅 cupcake 制成品呀! 
    [版主回覆05/08/2011 23:44:00]依套野除咗用來整cupcakes,整其他蛋糕餅乾都得架!
     
     

    回覆刪除
  7. 塔羅女神-王姬2011年5月8日 上午7:05

    我真係好鍾意個topic !! 唔買對唔住自己呀!!!!
    我都成日同自己咁講架! 如果搵到D 自己岩用, 好鍾意而最重要的係物超所值的時候, o個種滿足感同開心的程度真係非筆墨可以形容呢!!!
    [版主回覆05/08/2011 23:43:00]嘻嘻~~~ 每次買到筍野我都會覺得自己好叻好精明 + 好精打細算!  
     
    貴野只要比得起錢就可以買得到,雖然貴野品質好係應該既 - 不過依點唔包生仔! 但品質又好價錢又平就一定要精明先買得到嘞! 滿足感自然大好多啦~ 依個就係女人購物其中一個樂趣嘞!!
     

    回覆刪除
  8. 我都好鍾意 曲奇蛋糕decorating kit ,價錢合理,香港都冇得賣!
    [版主回覆05/08/2011 23:36:00]我下次再去果間店時買一盒比妳吖!
     
     

    回覆刪除
  9. 4鎊都唔洗真係好抵。美女我想請教你平時用什麽工具磨刀?
    [版主回覆05/08/2011 23:34:00]係呀~ Kuhn Rikon 一個樽都要£3.59! 依套品質一模一樣,超抵!!!
     
    我用依個來磨刀架~ 好掂!  
    http://hk.myblog.yahoo.com/veronicams_tsim/article?mid=47774
     
     

    回覆刪除
  10. 如果一本食譜書無相,會令我覺得好turn off...... <------X2 食譜無相的話我一定唔買........ 珮夫人
    [版主回覆05/10/2011 05:01:00]普通食譜無相就一定唔洗預我嘞! 不過依本因為內容搭夠,我先破例買咗佢~
     
     

    回覆刪除
  11. 成套曲奇蛋糕decorating kit 先三鎊九九,唔買又真係對唔住自己喎!
    [版主回覆05/10/2011 04:59:00]咁就算幾抵買都要有用先應該買既!
     
     

    回覆刪除
  12. 而家可以對得住自己啦 等你d曲奇蛋糕面世啦 
    [版主回覆05/10/2011 04:58:00]蛋糕我間中都有整,不過曲奇整過玻璃曲奇送比人! (因為自己唔係好鍾意食餅乾..... )
     
     

    回覆刪除
  13. 而家可以對得住自己啦 等你d曲奇蛋糕面世啦 

    回覆刪除
  14. 咁平又好難忍手喎...
    [版主回覆05/10/2011 04:57:00]除咗平之外,我覺得好有用 + 會好好用呢!  所以一定要買!!
     
     

    回覆刪除
  15. Gaileは林家歐巴桑2011年5月9日 上午3:01

    緊係唔好同自己過唔去啦
     
    我等妳睇完本書再煮好野+post d相上黎比我睇(食譜+圖)...對我有so,本書買得好呀
    [版主回覆05/10/2011 04:57:00]哈哈~~~~ 妳隻魔鬼吖!
     
     

    回覆刪除
  16. 呢套我都有睇,好似好好玩咁,打算7月過UL搵阿妹個時買埋佢。
    [版主回覆05/10/2011 04:56:00]依套野真係超級抵買呢! 聽日整蛋糕開光試吓先~
     
     

    回覆刪除
  17. 《Ka MaN 日記》2011年5月9日 下午4:42

    我向 melb 都見過呢 set decorating kit 不過好貴...
    同我知自己無乜幾何會用...
    都係唔好買住..等佢 sales 先買返黎擺到我有 mood 先用...
    好想快 d 睇下你用佢黎整嘅制成品...!!
     
    [版主回覆05/10/2011 17:36:00]我都係咁架 - 買咗返來好可能坐一排先會用! (有d仲一坐就坐咗幾年先開光.....)
     
    其實整蛋糕有幾可下下都用到唧花吖? 所以無幾可會用 - 係正常既!
     
    不過買咗放喺度,突然興起想整就隨時都有得用嘞!
     
     

    回覆刪除
  18. 哈哈~ 所以真係唔好話女人敗家啦 其實我地好多時 都係敗得有道理架
    [版主回覆05/11/2011 19:50:00]我覺得我見到筍野先買依種行為係"慳家"而唔係敗家喎!
     
     

    回覆刪除
  19. 你真係好客氣,唔駛買俾我啦!不過聽到你咁講,我真係好鬼開心呀!
    [版主回覆05/11/2011 19:49:00]如果妳改變主意就話我知啦~ 唔洗同我客氣喎!
     
     

    回覆刪除
  20. 我又係唔鐘意D食譜書冇圖片﹐ 不過有次個男仔好似言語間話我蠢+膚淺咁~ 件事係: 我見到有本食譜書係得食譜冇圖冇色既~ 連好似你果本果的少少圖都冇~ 咁我就講左句: 嘩﹐連少少步驟同材料相都冇﹗好難觸摸啵 ~ 點知個男仔話: 哎﹐洗咩圖丫﹐你又唔係唔識字﹗成日齋睇相﹐ 你專心讀下的步驟同材料咪得囉~ 呢的係要用自己想象力搭夠架 ﹗~ 佢唔係用串我既語氣講﹐只係好隨便咁講﹐ 俾佢咁話一話﹐我果時真係好介意~ 不過依加仍然都係唔黎﹐所以仲記住~
    [版主回覆05/15/2011 04:02:00]我唸妳朋友應該唔係有惡意既~ 可能佢真係想鼓勵妳試新野啫!
     
    不過我覺得有時食譜書有圖,除咗賣相吸引d之外,仲可以比我地睇吓煮出來個樣對唔對路嘛!
     
     

    回覆刪除
  21. KwokMan kuen eunice2011年5月24日 上午5:19

    cupcake icing其實係咪好難架
    [版主回覆05/25/2011 08:12:00]唔知喎~ 因為我未試過整!
     
     

    回覆刪除

Related Posts Plugin for WordPress, Blogger...