叉燒醬雞翼; 蒜蓉蒸魚乾 + 魷魚仔乾 & 白灼菜心苗
尋日本來想偷懶唔煮飯，不過臨時都係決定煮，所以依餐又無湯! 
點解唔想煮又煮呢?
因為打開雪櫃見到上星期用來醃叉燒碗汁 - 醃完叉燒剩返大半碗汁，倒咗佢好似好浪費......始終已經醃過生豬肉，就算放喺雪櫃都唔想留太耐~ 
雞翼真係好百搭!! 點整都咁好食~~~~ 
上一餐整咗細細碟蒜蓉蒸魷魚仔乾，有blog 友話想睇吓魷魚仔乾未蒸前係點既同樣......
喺食物櫃度摷到包未開既泰國魚乾，順手蒸幾塊來試吓.......
erm......都係魷魚仔乾鮮甜 + 好味得多! 
雞翼用焗爐焗; 魷魚仔乾隔水來蒸; 廢事特登撻爐炒菜搞到一身油煙味啦......
>>>>>>>>>>>>>>>>>>>>>>>>>>>>>>>>>>>>>>>>>>>>
唔知近排蘇格蘭天氣搞乜鬼?
早幾個星期我仲著緊背心出街; 近依兩星期氣溫急速下降，有幾晚仲凍到我要冚2張被呢!
尋日(5月23日)全日吹超大風......
好慘啊~ 我睇住依棵樹長大架.......
最近我體重回落108磅，尋日去買餸時比大風吹到打橫行，仲差d仆喺條街度......
喺街吹咗大風短短幾分鐘，今朝起身打乞嚏、喉乾、流鼻水兼嚴重鼻塞! 
(所以我而家把聲好重鼻音好sexy......
)
)
今日(5月24日)大風細過尋日好多 - 最少只係吹亂頭髮，唔會吹到我打橫行......
落得好急又好密，我唸如果喺街度比冰雹打中一定好痛!! 
尼款魷魚仔乾我通常用黎刴豬肉餅架...原來仲可以蒸黎食架....又學到野....thx...
回覆刪除[版主回覆05/25/2011 07:42:00]暫時我未試過用來蒸肉餅，遲d我會試吓!
係呀~ 就咁蒸好鮮甜好好送飯架! 不過蒸前記住要浸一陣水喎，之後加蒜蓉 + 油撈勻佢蒸10分鐘，淋少少鮮露就好正架嘞~
棵樹真係慘...連根扙起咗....
回覆刪除[版主回覆05/25/2011 07:40:00]係呀~ 好慘呀! 我睇住佢由樹仔生到咁高架嘛..... 今日再經過棵樹已經搬走咗!
真係好大風．．．．成棵樹都 被吹到連根拔起．．．．
回覆刪除[版主回覆05/25/2011 07:38:00]尋日我去買餸時真係覺得大風到好恐怖!
棵樹好慘呀! 今日經過棵樹已經搬走咗咯.......
要take care 身體才好呢!
回覆刪除[版主回覆05/25/2011 22:32:00]Thank you SzeWan!
要做足保暖呀，take care~~~
回覆刪除[版主回覆05/25/2011 22:31:00]Thank you Jessica!
蒸乾魷魚第一次見咋 , 家裡剛好有我都試下蒸先 .
回覆刪除[版主回覆05/25/2011 22:31:00]係? 由細到大V婆婆都係咁整比我食架!
咁妳平時點整來食架?
V女 你果邊的天氣真係變化無常 !! 出門小心的呀
回覆刪除[版主回覆05/25/2011 22:30:00]我會嘞~ thank Katie!
聽V媽媽講香港近幾日天氣都涼咗好多喎，妳喺香港成日出入冷氣地方都要小心忽冷忽熱冷親呀!
睇新聞冰島火山灰隨風向南飄，逐漸衝擊歐洲....會唔會影響到轉天氣呀?take care!d 魷魚仔乾整得好靚呀!
回覆刪除[版主回覆05/25/2011 22:28:00]唔關火山灰事! 近個幾星期都已經係又大風又凍架嘞~ Thank you 我會take care 啦!
依種魷魚仔乾鮮甜好好食架!
D菜好靚好綠呀~~
回覆刪除咁樣既天氣, 你出門記得要小心D喇~~
[版主回覆05/25/2011 22:27:00]依隻菜心苗係幾好食架!
多謝提醒! 不過我已經賴咗野嘞.....超大風果日吹咗一陣就大傷風，今朝仲有少少發燒!
棵樹都吹成咁啦,妳被吹到打橫行已經好好架嘞,所以下次咁樣妳咪出街呀
回覆刪除[版主回覆05/25/2011 22:18:00]我出街前都知道外面好大風，不過出到去先知原來咁鬼勁!
估唔到吹咗短短幾分鐘就大傷風! 今朝仲有少少發燒啊......
嘩...真係好大風喎...你要保重, 小心身體...
回覆刪除[版主回覆05/25/2011 22:48:00]Thank you 艾菲!
我平時加埋冬菇馬蹄豬肉一齊啄碎蒸 , 都幾好味的 .
回覆刪除我今晚都試用妳的方法蒸魷魚仔 , 真係好香但稍為韌 , 可能我蒸過時了 .
[版主回覆05/25/2011 22:47:00]我下次都試吓用來剁肉餅!
d魷魚仔蒸前要先用水浸5至10分鐘架! 如果無浸過緊係會韌啦!!
呢兩日 hk 都好涼，得 20度，都5 月啦，唔知攪咩！咁少菜既？我一個人都嫌少呀！嘻..
回覆刪除[版主回覆05/27/2011 01:32:00]依餐無預咗會煮嘛! 臨時先決定煮，咁我咪將包菜分2次囉，反正Mr.T 唔多鍾意食灼菜.....
依種魷魚仔乾以前我婆婆成日蒸黎食真係好香~
回覆刪除妳係米花粉影響到打乞嚏、喉乾、流鼻水兼嚴重鼻塞?take care ar!
[版主回覆05/27/2011 01:30:00]係呀~ 依種魷魚仔蒸起好鮮甜架!
我唔係花粉症呀! 我無花粉症架~ 我喺果日大風出街買餸冷親，尋日朝早仲有少少發燒.....不過而家無事嘞! thanks Andrea!
依家d天氣 變化無常, 真係出街要帶多件衫呀, 妳要小心身體
回覆刪除[版主回覆05/27/2011 01:22:00]Thanks 菲仔! 我聽V媽媽講最近香港天氣好涼咗好多，我有好多朋友都病咗呢~ 大家出入都要留意小心身體啊!
而家冇事就好喇~係我估錯花粉症
回覆刪除[版主回覆05/27/2011 22:07:00]果日真係大風到離哂譜，我都未試過大風到被風吹起架!!!
原來魷魚仔乾就係佢,HAHA...我媽媽之前買左一包,佢用來砌碎蒸肉餅,好鮮味架,,,咁我試下你依個做法先得
回覆刪除[版主回覆05/27/2011 22:07:00]好多網友都係用依種魷魚仔乾來蒸肉餅，不過我就由細到大，V婆婆都係就咁蒸來食~
我下次都試吓用來蒸肉餅先得!
原來魷魚仔乾就係佢,HAHA...我媽媽之前買左一包,佢用來砌碎蒸肉餅,好鮮味架,,,咁我試下你依個做法先得
回覆刪除WOW,,,好大粒 冰雹.比佢打中都幾痛.而家先5月,咁快就好凍呀!!你要小心身體呀!!休息多啲!!
回覆刪除[版主回覆05/27/2011 22:05:00]其實依邊應該唔係咁快就凍，只係未有耐熱啫~
我會小心身體架嘞~ thanks 晶晶!
WOW,,,好大粒 冰雹.比佢打中都幾痛.而家先5月,咁快就好凍呀!!你要小心身體呀!!休息多啲!!
回覆刪除我知喇 ﹗原來你唔同埋的醃叉燒汁一齊焗~ 唔怪得有汁剩~ 我成日以為要一齊焗~ 我都好怕一身油煙味﹐尤其頭髮~ 我最憎突然落冰雹﹗攪到我有兩次買完野返唔到屋企﹗
回覆刪除[版主回覆05/27/2011 22:05:00]無錯! 係唔同埋汁一齊焗既，咁就有汁剩來醃雞翼嘞!
落冰雹真係好煩! 如果喺街一定要搵野遮頭呢~